Biblioteca de Galicia: Diferenzas entre revisións
Sen resumo de edición |
Sen resumo de edición |
||
Liña 1: | Liña 1: | ||
[[Ficheiro:Biblioteca de Galicia. Cidade da Cultura. Santiago de Compostela-C01.jpg|dereita|300px]] |
[[Ficheiro:Biblioteca de Galicia. Cidade da Cultura. Santiago de Compostela-C01.jpg|dereita|300px]] |
||
A ''' |
A '''Biblioteca de Galicia''' é a biblioteca cabeceira do sistema bibliotecario galego. Foi deseñada polo arquitecto [[EEUU|americano]] [[Peter Eisenman]] e forma xunto con outros seis edificios a [[Cidade da Cultura de Galicia]], localizada en [[Santiago de Compostela]]. |
||
== Características == |
== Características == |
Revisión como estaba o 19 de novembro de 2014 ás 07:28
A Biblioteca de Galicia é a biblioteca cabeceira do sistema bibliotecario galego. Foi deseñada polo arquitecto americano Peter Eisenman e forma xunto con outros seis edificios a Cidade da Cultura de Galicia, localizada en Santiago de Compostela.
Características
Representa ao sistema bibliotecario galego ante todos os organismos, foros e plataformas internacionais do eido bibliotecario. A Xunta de Galicia inaugurouna o 11 de xaneiro de 2011.[1] A Biblioteca arrincaou con máis de 250.000 volumes, sen contar prensa, e un equipo de trinta expertos ao fronte.[2] Na actualidade ronda o millón de volumes[3].
Conta con 15.702 m2 útiles, distribuidos en seis alturas.
A biblioteca, cuxa misión é a de reunir, conservar e difundir o patrimonio bibliográfico de Galicia e toda a produción impresa, sonora, audiovisual ou informática vencellada co mesmo, garda na súa colección dende volumes do século XVI, manuscritos ou primeiras edicións dos autores do Rexurdimento ata carteis de festas, reflexo da historia do país. Asemade, promociona e difunde a cultura galega, facilitando o acceso ao patrimonio bibliográfico galego, xa sexa de xeito presencial ou virtual, e será unha peza clave para as actividades culturais relacionadas co libro, a lectura e as bibliotecas. Neste marco, destinará recursos especiais á promoción da literatura infantil e xuvenil en lingua galega, potenciando o seu valor e a diversidade cultural.
Tanto os cidadáns en xeral como o público profesional poden acceder á información relevante para usos culturais e educativos.
Entre as coleccións que alberga a biblioteca atópanse os fondos bibliográficos de Isaac Díaz Pardo, Rodolfo Nuñez de las Cuevas, Basilio Losada, Xesús Alonso Montero, Carlos Casares, Luis Losada Espinosa, Agustín Sixto Seco ou Celso Collazo Lema. [4]
A biblioteca tamén custodia os fondos do Consello da Cultura Galega: Arquivo da Emigración Galega.[5] Arquivo Sonoro de Galicia[6] e o Centro de Documentación Sociolingüística.[7]
Fondos e coleccións
Na Biblioteca de Galicia custódianse as bibliotecas persoais de Xesús Alonso Montero, Celso Collazo Lema, Isaac Díaz Pardo, Basilio Losada, Luis Losada Espinosa, Rodolfo Núñez de las Cuevas e Agustín Sixto Seco.
A colección da hemeroteca histórica iníciase co primeiro xornal publicado en Galicia, El Catón Compostelano. Esta hemeroteca inclúe tanto cabeceiras publicadas en Galicia como na emigración (Caras y Caretas, El Eco de Galicia...).
A cartoteca inclúe os fondos que ingresan por depósito legal desde o ano 2008, amais da colección de mapas de Carlos Díaz e Alicia Castro. Esta colección inclúe a maioría dos mapas antigos impresos dende o século XVI (190 mapas) con exemplares como os de Ojea ou a Carta Xeométrica de Galicia de Domingo Fontán. Tamén no 2008 o xeógrafo Nuñez de las Cuevas doou a súa colección bibliográfica que inclúe 387 mapas. Entre eles atópanse mapas realizados na Segunda Guerra Mundial como os realizados polo exército alemán cando non estaba completo o Mapa Topográfico Nacional. Destaca asemade o mapa usado polo Estado Maior do Xeneral Dwight D. Eisenhower, en 1945, indicando as distintas zonas de acción e ocupación de Alemaña polos diferentes países da coalición.[8]
Na biblioteca gárdanse tamén fondos gráficos, sonoros e audiovisuais.
Notas
- ↑ A Xunta confirma o día 11 de xaneiro de 2011 como data oficial da inauguración da Biblioteca e do Arquivo da Cidade da Cultura Xunta.es 07/12/2010
- ↑ Desde manuscritos de Rosalía a papeles con sabor a chocolate 26/12/2010 (en castelán).
- ↑ http://www.xunta.es/notas-de-prensa/-/nova/6093/biblioteca-galicia-ten-disposicion-cidadania-preto-800-000-volumes
- ↑ Bibliotecas de Autor- Biblioteca de Galicia, 26/08/2013.
- ↑ [1]
- ↑ [2]
- ↑ [3]
- ↑ http://www.bne.es/es/Colecciones/docs/DirectorioCartotecas.pdf
Véxase tamén
Wikimedia Commons ten máis contidos multimedia na categoría: Biblioteca de Galicia |