Compañía de María Nosa Señora
| Orde da Compañía de María Nosa Señora Ordinis Dominae Nostrae | |
|---|---|
[[Ficheiro: |190px|center]]Escudo da orde. | |
| Orde relixiosa da Igrexa católica | |
| Historia | |
| Fundación | 1607 en Bordeos, Francia |
| Fundador | Xoana de Lestonnac |
| Aprobación | 1607 |
| Goberno e estrutura | |
| Superiora Xeral | Rita Calvo Sanz |
| Membros | 1007 no ano 2003 |
| Outros datos | |
| Lema | Ad maiorem Dei gloriam (para a maior gloria de Deus) |
| Siglas | O.D.N. |
| Sede central | Roma, Italia |
| Páxina web | https://lestonnac-odn.org/en/ |
A Orde da Compañía de María Nosa Señora é unha orde relixiosa católica adicada á educación. Foi fundada en Bordeos (Francia) no 1607 por Xoana de Lestonnac sendo a primeira orde feminina que tiña como finalidade o ensino da muller.[1] Na actualidade, a Compañía de María está presente en: Francia, Albania, España, Italia, o Reino Unido, a República Democrática do Congo, Kenya, o Camerún, México, o Brasil, a Arxentina, Chile, o Perú, os Estados Unidos, Filipinas e o Xapón.[2] As relixiosas desta orde engaden ás iniciais O.D.N (en latín: Ordinis Dominae Nostrae) ao final dos seus nomes. No 2023, a orde sumaba un total de 1007 monxas.[3]
Historia
[editar | editar a fonte]Xoana de Lestonnac, logo de coñecer a tarefa dos xesuítas, decide fundar unha orde adicada á educación cristiá da muller a principios do século XVII. En 1606 eleva a súa proposta ao arcebispado de Bordeos, que recibe a proposta con escepticismo. O Concilio de Trento establecera que o monacato feminino debía vivir en estrita clausura, dificilmente compatible co maxisterio proposto. A solución atopada por Xoana de Lestonnac está na concepción arquitectónica cos seus colexios: o edificio contaría cunha estrutura tripartita, o corpo central, a igrexa, separaría os outros dous tramos do complexo: un para albergar a escola, o outro para o convento.[4] Deste xeito facíase posible combinar a contemplación relixiosa coa tarefa docente. Finalmente, o 7 de abril de 1607, o papa Paulo V aproba a orde da Compañía de María Nosa Señora. Deste xeito, foi a primeira orde relixiosa católica feminina adicada ao ensino e, en 1610, abriu o seu primeiro colexio na rúa du Hâ en Bordeos (hoxe en día, un templo protestante).[5] No proxecto educativo da Compañía de María, Xoana de Lestonnac conxugou as influencias intelectuais que recibira ao longo da súa vida: o calvinismo, co seu énfase na educación da muller; o humanismo do seu tío Michel de Montaigne; así como a espiritualidade ignaciá e as innovacións pedagóxicas xesuítas (Ratio Studiourum).[6] O éxito da experiencia de Bordeos levou á pronta fundación doutros colexios en Béziers (1616), Périgueux e Tolosa.[7] En 1638 imprímense as regras e constitucións da orde e para cando morre Xoana de Lestonnac, en 1640, a Compañía de María sumaba 30 casas en Francia.[8]
O longo dos seus catrocentos anos de existencia a Compañía de María difundiuse por diferentes países. O primeiro colexio fóra de Francia foi o de Barcelona en 1650,[9] onde recibiu o nome "A Ensinanza" que se mantén noutros moitos centros desta orde. En 1754, a Compañía de María estableceuse en México, primeiro colexio en América; en 1948 en Mulo (República Democrática do Congo), primeiro centro en África, e 1959, a orde establece a súa casa de Toquio, Xapón, a primeira de Asia.[10] Ademais, no ano 1994 a orde creou unha organización non gobernamental, a FISC (Fundación Internacional de Solidariedade Compañía de María), centrada no desenvolvemento educativo en rexións empobrecidas.[11]
A Compañía de María en Galicia
[editar | editar a fonte]En 2025, a Compañía de María rexenta catro colexios en Galicia:
- Colexio Compañía de María de Santiago de Compostela, fundado en 1759
- Colexio Compañía de María de Vigo, aberto en 1886
- Colexio Compañía de María da Coruña, fundado en 1917[12]
- Colexio Compañía de María de Cangas establecido en 1925[13]
Ademais, entre 1953 e 1990 existiu o Colexio Compañía de María de Lugo, posteriormente renomeado Colexio María Auxiliadora e que dende 2023 está xestionado pola Diócese de Lugo.[14][15] Doutra parte, ata 2023 a Compañía de María contaba con dous colexios en Ferrol: un en San Amaro, aberto en 1889,[16] e o Lestonnac de Caranza, fundado en 1961.[17][18][19]
Notas
[editar | editar a fonte]- ↑ Proxecto educativo Compañía de María. Ediciones Lestonnac. 2011. ISBN 978-84-921574-3-3.
