Francisco Caamaño

Francisco Caamaño

(2009)
Biografía
Nacemento	(es) Francisco Caamaño Domínguez 8 de xaneiro de 1963 (61 anos) Cee, España
Deputado no Congreso dos Deputados
29 de novembro de 2011 – 13 de novembro de 2012 – Paloma Rodríguez Vázquez → Lexislatura: X lexislatura de España Circunscrición electoral: Circunscrición electoral da Coruña Electo en: Eleccións Xerais 2011 en España
Ministro de Xustiza de España
23 de febreiro de 2009 – 22 de decembro de 2011 ← Mariano Fernández Bermejo – Alberto Ruiz-Gallardón →
Datos persoais
Educación	Universidade de Santiago de Compostela
Actividade
Lugar de traballo	Madrid
Ocupación	político, avogado, catedrático, xurista
Empregador	Tribunal Constitucional de España, letrado (en) (1993–2001) Universidade de Valencia Universidade da Coruña
Partido político	Partido Socialista Obrero Español
Premios
(2012)  Gran Cruz da Orde de San Raimundo de Peñafort (2011)  Gran Cruz da Orde de Carlos lll

Francisco Manuel Caamaño Domínguez, nado en Cee o 8 de xaneiro de 1963, é un político galego, foi ministro de Xustiza de España entre 2009 e 2011.

Traxectoria

No plano persoal, está casado e ten dous pícaros. No profesional, é licenciado en dereito pola Universidade de Santiago de Compostela en 1986, foi profesor desa universidade ata que en 1993 foi asignado como letrado no Tribunal Constitucional. En 2001 regresou á Universidade de Santiago e en 2002 conseguiu a cátedra de dereito constitucional na Universidade de Valencia, posto onde permaneceu ata 2004.

Militante do PSOE, nese ano foi nomeado por José Luis Rodríguez Zapatero secretario de estado de Relacións coas Cortes, posto no que se ocupou de negociar algúns estatutos de autonomía e de facer reformas no sistema de votación nas eleccións locais dos estranxeiros que vivían en España. En 2008 continuou no mesmo posto logo dunha reforma de goberno, aínda que daquela baixo a denominación de secretaría de Estado de Asuntos Constitucionais e Parlamentarios.

O 24 de febreiro de 2009, e logo da dimisión do anterior ministro de Xustiza, Mariano Fernández Bermejo, tomou posesión como novo ministro do goberno socialista. Desa maneira houbo catro ministros galegos no goberno de España, algo que non sucedera en toda a época democrática. Permaneceu no seu posto ata a derrota electoral socialista de novembro de 2011. Nesas xerais de 2011, Caamaño encabezou a candidatura socialista pola provincia da Coruña, por onde foi elixido deputado. Foi elixido Secretario Provincial do PSdeG na Coruña no correspondente Congreso de xuño de 2012. Nas eleccións autonómicas de 2012 encabezou a candidatura do PSdeG pola provincia da Coruña e foi elixido deputado do Parlamento de Galicia.

En setembro de 2014 dimitiu como Secretario Provincial e convocou primarias para novembro. O 20 de abril de 2015 anunciou que tamén renunciaba ao seu escano no Parlamento de Galicia por motivos persoais, coa intención de reincorporarse á docencia na Universidade de Valencia.

Obras

• El mandato parlamentario (1992)
• El control de constitucionalidad de disposiciones reglamentarias (1994)
• Normas institucionais de Galicia (1995)
• Jurisdicción y procesos constitucionales (1997)
• El derecho de sufragio pasivo: prontuario de jurisprudencia constitucional 1981-1999 (2000)
• La garantía constitucional de la inocencia (2003)

Véxase tamén

Outros artigos

• Lista de deputados galegos no Congreso desde a Transición

Ligazóns externas

• Ficha no Parlamento de Galicia Arquivado 02 de abril de 2015 en Wayback Machine.
• Entrevista de Caamaño no diario Xornal de Galicia
• Perfil de Francisco Caamaño (en castelán)