Erik Olin Wright

Erik Olin Wright
	; (2013)
Biografía
Nacemento	9 de febreiro de 1947 ; Berkeley
Morte	23 de xaneiro de 2019 (71 anos); Milwaukee
Causa da morte	leucemia mieloide aguda (pt)
Presidente da Asociación Americana de Socioloxía
	2012 – 2012 ; ← Randall Collins – Cecilia L. Ridgeway →
Datos persoais
Ideoloxía política	Marxismo analítico (pt)
Educación	Universidade de California, Berkeley - socioloxía (–1976); Balliol College - historia (–1970); Harvard College - estudos sociais (–1968)
Director de tese	Arthur L. Stinchcombe e Michael Reich (pt)
Actividade
Ocupación	sociólogo, profesor universitario
Empregador	Universidade de Wisconsin-Madison
Obra
	Obras destacables (2010) Vislumbrando utopias reais (pt) ;
Doutorando	Vivek Chibber, Gøsta Esping-Andersen (pt) , Robin Stryker (en) , João Alexandre Peschanski (pt) , George Steinmetz, Wilmot James (en) , Andrew Szasz, Josh Whitford (en) , Devah Pager, Eduardo Bonilla-Silva (en) , Shamus Khan (pt) e Stephanie Luce
Familia
Parentes	Robert L. Kahn, sogro
Premios
	(2015) doutor honoris causa pola Universidade de Buenos Aires; (1998) American Sociological Association Distinguished Scholarly Book Award (en) ;
Sitio web	ssc.wisc.edu…

Erik Olin Wright nado en Berkeley (California) o 9 de setembro de 1947, e finado 23 de xaneiro de 2019, foi un sociólogo marxista estadounidense.

Traxectoria

Estudou na Universidade de Harvard e no Balliol College de Oxford e na Universidade de California. É profesor na Universidade de Wisconsin, Madison. É director do Real Utopias project, un foro de discusión, investigación e publicacións sobre a transformación social.

Pensamento

Olin Wright pretende repensar as teorías clásicas marxistas sobre a estrutura de clases nas sociedades capitalistas contemporáneas. Estas están apegadas excesivamente á identificación do obreiro co traballador manual produtor de mercancías sen clarificar a posición que ocupan os demais asalariados na definición de intereses de clases e na propia loita de clases. Para Olin Wright a distinción entre traballo produtivo e improdutivo é secundaria, pois ela non supón unha diferenza substancial dos intereses de clase. En ámbolos dous casos o capitalista obtén unha plusvalía aínda que xerado en fases e momentos distintos. Aínda que os distintos tipos de traballadores no capitalismo avanzado poden ter intereses inmediatos dispares comparten aqueles que son fundamentais. O socialismo debe artellar unha estratexia que teña en conta ambos tipos de intereses. A revolución acontece cando os explotados ven coincidir os intereses inmediatos cos fundamentais.

Olin Wright subliña que Lenin non tivo en conta suficientemente o factor organizativo, polo que acode a Max Weber para sacar as consecuencias políticas para a toma organizada do poder por parte da clase obreira. Resulta fundamental erosionar as formas burocráticas do capitalismo e non reproducilas no proceso revolucionario da toma de poder por parte da esquerda. A participación directa dos colectivos de traballadores organizados é esencial. Se non se robustece e cohesiona previamente a capacidade da clase obreira, usar o Estado capitalista tardío para destruílo pode xerar unha nova forma de corporativismo alleo ao interese do traballador.

Obras

Class, Crisis and State
Classes
Class Counts: Comparative Studies in Class Analyses
Interrogating Inequality