Conversa usuario:Rafa Salgado
Benvido(a) á Galipedia, Rafa Salgado!
Esta é a túa páxina de conversa, que che servirá para recibires mensaxes doutros colaboradores. Ademais, tes a túa páxina de usuario, onde podes poñer os teus datos, intereses etc. | ||
Os alicerces da Wikipedia son estes Cinco piares, polo que é importante que lle botes unha ollada. Na guía de edición e nas preguntas frecuentes podes atopar moita información de axuda. Explícase como editar unha páxina, como configurar a interface (por exemplo, elixir a lingua), como cargar ficheiros e os puntos básicos das políticas e normas da Wikipedia. Non precisas de coñecementos técnicos para contribuír aquí. Anímate a contribuír e presupón boa fe con respecto ás intencións dos outros colaboradores. Isto é un wiki, polo que é realmente doado contribuír. Se o desexas podes crear un artigo, paso a paso, coa axuda do noso asistente. Hai máis información dispoñible na páxina de axuda e no Portal da comunidade. Pódeste pór en contacto co resto dos usuarios na Taberna da Galipedia. Tamén podes contactar cos administradores na súa páxina de conversa ou no Taboleiro dos administradores. |
|
Boa estadía e bo traballo.--Hugo22 18:09, 11 xullo 2008 (UTC).
Ola, parabéns por comezares a editar na wikipedia. Podes facer directamente ti os cambios que creas axeitado no artigo de Ramón Otero Pedrayo. É conveniente sempre, e sobre todo se corrixes algo que estea dito ou se inclúes afirmacións que poden ser polémicas, que inclúas a referencia, é dicir, en que outra fonte se di iso. A wikipedia non é unha fonte primaria, e todas as afirmacións deben ser referenciadas. Ah, e unha última cousiña: cando escribas nunha páxina de conversa, non esquezas asinar. Un saúdo, e pregúntame todas as dúbidas que teñas a min ou a calquera outro usuario da wikipedia. --Xabier Cid Conversa 19:18, 11 xullo 2008 (UTC)
Pedir Desculpas[editar a fonte]
Antes de nada, o meu Galego, é moi pouco académico, por iso preferiría que alguén corrixise os datos, que puidese ser interesante incluír na publicación final, e doutra banda teño que ir collendo soltura no manexo da Wikipedia, non me gustaría cometer erros que prexudicasen a outros usuarios; finalmente noutras entradas farei constar a fonte, pero no caso de Don Ramón, a fonte principal é o coñecemento propio e da miña familia. Os datos que acheguei de momento son fáciles de comprobar, o que non comprendo, é o do falecemento, en todas as biografías del dise que faleceu en Trasalva, e podo asegurar que non é certo,--Rafa Salgado 08:44, 12 xullo 2008 (UTC)
- Os coñecementos propios, por moi seguros que esteamos da súa exactitude, non se poden incluír na wikipedia. A wikipedia non é unha fonte primaria, e débese permitir sempre que outros usuarios verifiquen e contrasten na fonte achegada a súa veracidade. --Xabier Cid Conversa 14:27, 14 xullo 2008 (UTC)
Don Ramón[editar a fonte]
Por razóns de amizade dos seus pais e por veciñanza (os Risco vivían no primeiro andar e os Otero no segundo), desde moi pequeno gozo da amizade de Vicente Risco (amizade no mais estrito sentido da palabra, a pesar da diferenza de idade,(tres anos), pasaban moitas horas da súa infancia xuntos, xogos en casa dun e doutro, paseos,etc),empezou o seu período escolar no colexio dos Irmáns Villar (na Praza do Cid Eirociño dos Cabaleiros,tras da sua casa) pero ao pouco tempo, por un pequeno altercado (naqueles momentos practicábase o lema "A letra con sangue entra") Ramoncito non quixo voltar ao colexio, dende ese intre a súa nai Dona Eladia, encargouse da súa educación persoalmente coa axuda de Don Enrique o pai, ata que puido ingresar no Instituto que hoxe leva o seu nome.--Rafa Salgado 09:17, 12 xullo 2008 (UTC)
imaxes de dominio público[editar a fonte]
ola Rafa; as imaxes das páxinas web non adoitan ser de dominio público, pois están suxeitas a dereitos de autor e teñen copyright. As imaxes de dominio público son as que o propio autor libera, ou aquelas feitas por alguén que morreu hai máis de 70 anos. A maioría das imaxes da wikipedia son subidas polos propios wikipedistas. Por tanto, é difícil conseguir fotos de dominio público de personaxes antigas. Un saúdo. --Saúde, e pola sombra!! Estevo(aei)pa o que queiras... 23:30, 13 xullo 2008 (UTC)
- Como ben di Estevoaei, só se poden considerar imaxes de dominio público aquelas que "explicitamente" son publicadas baixo esta condición. --Xabier Cid Conversa 14:25, 14 xullo 2008 (UTC)
Marcelo Macías[editar a fonte]
Ola, que tal, creo que hai un erro, eu o único que fixen foi mover Marcelo Macias a Marcelo Macías para lle engadir o til, non fixen ningunha outra modificación no artigo. Refíreste a outro artigo?--Arco de Rayne 12:42, 14 xullo 2008 (UTC)
Desculpas e consellos[editar a fonte]
Ola, Rafa Salgado. Estiven estes días fóra da wikipedia, e non puiden responderche ata hoxe. Síntoo. Mirarei o da imaxe agora mesmo, pero así de primeiras dígoche que na wikipedia se admiten un bo abano de imaxes sempre que sexan de dominio público. É dicir, non valen imaxes que teñan un copyright ou algún tipo de reserva de publicación e distribución. A casuística das imaxes é bastante complexa, e eu só coñezo unha pequena parte dela. Hai outros usuarios moito máis expertos en imaxes ca min. Pero, en principio, se é unha foto da que ti es o autor, que nunca foi publicada antes, e que ti decides liberala en dominio público, non habería problema pra que a subises á wikipedia.
En segundo lugar, e respecto da inclusión de datos persoais, calquera dato biográfico minimamente razonable pode ser incluído na wikipedia sempre e cando se poida referenciar. É dicir, non se poden incluír datos derivados do coñecemento persoal que non fosen publicados anteriormente. Por exemplo, imaxina que sabes que a última comida de Otero foi coliflor fervida porque ti estabas alí: iso non é un dato moi relevante, pero independentemente diso, non podería incluírse na wikipedia se non foi escrito antes por outra persoa. Podes ler máis información sobre isto en A galipedia non é unha fonte primaria.
E xa como remate; ás veces refíreste aos administradores como se fósemos os donos da wikipedia, e iso non é así. Os administradores, e os demais editores da wikipedia somos só usuarios dela, ao igual ca ti. É verdade que algúns usuarios e os administradores teñen moitas horas de voo, e saben moitas regras e moitos trucos, pero iso non nos dá poder pra borrar ou pra incluír contidos: son as regras da wikipedia as que sinalan como hai que actuar. :) E nada máis. Sinto non responderche antes. Un saudiño. --Xabier Cid Conversa 18:06, 3 agosto 2008 (UTC)