David de Dios
| David de Dios | |||
|---|---|---|---|
| Información persoal | |||
| Nome | David de Dios Arana | ||
| Nacemento | 24 de xaneiro de 1981 (43 anos) | ||
| Lugar de nacemento | Vigo | ||
| Información de club | |||
| Club actual | Coruxo (ad.) | ||
| Adestrador | |||
| Anos | Equipos | ||
| 2004–2017 | Cantera RC Celta | ||
| 2020-2022 | Rápido de Bouzas | ||
| 2023 | Rápido de Bouzas | ||
| 2023- | Coruxo | ||
| [ editar datos en Wikidata ] | |||
David de Dios Arana, máis coñecido como David de Dios, nado en Vigo o 24 de xaneiro de 1981, é un adestrador de fútbol galego.
Traxectoria[editar | editar a fonte]
David de Dios Arana chegou ó RC Celta no verán do 2004 con 23 anos para emprender unha longa etapa nas categorías inferiores do club. O seu primeiro gran posto dentro da canteira celeste foi en 2012/2013 cando se fixo cargo do Xuvenil A. No seu primeiro ano adestrando na División de Honra o Celta gañou o campionato, sendo o seu conxunto o mellor Xuvenil A da historia da entidade tras conseguir 79 puntos en trinta xornadas de liga. Neste conxunto estaban xogadores de renome como Santi Mina e David Costas.[1] O equipo clasificouse para a Copa de Campións, disputada en Vigo. Grandes vitorias ante o Real Madrid e o Villarreal CF catapultaron os celestes á final, na que se impuxeron pola mínima ao Sevilla Fútbol Club.
Tras esta experiencia a David ascendérono ao Celta B o máximo filial de referente con moitos dos seus vellos xogadores. A tempada sería mala e só prosperada a vía administrativa puido o filial celeste manterse en Segunda B.
Cun pouco máis de experiencia, David regresou ó Xuvenil A na tempada 2014/2015. Dous anos máis tarde renovou o seu vello título de liga e participou na Copa de Campións caendo nas semifinais ante o Rayo Vallecano de Madrid . Na súa tempada final David erguería novamente os ánimo da canteira acadando outro título da División de Honra así como deixando pegada na Copa do Rei e de Campións.
En xullo de 2020 De Dios finalmente abandona a canteira celeste, optando polo Rápido de Bouzas como o seu primeiro equipo fóra daquel mundo co obxectivo de medrar coma adestrador. A pesar do bo xogo durante eses dous exercicios no conxunto ao non acadar o playoff De Dios sería destituído poñendo fin á súa primeira étapa no conxunto de Bouzas.[2] [3]
Medio ano máis tarde retornaría coincidindo cunha profunda renovación do Rápido de Bouzas carvando unha estrutura máis sólida na pugna polo ascenso a Segunda RFEF, De Dios impulsou o conxunto cara ao playoff, mais sería o Racing Club Vilalbés quen levaría o encontro e, ao final, o posto de promoción.[4]
Co play-off aínda na memoria De Dios ficharía polo Coruxo FC, pasando a adestrar na Segunda RFEF ao substituír a Javier Maté para a tempada 2023/2024.[5]
Notas[editar | editar a fonte]
- ↑ "David de Dios poñe fin á una etapa de 12 temporadas en la canteira celeste". [[1]] (en castelán). 17 de xuño 2017. Consultado o 24 de marzo de 2024.
- ↑ "David de Dios decide dejar el Celta juvenil". Atlántico (en castelán). 17 de xuño 2017. Consultado o 24 de marzo de 2024.
- ↑ "David de Deus volve ao banco do Rápido". La Voz de Galicia. 17 de xaneiro 2023. Consultado o 24 de marzo de 2024.
- ↑ "O Racing Vilalbés remonta e xogará a segunda rolda polo ascenso". FutbolinLugo. 8 de maio 2023. Consultado o 24 de marzo de 2024.
- ↑ "David de Deus será o novo adestrador do Coruxo". La Voz de Galicia. 8 de xuño 2023. Consultado o 24 de marzo de 2024.