Carlos Callón

Carlos Callón

Carlos Callón
Biografía
Nacemento	26 de agosto de 1978 (45 anos) Santa Uxía de Ribeira, Galiza
3º Presidente da Mesa pola Normalización Lingüística
2002 – 2014 ← Concha Costas – Marcos Maceira →
Datos persoais
País de nacionalidade	España
Educación	Universidade de Santiago de Compostela
Actividade
Ocupación	Mestre, escritor
Partido político	Bloque Nacionalista Galego
Membro de	Asociación Hispánica de Literatura Medieval
Lingua	Lingua castelá e lingua galega
Páxina web	carloscallon.com

Carlos Manuel Callón Torres, nado en Santa Uxía de Ribeira o 26 de agosto de 1978, é licenciado en filoloxías galega e portuguesa pola Universidade de Santiago de Compostela. Exerce como profesor de lingua e literatura galega no ensino secundario.

Traxectoria

Foi concelleiro por parte do BNG na súa vila natal entre xaneiro de 2001 e xuño de 2002, e membro do Consello Asesor de RTVE en Galicia entre 2001 e 2002. A partir de 1995 ocupou diversas responsabilidades na Mesa pola Normalización Lingüística, organización de cuxa xunta directiva nacional é membro dende 1995 e que preside desde 2002. É presidente tamén do padroado da Fundación Vía Galego, desde a súa constitución en 2006. Preside tamén a Fundación Via Galego e a federación estatal Diverslinguae, desde a constitución de ambas, en 2006 e 2008, respectivamente.

É membro do grupo Galabra da USC e do consello de redacción de Longalingua. Publicación galega de lingua e sociedade. Colaborou nos primeiros pasos da Biblioteca Virtual Galega, da Universidade da Coruña.

Obra

É autor de diversos traballos centrados na sociolingüística e mais nos estudos literarios, dados a coñecer en diferentes congresos e revistas especializadas. Así mesmo, é autor dos libros Unha historia que nos pertence (A obra poética en galego de Lorenzo Varela) (2005) e En castellano no hay problema (2010), no cal aborda a situación do idioma galego nos últimos tres lustros, facendo especial fincapé na política lingüística do bipartito e do comezo da lexislatura de Alberto Núñez Feijóo.

En febreiro de 2011 gañou o XVI premio Vicente Risco de Ciencias Sociais coa obra Amigos e sodomitas. A configuración da homosexualidade na Idade Media, na que analiza a aceptación da adelphopoiesis na Idade Media. Entre outra documentación, analiza un documento de 1061 recollido no Tombo de Celanova, polo cal Pedro Díaz e Muño Vandilaz subscribían unión en Rairiz de Veiga.

Ensaio

• Unha historia que nos pertence (A obra poética en galego de Lorenzo Varela), 2005, A Nosa Terra.
• En castellano no hay problema, 2010, Xerais.
• Amigos e sodomitas. A configuración da homosexualidade na Idade Media, 2011, Sotelo Blanco.
• Como defenderes os teus dereitos lingüísticos, 2011, Xerais.
• Como falar e escribir en galego con corrección e fluidez, 2012, Xerais.

Obras colectivas

• I Congreso Internacional Curros Enríquez e o seu tempo, 2004, Consello da Cultura Galega.
• Xosé Chao Rego: renacer galego. (Actas do Simposio-Homenaxe), 2010, Fundación Bautista Álvarez de Estudos Nacionalistas.

Premios

• XVI Premio Vicente Risco de Ciencias Sociais en 2011, por Amigos e sodomitas. A configuración da homosexualidade na Idade Media.
• Premio Fervenzas Literarias ao mellor libro de ensaio no 2011, por Amigos e sodomitas.

Galería de imaxes

Artigo principal: Galería de imaxes de Carlos Callón.

• 
• 

Véxase tamén

Ligazóns externas

• Blog do Carlos Callón
• Ficha do autor na AELG