John Trulock: Diferenzas entre revisións
datas incorrectas |
m escolla do primeiro editor |
||
| Liña 1: | Liña 1: | ||
{{Biografía |
{{Biografía |
||
|descrición = John Trulock co seu neto [[Camilo José Cela]] no |
|descrición = John Trulock co seu neto [[Camilo José Cela]] no regazo en 1916. |
||
|ocupación = xerente de [[The West Galicia Railway Company Limited|The West Galicia Railway Co. Ltd.]] |
|ocupación = xerente de [[The West Galicia Railway Company Limited|The West Galicia Railway Co. Ltd.]] |
||
|cónxuxe = Josefina Catalina Aida Bertorini |
|cónxuxe = Josefina Catalina Aida Bertorini |
||
Revisión como estaba o 18 de agosto de 2020 ás 07:51
 John Trulock co seu neto Camilo José Cela no regazo en 1916  | |
| Biografía | |
|---|---|
| Nacemento | 31 de decembro de 1856 Bow |
| Morte | 8 de xuño de 1919 (62 anos) Iria Flavia, España |
| Lugar de sepultura | cemiterio de Adina |
| Datos persoais | |
| País de nacionalidade | Reino Unido de Gran Bretaña e Irlanda |
| Actividade | |
| Ocupación | xerente de The West Galicia Railway Co. Ltd. |
| Familia | |
| Cónxuxe | Josefina Catalina Aida Bertorini |
| Fillos | 7
|
John Trulock, nado en Bow (Londres) o 31 de decembro de 1856 e finado en Iria Flavia (Padrón) o 8 de xuño de 1919,[1] foi o xerente en Galicia da compañía inglesa The West Galicia Railway Co. Ltd., propietaria da primeira liña de ferrocarril entre Santiago de Compostela e Vilagarcía de Arousa.[2][3][a]
Traxectoria
Fillo de John Trulock (1814—1869), un comerciante de millo natural de Bow, e de Henrietta Glascott (1833— ), natural de Whitechapel, que casaron o 31 de xullo de 1855.[b] John Trulock foi o irmán máis vello doutros cinco fillos do matrimonio; Alfred, Arthur, Henry, Kate e mais Ellen.
John naceu en Bow[c] e residiu con seus pais e os seus cinco irmáns en varios lugares do leste de Londres ó longo da súa infancia.[1][d] Tivo unha existencia cómoda ata os trece anos, mais cando seu pai finou o día 24 de agosto de 1869 á idade de 55 anos, tódalas pertenzas da familia foron vendidas pouco tempo despois nunha poxa.[1]
A familia foi separada; no censo de 1871 consta que seus irmáns foran acollidos en diferentes asilos para orfos da cidade de Londres,[e] non obstante, John con 14 anos vivía de forma independente e figura no censo como traballador dun almacén para unha fábrica de paraugas en Holborn.[1]
Cando contaba 18 anos de idade Trulock encontrábase en Galicia e foi nomeado voceiro da compañía Sociedad del Ferro-Carril Compostelano de la Infanta Doña Isabel na xunta xeral de accionistas de 1875. En 1876 John Trulock figura como membro do consello do Ferro-Carril Compostelano, representando o financeiro británico da compañía Credit Foncier.[6] En 1883 aparece como xerente,[7] cargo que ocuparía ata a súa morte en Iria Flavia no ano 1919.
Casou o 31 de maio de 1889 no Consulado británico da Coruña con Josefina Bertorini, filla do seu socio comercial Camilo Bertorini e a súa esposa María Margarita Jones. O matrimonio tivo sete fillos, incluída María, que casaría con Eduardo Rodríguez-Losada Rebellón, e mais Camila, a nai de Camilo José Cela Trulock.[8]
John Trulock faleceu o 8 de xuño de 1919 ós 62 anos de idade e foi soterrado no cemiterio de Adina, en Iria Flavia.
Recoñecemento
Trala inauguración da Fundación Camilo José Cela no ano 1991 creouse o 25 de maio de 1999 o Museo do Ferrocarril,[9] integrado dentro da casa Museo Camilo José Cela, en homenaxe a John Trulock.[10]
Notas
- ↑ O primeiro camiño de ferro de Galicia foi inaugurado o 15 de setembro de 1873 e unía a estación de Cornes, no concello de Conxo, preto de Santiago de Compostela, coa estación do Carril, no concello do Carril, preto de Vilagarcía de Arousa.[4]
- ↑ John Trulock (pai) e Henrietta Glascott casaron o 31 de xullo de 1855 na Holy Trinity Church (en galego igrexa da Santísima Trindade), en Mile End, Londres.
- ↑ John Trulock naceu nunha casa de Tredegar Square en Bow, no leste de Londres, o 31 de decembro de 1856.[1]
- ↑ Residiu en diferentes lugares do leste de Londres durante a súa infancia, incluíndo Bow (1855—1859), Bromley (1860—1863), Woodford Green (1865—1867) e Hackney (1969).[5]
- ↑ No censo de 1871, Arthur atopábase no British Orphan Asylum (Asilo para Orfos Británicos) en Berkshire; Alfred e Henry encontrábanse no City of London Orphan School (Escola para Orfos da Cidade de Londres), en Lambeth; Kate e mais Ellen estaban no Infant Orphan Asylum (Asilo para Nenos Orfos) de Wanstead. Descoñécese o paradoiro de súa nai.[1]
- Referencias
- ↑ 1,0 1,1 1,2 1,3 1,4 1,5 Hooper, Kirsty (08-05-2014). "From Mile End to Iria Flavia: John Trulock (1856-1919), a British Railwayman in Galicia". Hispanic Britain (en inglés). Consultado o 05-04-2020.
- ↑ "Historia do ferrocarril en Carril e Vilagarcía de Arousa". patrimoniovilagarcia.com. Consultado o 08-07-2020.
- ↑ Peris Torner, Juan (06-03-2012). "Santiago a Carril y Pontevedra, (The West Galicia Railway Company Limited)". spanishrailway.com (en castelán). Consultado o 08-07-2020.
- ↑ "...Cuando 'El Compostelano' enlazaba Santiago con Carril desde la estación de tren de Cornes". El Correo Gallego (en castelán). 02-02-2018. Consultado o 08-07-2020.
- ↑ Hooper, Kirsty. "John Trulock en Londres". Consultado o 08-07-2020.
- ↑ "Ferro-carril Compostelano". El Diario de Santiago (en castelán). 21-08-1876. p. 1. Consultado o 06-04-2020. —Galiciana. Biblioteca Dixital de Galicia.
- ↑ "Ferro-Carril Compostelano". Gaceta de los Caminos de Hierro (en castelán). 25-03-1883. pp. 9–10. Consultado o 06-04-2020. —Hemeroteca Digital de la Biblioteca Nacional de España.
- ↑ "John Trulock Family Tree". geneanet.org. Consultado o 06-04-2020.
- ↑ "Cronología de Camilo José Cela". Biblioteca Virtual Miguel de Cervantes. Consultado o 08-07-2020.
- ↑ "Museo do Ferrocarril da Fundación Camilo José Cela". fundacioncela.gal. Consultado o 08-07-2020.
Véxase tamén
 |
Wikimedia Commons ten máis contidos multimedia na categoría: John Trulock  |
Outros artigos
Ligazóns externas
- "From Mile End to Iria Flavia: John Trulock (1856-1919), a British Railwayman in Galicia". Hispanic Britain. No Blog de Kirsty Hooper.