- ↑ "Dans le monde". Orden de la Compañía de María N.S. (en francés). Consultado o 2021-01-25.
- ↑ "Order of the Company of Mary, Our Lady (Institute of Consecrated Life - Women) [Catholic-Hierarchy]". www.catholic-hierarchy.org. Consultado o 2025-05-17.
- ↑ Sokrator. ""La oportunidad de acercarme a la vida de una mujer extraordinaria que logró llevar adelante una propuesta revolucionaria"". www.newsodn.org. Consultado o 2021-01-25.
- ↑ "Temple du Hâ". Site officiel de la ville de Bordeaux (en francés). Consultado o 2021-01-25.
- ↑ Proxecto educativo Compañía de María. Ediciones Lestonnac. 2011. ISBN 978-84-921574-3-3.
- ↑ Marshman, Michelle (2003). "Patronage and Kinship in Women's Teaching Orders of Seventeenth-Century Bordeaux". Proceedings of the Western Society for French History 31. ISSN 2573-5012.
- ↑ Admin. "Juana de Lestonnac". Compañía de Maria (en castelán). Consultado o 2021-01-25.
- ↑ "Colegios Compañía de María, España". Colegios Compañía de María España. Arquivado dende o orixinal o 12-08-2020. Consultado o 26-1-2020.
- ↑ "The Company of Mary Our Lady". Orden de la Compañía de María N.S. (en inglés). Consultado o 2021-01-26.
- ↑ "Historia". Fundación FISC (en castelán). Consultado o 2025-05-17.
- ↑ "Un siglo de Compañía de María". La Voz de Galicia (en castelán). 2017-02-19. Consultado o 2021-01-26.
- ↑ "Historia do Centro". ciamariacangas.org. Arquivado dende o orixinal o 27 de febreiro de 2021. Consultado o 2021-01-26.
- ↑ Corbelle, Sabela (2022-06-12). "Aulas que todavía no colgaron los hábitos". El Progreso de Lugo. Consultado o 2025-05-17.
- ↑ "El colegio María Auxiliadora pasa a ser de la Diócesis de Lugo". La Voz de Galicia (en castelán). 2023-02-28. Consultado o 2025-05-17.
- ↑ "La Compañía de María festeja su historia". La Voz de Galicia (en castelán). 2014-11-21. Consultado o 2021-01-26.
- ↑ "Historia do Centro". lestonnacferrol.org. Arquivado dende o orixinal o 25 de xaneiro de 2021. Consultado o 2021-01-26.
- ↑ "Despedida y acción de gracias a 134 años de presencia educativa de la Compañía de María en Ferrol". Diócese de Mondoñedo - Ferrol. 2023-06-27. Consultado o 2025-05-17.
- ↑ "Los colegios Compañía de María y Lestonnac de Ferrol se integrarán en la red de colegios Arenales". COPE (en castelán). 2023-02-09. Consultado o 2025-05-17.
