Almuñécar

44' N / 3° 41' O_E_ 36_44_N_03_41_W, 36° 44' N / 3° 41' O Modelo:Infcidade

Almuñécar é un municipio da provincia de Granada, en Andalucía. Limita cos concellos granadinos de Otívar, Jete, Ítrabo e Salobreña, e co malagueño de Nerja. Está composto por tres núcleos de poboación: Almuñécar, La Herradura e Velilla-Taramay.

É un importante centro turístico, ubicado entre o mar Mediterráneo e a montaña, así como un importante produtor de frutos subtropicais como o aguacate, chirimoio, mango ou kiwis.

Está atravesado polos ríos Verde e Seco.

Historia

Os primeiros asentamentos teñen lugar hai uns 3500 anos, cos poboadores da cultura argárica da idade de Bronce. A finais do século IX a. C. os indíxenas recibiron a colonización fenicia, creando as estructuras urbanas da colonia de Ex, de tal forma que, cando a finais do século III a. C. chegaron os romanos, encontraron unha cidade ben estructurada, cunha puxante economía baseada na salazón do peixe e con moeda propia. A vila foi remodelada, coa construción de templos, teatro e acueductos, propios do municipio de dereito latino Sexi Firmum Iulium.

En tempos de al-Ándalus, o viaxeiro al-Idrisi fai mención das ruínas de construcións anteriores. Coa chegada de Abderramán I no 755, Almuñécar pasou a pertencer, segundo a división administrativa dos musulmáns, á cora de Elvira.

Nese momento Almuñécar era un punto forte na costa: posuía un hins ou castelo, aínda que ata o século XI non se pode falar dela como cidade ou medina. Producía caña de zucre, plátanos, pasas, cereais, todo tipo de frutos e casi tódolos xeógrafos sinalan a boa pesca que obtiña nas súas augas. A cidade dispuña de porto, arrabales ou barrios extramuros, mercados e unha mesquita maior.

Durante o período no que o territorio de al-Ándalus estivo dividido en diversas taifas, Almuñécar dependeu da de Granada, consolidándose como a principal cidade costeira do seu reino.

Durante o reino nazarí foi un dos núcleos máis importantes, xunto co resto dos lugares do seu distrito: Cázulas, Lentegí, Turillas, Otívar e Jete, a desaparecida alquería de Budíjar, Ítrabo e Jate (cerca de Moscaríl), sendo moi visitada pola realeza que pasaba épocas na residencia real.

Trala caída de Baza en 1489, a Costa de Granada rendiuse ás tropas castelás en decembro dese mesmo ano, baixo as capitulacións asinadas en Almuñécar.

O escudo de armas da cidade, constituído polas cabezas de tres piratas berberiscos que flotan no mar, foi un regalo do rei Carlos I.

Mariña do Leste

Igrexa de Almuñécar

O 21 de setembro de 2007 caeu unha tromba de auga na que se chegaron a contabilizar uns 180 l/m², provocando un morto e cuantiosos danos.

Nomes históricos do municipio

O nome antigo do municipio é Sexi, nome da cidade como colonia fenicia e mantido baixo dominio romano. o actual nome procede de Hins-al-Monacar («rodeada de montañas»), nome dado polos musulmáns ó volver a levantala das súas ruínas no século VIII.

Ligazóns externas

• Almuñécar
• Situación de Almuñécar