Connew

Connew

Nome completo	Connew Racing Team
Bandeira	Reino Unido
Baseada en	Chadwell Heath, Reino Unido
Tempadas en activo	1972
Número de pilotos	François Migault David Purley
Debut	Gran Premio do Reino Unido de 1972
Carreiras	2 (1 saídas)
Campionatos de Construtores	0
Campionatos de Pilotos	0
Vitorias	0
Pole positions	0
Voltas Rápidas	0
Puntos totais	0
Derradeiro GP	Gran Premio de Austria de 1972

Connew Racing Team, coñecida como Connew, foi un efémero construtor británico de Fórmula 1. Fundado en 1971 por Peter Connew, o equipo construíu un só coche, o PC1, coa intención de competir no Campionato Mundial de Fórmula Un de 1972. A falta de recursos financeiros e técnicos resultou que o coche só puido iniciar unha carreira do campionato, o Gran Premio de Austria de 1972, co piloto francés François Migault ao volante. Logo da carreira de Austria, o coche competiu nalgunhas carreiras fóra de campionato antes de ser convertido para cumprir cas especificacións da Fórmula 5000 para a tempada 1973. O chasis foi danado sen posibilidade de reparación durante a pechadura de campaña en Brands Hatch e o equipo liquidouse.

Historia

Á idade de 24 anos, un amigo preguntoulle a Peter Connew si quería asistir ó Gran Premio de Italia en Monza. O xefe de Connew negouse a darlle tempo libre para asistir á carreira, así que renunciou e viaxou á carreira de todos os xeitos ao regresar Connew buscou emprego e foi contratado por Surtees, un equipo de Fórmula 1 dirixido polo ex campión John Surtees, como proxectista.

1972: Fórmula Un

Logo dunha discusión co director do equipo John Surtees, Connew deixou o equipo para deseñar o seu propio coche. Alugou un garaxe dunha casa en Chadwell Heath e comezou a construción dun prototipo de chasis en decembro de 1970. A Connew axudouno Roger Douran, que traballaba como montador e o curmán de Connew Barry Boor.

A filosofía de deseño de Connew era que, o coche non só debe ser eficiente, senón que tamén debe ser fácil de traballar e manter. O deseño de Connew foi probado e refinado mediante a utilización dun túnel de vento dunha escola técnica local. Durante a construción, os pilotos Tony Trimmer, Howden Ganley e Gerry Birrell viñeron ver o coche, Trimmer afirmou que era un dos coches máis cómodos nos que se sentara.

O equipo tiña previsto facer o seu debut na competición en Mónaco, pero un repentino cambio de regras requiriu a construción doutro chasis nun tipo diferente de aluminio. Connew fixo un trato con McLaren para comprar un motor Cosworth DFV de segunda man. O francés François Migault asinou un contrato para pilotar para o equipo e tamén proporcionou un camión Ford, que levou o coche a Francia. O camión rompeuse antes de que puidese chegar ao Circuíto de Charade, a sede do Gran Premio de Francia e no seu lugar o equipo fixo un test no Circuíto Bugatti en Le Mans.

O pequeno equipo logrou presentarse no Gran Premio de Alemaña de 1972, pero sen facer unha entrada previa adecuada , a participación foi negada polos alemáns.

O coche, finalmente, participou na práctica do Gran Premio do Reino Unido de 1972, pero retirouse antes da carreira. O coche tiña unha suspensión traseira infrecuente que resultou non estar á altura, e o coche era demasiado lento.

O coche modificouse e participou no Gran Premio de Austria de 1972. Migault cualificado ao final da grella malia algúns problemas de motor. Logo de 22 voltas, Migault pasara 4 competidores, a suspensión rompeu e Migault pasou un momento desagradable. O coche desviouse cara ás barreiras na recta principal, pero o piloto detivo o coche nun punto seguro e sen danos.

O Connew reapareceu ao final da tempada do Campionato Mundial na carreira non de campionato Victory Race en Brands Hatch pilotado por David Purley, pero non puido saír debido a problemas eléctricos.

1973 : Fórmula 5000

O coche foi modificado para cumprir cas normas da Fórmula 5000 e apareceu no campionato británico en 1973, equipado cun motor V8 Chevrolet o coche fixo a súa primeira aparición na serie en Mallory Park. O piloto suízo Pierre Soukry clasificou o coche no vixésimo primeiro lugar, pero non puido saír debido a unha rotura na tubaxe de aceite. Tres carreiras máis tarde, o Connew non puido clasificarse en Brands Hatch, con Soukry ao volante. A última aparición do coche foi no final de tempada, de novo en Brands Hatch . Pilotaba Tony Trimmer pero unha colisión cunha barreira deixou o chasis sen posibilidade de reparación.

Resultados Completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Chasis	Motor(es)	Pneu.	Pilotos	1	2	3	4	5	6	7	8	9	10	11	12	Puntos	Pos
1972	Connew PC1	Ford V8	F		ARX	USD	ESP	MON	BEL	FRA	RU	ALE	AUT	ITA	CAN	USA	0	NC
				François Migault							NTS		Ret

Resultados en carreiras non de Campionato

Ano	Carreira	Circuíto	Piloto	Resultado	Categoría	Informe
1972	Rothmans 50.000	Brands Hatch	François Migault	NSC	Fórmula Libre
1972	John Player Challenge Trophy	Brands Hatch	David Purley	NTS	Fórmula 1	Resultados

Fórmula 5000

Campionato Británico de Fórmula 5000

(Chave)

Ano	Chasis	Motor(es)	Pilotos	1	2	3	4	5	6	7	8	9	10	11	12	13	14	15	16	17	18
1973	Connew PC1	Chevrolet V8		BRA	MAL	SIL	SNE	BRA	OUL	MAL	MIS	ZAN	MAL	MON	SIL	BRA	OUL	JYL	ZAN	SNE	BRA
			Pierre Soukry										NTS			NSC
			Tony Trimmer																		Ret

Véxase tamén

Ligazóns externas

• DIY heroes. Artigo sobre o equipo.
• The Connew Story en YouTube.
• The Story of the Connew Formula 1 Team Arquivado 11 de setembro de 2013 en Wayback Machine. en Motorsport Retro.