Condado de Flandres

Para outras páxinas con títulos homónimos véxase: Flandres (homónimos).

Condado de Flandres

Graafschap Vlaanderen (nl) Comté de Flandre (fr)
Localización
51°04′N 3°43′L
Capital	Bruxas
Poboación
Relixión	catolicismo
Datos históricos
Creación	866
Disolución	17 de outubro de 1797
Sucedido por	Primeira República Francesa
Organización política
Forma de goberno	monarquía

O Condado de Flandres foi unha entidade feudal fundada a finais do século IX como dependencia do Reino de Francia Occidental (Francia Occidentalis), que constituíu a etapa inicial do Reino de Francia (843 - 987).

Independizouse deste reino en 1302, uníndose ao Ducado de Borgoña en 1384. En 1512 integrouse nos Países Baixos españois, pasando a formar parte das Dezasete Provincias en 1549.

Desde 1713 a 1790 foi unha posesión do Imperio Austríaco e, en 1790, formou parte dos efémeros Estados Unidos de Bélxica, desaparecendo definitivamente en 1795 coa invasión francesa.

Historia

Primeiros séculos

O Condado de Flandres fundouse a finais do século IX como feudatario do Reino de Francia Occidental sobre a base das posesións do primeiro conde titular, Balduíno I de Flandres Brazo de Ferro, que abarcaban entón os territorios dos contornos de Bruxas, Gante e Bergues (esta última localidade situada hoxe en Francia).

A súa capital foi primeiramente Bruxas e, despois, Gante.

Os sucesores de Balduíno consolidaron a entidade e ampliaron progresivamente o seu territorio, tras incorporar o Condado de Hainaut, gañando en poder e influencia dentro dos países flamengos do Sacro Imperio Romano Xermánico, alcanzando o seu apoxeo económico a mediados do século XII.

Porén, a herdanza da condesa Margarida II de Flandres dividiuse tras unha guerra entre os seus descendentes e, mentres que Hainaut foi reclamado para o condado de Holanda, Flandres sería máis tarde incorporado pola forza ás posesións da coroa de Francia.

Baixo os Habsburgo españois

A finais do século XV, como resultado de diferentes alianzas de familia, o Condado de Flandres foi transmitido á casa de Borgoña e, baixo o duque Filipe III de Borgoña, volveu a reunirse co Condado de Hainaut.

Estas posesións pasaron á casa de Habsburgo e, entre 1519 e 1700, os reis de España foron tamén titulares do Condado de Flandres. Deste xeito, baixo o poder español o Condado de Flandres foi un dos territorios que conformaron as Dezasete Provincias.

A Guerra dos Oitenta Anos marcaría o comezo dunha época de pobreza e decadencia para o condado. En 1580 o Condado de Flandres incorpórase á Unión de Utrecht, aínda que non se integraría na posterior República das Provincias Unidas.

Baixo os Habsburgo austríacos

Tras a Guerra de Sucesión Española, o condado foi ocupado militarmente polas tropas británicas e transferido nominalmente á casa dos Habsburgo de Austria, que o conservaron como título nominal honorífico até 1919.

En 1795 a rexión foi conquistada polos revolucionarios franceses. Porén, tras o Congreso de Viena, en 1815, pasou a formar parte do Reino Unido dos Países Baixos.

Fin do condado

Tras a constitución do Reino de Bélxica en 1830, o territorio do condado foi fragmentado desde entón na rexión belga homónima, o Flandres francés (departamento de Norte) e unha parte da provincia de Zelandia (Flandres zelandés), ao sur dos Países Baixos.

Galería

• 
  Flandres no século IX
• 
  O Condado de Flandres a principios do século XVII
• 
  Bandeira
• 
  Escudo
• 
  Soldados austríacos na batalla de Neerwinden (1793), no curso das guerras revolucionarias francesas

Mapas históricos da marca e do Condado de Flandres

• 
  Marca de Flandres 866-892
• 
  Marca de Flandres 892-918
• 
  Marca de Flandres 918-933
• 
  Marca de Flandres 933-964
• 
  Marca de Flandres 964-965

• 
  Marca de Flandres 965-987
• 
  Marca de Flandres 987-1035
• 
  Marca de Flandres 1035-1046
• 
  Marca de Flandres 1046-1053
• 
  Marca de Flandres 1056

• 
  Marca de Flandres 1056-1071
• 
  Marca de Flandres 1071-1076
• 
  Marca de Flandres 1076-1119
• 
  Flandres 1119-1182
• 
  Flandres 1182-1185

• 
  Flandres 1185-1191
• 
  Flandres 1191-1200
• 
  Flandres 1200-1212
• 
  Flandres 1212-1214
• 
  Flandres 1214-1218
• 
  Flandres 1218-1237
• 
  Flandres 1237-1280
• 
  Flandres 1280-1299
• 
  Flandres 1299-1302
• 
  Flandres 1302-1305
• 
  Flandres 1305-1323
• 
  Flandres 1323-1345
• 
  Flandres 1345-1369
• 
  Flandres 1369-1382
• 
  Flandres 1382

Véxase tamén

Outros artigos

• Ducado de Borgoña
• Países Baixos españois

---

Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---