Tottenham Hotspur

Tottenham Hotspur
Nome	Tottenham Hotspur Football Club
Alcume(s)	Spurs, Lilywhites
Fundación	1882
Estadio	White Hart Lane, Londres Inglaterra
Inauguración	1899
Capacidade	36.310
Presidente	Daniel Levy
Adestrador	Harry Redknapp
Liga	Premier League
2011-12	4º
Vestimenta	Puma
Patrocinador	Mansión.com
Na rede
http://www.tottenhamhotspur.com/
Titular Alternativo

O Tottenham Hotspur Football Club é un club de fútbol do norte da cidade de Londres, en Inglaterra. Fundado no ano 1882, xoga na Premier League inglesa, competición da que foi campión 2 veces. O seu rival clásico é o Arsenal, co cal disputa o Derbi do Norte de Londres.

Historia

O Tottenham Hotspur FC (tamén chamado Spurs) foi fundado no ano 1882. Naceu gracias á iniciativa duns rapaces do clube de cricket Hotspur e da escola primaria local, polo que nun comezo o nome do clube foi Hotspur FC. A institución pasou a chamarse Tottenham Hotspur Football and Athletic Club en 1884. En 1887 xogouse o primeiro clásico, coñecido como Derbi do Norte de Londres contra o Arsenal FC, por entón chamado Royal Arsenal. O partido foi suspendido por mor da escuridade cos Spurs (alcume do clube) gañando por 2 a 1.

O club trasladouse en 1888 a uns terreos privados en Northumberland Park. En 1890 as cores do equipo eran camisolas vermellas e pantalóns curtos azuis. A institución se profesionalizou en 1895, e ó ano seguinte ascendeu á Primeira División da Liga. Ese ano tamén trocaron as cores, pasando o vermello e azul a negro e dourado. En 1897 consegue chegar á final dunha copa por vez primeira, caendo fronte ao local Wellingborough por 0 a 2 na Charity Cup. O club foi convertido nunha sociedade de responsabilidade limitada en 1898. Ese mesmo ano cambia as cores de novo, camisola branca e pantalón azul.

Vitoria na FA Cup de 1901.

Xa no ano 1899 o club mudouse a onde está hoxe. Ó ano seguinte o Tottenham é campión da Liga do Sur. No ano 1901 se fan coa FA Challenge Cup, converténdose no único club da liga (trala formación da Football League en 1888) en obter ese título.

No ano 1908 o Tottenham descendeu á Segunda División da Liga de Fútbol, pero ascendeu de novo ó ano seguinte. Aos descensos dos anos 1915, 1928 e 1935 lles sucederon os ascensos dos anos 1920, 1933 e 1950.

Os grandes éxitos do Tottenham Hotspur FC comenzaron en 1951, cando recentemente ascendido, o club gañou por vez primeira o campionato inglés de liga, feito que repetiu no ano 1961. Ese ano tamén gañaron a FA Cup, repetindo en 1962. En 1963 o Tottenham conseguiu a Recopa de Europa fronte ó Atlético de Madrid, vencendo por 5 a 1 na final xogada en Rotterdam. Foi o primeiro club inglés en gañar unha competición europea.

A pesares de gañar de novo a FA Cup en 1967, e a súa 1ª Copa da UEFA en 1972 (fronte ao Wolverhampton), na liga inglesa o club descende de novo en 1977. En 1978 ascenderon de novo á Primeira División, gañaron 2 FA Cup seguidas en 1981 e 1982, e no ano 1983 converteuse no primeiro club inglés en saír á Bolsa de Londres. En 1984 o Tottenham gaña a súa 2ª Copa da UEFA fronte ao Anderlecht.

White Hart Lane, fogar do Tottenham.

O Tottenham Hotspur gañou a súa 8ª e derradeira FA Cup en 1991. No ano 1992 o club foi un dos membros fundadores da nova Premier League.

En 2001 chegou á presidencia o seu actual presidente, Daniel Levy. En 2010 o equipo rematou 4º na Premier clasificándose despois de mais de 40 anos para xogar na Liga de Campións.

Estadio

O Tottenham Hotspur trasladouse a White Hart Lane en 1899. O seu primeiro partido neste campo rematou cunha vitoria sobre o Notts County por 4 a 1. Entre os anos 1908 e 1972, White Hart Lane foi un dos poucos campos de fútbol británicos que non amosaban ningunha publicidade.

Ó redor de 1923 o recinto foi ampliado para acoller a 50.000 persoas cubertas. En 1953 lle foi introducida a iluminación artificial. O club está traballando nun proxecto para construír un novo estadio que teña acollida para 60.000 seareiros.

Xogadores 2011/12

Harry Redknapp, o adestrador.

Gareth Bale.

• Actualizada o 4 de febreiro do 2012.

Nº Posto País Xogador 1 POR Heurelho Gomes 3 MED Gareth Bale 4 DEF Younès Kaboul 6 MED Tom Huddlestone 7 MED Aaron Lennon 8 MED Scott Parker 10 DIA Modelo:TOGb Emmanuel Adebayor 11 MED Rafael van der Vaart 13 DEF William Gallas 14 MED Luka Modrić 15 DIA Louis Saha 17 DIA Giovani dos Santos 18 DIA Jermain Defoe 20 DEF Michael Dawson

Nº Posto País Xogador 21 MED Niko Kranjčar 23 POR Carlo Cudicini 24 POR Brad Friedel 25 MED Danny Rose 26 DEF Ledley King (C) 28 DEF Kyle Walker 29 MED Jake Livermore 30 MED Sandro 32 DEF Benoît Assou-Ekotto 33 DEF Modelo:NCEb Ryan Nelsen 36 DEF Bongani Khumalo 38 MED David Bentley 42 DIA Simon Dawkins

• Ver: Premier League 2011-12 e UEFA Europa League 2011-12.

Palmarés

.Situación do club no norte de Londres.

Torneos nacionais

• Liga Inglesa (2): 1950/51, 1960/61
• Copa de Inglaterra (8): 1900/01, 1920/21, 1960/61, 1961/62, 1966/67, 1980/81, 1981/82, 1990/91
• Copa da Liga (4): 1970/71, 1972/73, 1998/99, 2007/08
• Supercopa Inglesa (7): 1921, 1952, 1962, 1963, 1968, 1982, 1992
• 2ª División Inglesa (2): 1919/20, 1949/50

Torneos internacionais

• Recopa de Europa (1): 1962/63
• Copa da UEFA (2): 1971/72, 1983/84
• Anglo-Italian League Cup (1): 1971

Véxase tamén

Ligazóns externas

• Páxina oficial (en inglés)
• Tottenham na web da Premier League (en inglés)