Cosmas Indicopleustes

Na Galipedia, a Wikipedia en galego.
Infotaula de personaCosmas Indicopleustes
Biografía
Nacementoséculo VI Editar o valor em Wikidata
Alexandría Editar o valor em Wikidata
Morteséculo VI Editar o valor em Wikidata
Alexandría Editar o valor em Wikidata
Datos persoais
País de nacionalidadeImperio Bizantino Editar o valor em Wikidata
RelixiónNestorianismo Editar o valor em Wikidata
Actividade
Ocupaciónexplorador , escritor , astrónomo , xeógrafo Editar o valor em Wikidata
Período de actividade(Con vida en: século VI Editar o valor em Wikidata)
ProfesoresMar Aba I (pt) Traducir Editar o valor em Wikidata
LinguaGrego antigo Editar o valor em Wikidata
Obra
Obras destacables
Mapamundi, por Cosmas Indicopleustes.

Cosmas Indicopleustes (literalmente "o que navegou á India"), de Alexandría, foi un mercador grego e despois un monxe, probabelmente con tendencias nestorianas[1]. Viaxou moito durante o século VI e foi diversas veces á India durante o reinado do emperador romano Xustiniano. A súa Topographia Christiana contén algúns dos máis antigos e famosos mapamundis[2].

Topographia Christiana[editar | editar a fonte]

Por volta de 550, Cosmas escribiu Topografia Christiana, moi ricamente ilustrado, unha obra baseada en parte nas súas experiencias persoais como mercador no Mar Vermello e no océano Índico no inicio do século VI. A súa descrición da India e de Sri Lanka neste período é de valor inestimábel para os historiadores. Cosmas aparece como un guía interesante e fiábel, informando sobre un mundo que xa non existe Estaba en Adulis na costa eritrea do Mar Vermello cando o rei de Axum estaba preparando unha campaña militar para atacar o rei xudeu Dhu Nuwas, no Iemen, que viña perseguindo os cristiáns. A pedido do rei axumita e como preparación para a súa campaña, preservou algunhas inscricións hoxe perdidas, como a do Monumentum Adulitanum (erroneamente atribuído a Tolomeo III Everxetes).

Indicopleustes[editar | editar a fonte]

Topographia Christiana

Malia ser xa coñecido que existía un comercio entre o Imperio romano e a India a partir do século -I a través de fontes na literatura clásica (principalmente Periplus Maris Erythraei), o relato de Cosmas é un dos poucos feitos por individuos que de feito fixeron a viaxe. Describiu e debuxou o que viu e algúns destes manuscritos foron copiados para as versións actuais, datando a máis antiga do século IX. En 522 visitou a costa de Malabar (sur da India) e foi o primeiro viaxeiro en mencionar a existencia de cristiáns siríacos na rexión:

“ Na illa de Taprobane (Ceilán), hai unha igrexa de cristiáns, con clérigos e fieis. Tamén en Malé, onde crece a pementa, e na cidade de Kalliana hai un bispo consagrado en Persia. ”
 
— Topografia Christiana, Cosmas Indicopleustes[3]

Terra plana[editar | editar a fonte]

Unha característica fundamental da súa Topographia é o punto de vista de Cosmas de que o mundo é plano e que o ceo ten a forma dunha caixa cunha tampa curva. Desdeñaba a opinión de Tolomeo e outros que crían que o mundo era esférico. Cosmas buscaba probar que os xeógrafos precristiáns estaban errados ao afirmar que a Terra era esférica afirmando polo contrario fora modelada no tabernáculo, o templo descrito a Moisés por Deus durante o Éxodo do Exipto. Porén, esta idea de que a terra sería plana xa era minoritaria nos círculos máis educados do occidente xa desde o século -III.[4]. O punto de vista de Cosmas nunca foi moi influente, mesmo nos círculos relixiosos e un cristián case contemporáneo, Xoán Filopono, discordaba del, así como a maior parte dos filósofos cristiáns da época[2].

Notas[editar | editar a fonte]

  1. ↑ Beatrice Nicolini, Penelope-Jane Watson (2004). Makran, Oman, and Zanzibar: Three-terminal Cultural Corridor in the Western Indian Ocean (1799-1856) (en inglés). Brill. ISBN 90-04-13780-7. 
  2. ↑ 2,0 2,1 "Cosmas". Encyclopædia Britannica (en inglês). Consultado o 06/05/2011. 
  3. ↑ Cosmas Indicopleustes. "Topographia Cristiana". Tertullian.org (en inglés). Consultado o 06/05/2011. 
  4. ↑ Russell, Jeffrey B. "The Myth of the Flat Earth". American Scientific Affiliation. Consultado o 06/05/2011. 

Véxase tamén[editar | editar a fonte]

Bibliografía[editar | editar a fonte]

  • Kenneth Willis Clark collection of Greek Manuscripts: Cosmas Indicopleustes, Topographia. (en inglés)
  • Cosmas Indicopleustes, ed. J.W. McCrindle (1897). The Christian Topography of Cosmas Indicopleustes. Hakluyt Society. (Reissued by Cambridge University Press, 2010. ISBN 978-1-108-01295-9) (en inglés)
  • Cosmas Indicopleustes, Eric Otto Winstedt (1909). The Christian Topography of Cosmas Indicopleustes. The University Press
  • Jeffrey Burton Russell (1997). Inventing the Flat Earth. Praeger Press (en inglés)
  • Dr. Jerry H Bentley (2005). Traditions and Encounters. McGraw Hill. (en inglés)
  • Wanda Wolska-Conus. La topographie chrétienne de Cosmas Indicopleustes: théologie et sciences au VIe siècle Vol. 3, Bibliothèque byzantine. París: Presses Universitaires de France, 1962. (en francés)
  • Cosmas Indicopleustes. Cosmas Indicopleustès, Topographie chrétienne. Translated by Wanda Wolska-Conus. 2 vols. París: Les Editions du Cerf, 1968. (en francés)

Ligazóns externas[editar | editar a fonte]

Traído desde «https://gl.wikipedia.org/w/index.php?title=Cosmas_Indicopleustes&oldid=5847166»