Casa da Navegación

Na Galipedia, a Wikipedia en galego.
Saltar ata a navegación Saltar á procura
Casa da Navegación
Baiona, Casa da Navegación.jpg
Coordenadas42°7′8.22″N 8°50′53.07″O / 42.1189500, -8.8480750
PaísGalicia.
CidadeBaiona.
TipoMuseo do mar.
DirectorRosa Villar Quinteiro
Inauguración1 de marzo de 2015.[1][2]
Visitantes4.632 o primeiro mes,[3]
8.346 os 6 primeiros meses.[4]
Sitio Webno Facebook
casa.navegacion@baiona.org

A Casa da Navegación é un espazo expositivo de titularidade municipal do concello de Baiona, na provincia de Pontevedra.

Descrición[editar | editar a fonte]

O museo, proxecto que comezou no ano 2009, costeado pola Deputación provincial de Pontevedra e o concello de Baiona, foi inaugurado o 1 de marzo de 2015 por representantes doutras dúas institucións: o presidente da Xunta de Galicia, Alberto Núñez Feijóo, e a daquela ministra de Fomento, Ana Pastor Julián.[1][2]

O edificio, a Casa María Carvajal,[5] que anteriormente foi casa do concello, foi rehabilitado para o uso actual.[6] De dous andares, alberga unha colección procedente, en parte, do Museo do Mar de Galicia e o Museo Provincial de Pontevedra, onde estaba en depósito, que inclúe unha réplica feita no 2001 da Carta Puebla fundacional de Afonso IX, cartografía da colección de Román Pereiro Alonso e outros documentos, pezas arqueolóxicas (unha lauda sepulcral, unha moeda do século XIII e fragmentos de cerámica), unha maqueta da carabela Pinta feita en 1985, o robot submarino RU-27, mobiliario (entre o que destaca o arquivo do corrixidor),[7] aparellos de pesca cedidos por Remigio Leyenda, fotografías cedidas por Esperanza Fernández Vernet, instrumentos de navegación, obxectos procedentes de naufraxios, vellas lámpadas do faro Silleiro e dúas pequenas pezas de artillería.[8]

Crítica[editar | editar a fonte]

O Valedor do Pobo abriu un expediente por ter o museo todo o texto exposto (tanto as placas dos obxectos como os paneis de gran formato) exclusivamente en castelán e inglés, excluído a lingua galega. O concello alegou falta de espazo e que a exposición estaba orientada a un público estranxeiro.[9]

Galería de imaxes[editar | editar a fonte]

Planta baixa
A New Generall Chart for the
West Indies
By Ier: Seller and Ch: Price
London 1703.
 
Cadeira de brazos con escudo. 
RU-27 Scarlet Knight
Moble arquivo do corrixidor Agustín de Arteaga, 1679. 
Sección de arqueoloxía. 
Lauda sepulcral. 
Primeiro andar
Artes de pesca. 
Baiona. 
Afundimento do Highland Pride, 1929. 
Butacas do Aslaug, afundido en 1929. 
CÔTES
D ' E S P A G N E
PARTIE DE LA GALICE
depuis le CAP ORTEGAL jusqu'au CAP SILLEIRO, 1793. 
Paskaart
Van Gallisien en
Portugal
Van Keulen, 1654-1715
 

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]