Saint-Germain-en-Laye

Saint-Germain-en-Laye
Localización
	48°53′47″N 2°05′26″L / 48.8964, 2.0906Coordenadas: 48°53′47″N 2°05′26″L / 48.8964, 2.0906
Estado	Francia
Divisións administrativas	Francia Metropolitana
Rexións	Illa de Francia
Departamento	Yvelines
Distritos	arrondissement of Saint-Germain-en-Laye (en)
Capital de	canton of Saint-Germain-en-Laye (en) (2019–); arrondissement of Saint-Germain-en-Laye (en) (2019–)
Poboación
Poboación	44.380 (2021) (854,45 hab./km²)
Xeografía
Situado na entidade territorial estatística	Q108921672 ; Paris unité urbaine (en)
Superficie	51,94 km²
Comparte fronteira con	Poissy ; Maisons-Laffitte ; Le Mesnil-le-Roi ; Chambourcy ; Le Pecq ; Mareil-Marly
Datos históricos
Precedido por	Saint-Germain-en-Laye e Fourqueux
Creación	1 de xaneiro de 2019
Organización política
Membro de	Concurso das cidades e aldeias floridas (pt)
Identificador descritivo
Código postal	78100
Outro
Irmandado con	Aschaffenburg (1975–); Temara (pt) (1982–); Ayr (1984–); Winchester (pt) (1990–); Konstancin-Jeziorna (pt) (1992–); Schwelm (2007–)
Páxina web	saintgermainenlaye.fr

Saint-Germain-en-Laye é unha comuna francesa e cidade do departamento de Yvelines, na rexión da Illa de Francia.

O municipio é na actualidade unha subprefectura, e a sede administrativa do distrito de Saint-Germain-en-Laye e a capital do cantón de Saint-Germain-en-Laye.^[1]

Xeografía[editar | editar a fonte]

Situada a unha altitude entre os 22 e os 176 msnm, ocupa unha extensión de 53,09 km².^[1]

A 1 de xaneiro de 2018 contaba cunha poboación de 44 750 habitantes, polo que a súa densidade de poboación nese ano era de 843 hab./km².^{[Cómpre referencia]}

Saint-Germain-en-Laye é alcumado como o "maior centro comercial ao aire libre ao oeste de París", xa que conta con máis de 800 tendas, a maioría delas situadas no centro histórico.^[2]

Saint-Germain-en-Laye é a sede de Ford France, e das filiais francesas de Bose Corporation e Cargill, entre outras. A estación de tratamento de augas residuais Sena-Aval do Syndicat interdépartemental pour l'assainissement de l'agglomération parisienne (SIAAP), a depuradora de augas residuais maior da área de París, está en funcionamento desde 1940 e trata unha media de 1,5 millóns de m³ de auga por día.^[3]

A agricultura só xoga un papel moi pequeno na economía do municipio.

Demografía[editar | editar a fonte]

Serie de poboación histórica de Saint-Germain-en-Laye
(Fonte/s: INSEE)
Ano	1793	1800	1846	1866	1872	1896	1901	1911	1921	1931	1946	1968	1975	1982	1999	2007
Poboación	13 400	8 954	13 488	17 478	22 862	16 489	17 297	18 344	20 008	21 996	22 013	38 308	37 509	38 499	38 423	41 517

Historia[editar | editar a fonte]

Saint-Germain-en-Laye foi fundada en 1020 cando o rei Roberto o Piadoso (996–1031) fundou un convento no lugar da actual igrexa de Saint-Germain. Antes da Revolución francesa en 1789 foi unha cidade real, e a residencia de numerosos monarcas franceses.

O vello castelo de Saint-Germain-en-Laye foi construído en 1348 polo rei Carlos V sobre a base dun castelo máis antigo que databa da época de Lois IX, san Lois, en 1238. A Francisco I débese l restauración seguinte, e despois os reis Henrique IV e Lois XIII deixaron as súas pegadas na cidade.

Lois XIV naceu alí, e converteuna na súa residencia principal de 1661 a 1681. Lois XIV recibiu no castelo ao seu curmán, o rei Xacobe II Estuardo, cando volveu do seu exilio en Gran Bretaña. O rei Xacobe viviu no castelo durante 13 anos, a a súa filla Luísa Maria Estuardo naceu alí en 1692. Os seus restos repousan na igrexa da cidade.

Durante a Revolución francesa cambióuselle o nome, como a moitas outras cidades cuxos nomes teiñan connotacións de igrexa ou realeza. Saint-Germain-en-Laye transformouse en Montagne-du-Bon-Air.

No século XIX, Napoleón estableceu a súa escola de oficiais de cabalaría no Castelo Vello. En 1867 Napoleón III construíu o Museo de Antigüidades Nacionais, no que se expoñen obxectos procedentes desde o paleolítico até a época merovinxia.

O 10 de setembro de 1919 asinouse no castelo o Tratado de Saint-Germain. Este tratado estableceu a paz entre os aliados da Tripla Entente e Austria, e consagrou a desaparición da Monarquía Austro-Húngara.

Durante a ocupación nazi, desde 1940 até 1944, foi o Cuartel Xeral da Wehrmacht en Francia.

Creación da comuna[editar | editar a fonte]

A comuna creouse o 1 de xaneiro de 2019 ao fusionarse os municipios anteriormente independentes de Saint-Germain-en-Laye e Fourqueux, que desde entón teñen o status de Communes déléguées. A sede administrativa está en Saint-Germain-en-Laye.^[4]