Casa da Moeda Real de Bélxica

Na Galipedia, a Wikipedia en galego.
Saltar ata a navegación Saltar á procura
Para outros artigos con títulos relacionados, véxase a páxina de homónimos Real Casa da Moeda

Coordenadas: 50°51′3.79″N 4°21′40″L / 50.8510528, -4.36111

Casa da Moeda Real de Bélxica
Monnaie royale de Belgique (MRB)
Koninklijke Munt van België (KMR)
Monnaie royale de Belgique - Koninklijke Munt van België.jpg
Edificio da
Casa da Moeda Real de Bélxica
TipoEstablecemento público de carácter industrial e comercial.
Fundación1832
Cesamento da actividade: 2017
LocalizaciónPachecolaan / Boulevard Pachéco 32.
Greater coat of arms of the City of Brussels.svg Bruxelas.
Bélxica Bélxica.
IndustriaMetal.
ProdutosMoedas e medallas.
Páxina webhttps://finances.belgium.be/fr/monnaie-royale
editar datos en Wikidata ]

A Casa da Moeda Real de Bélxica (en francés: Monnaie royale de Belgique -MRB-; en neerlandés: Koninklijke Munt van België -KMR-) foi o establecemento público do Reino de Bélxica encargado da cuñaxe de moeda ata o cesamento da súa actividade en 2017.[1][2]

A Casa da Moeda Real de Bélxica data de 1832. Con anterioridade etablecérase, xa en 1567, a ceca dos Países Baixos, coa denominación de Munthuis ("Casa da Moeda") na cidade de Utrecht. Desde 1815, só se lle permitiu a esta ceca a cuñaxe das moedas do Reino Unido dos Países Baixos, xunto coa súa sucursal independente en Bruxelas. Logo da secesión belga en 1830, a casa da moeda de Utrecht mantívose como a única institución nos Países Baixos autorizada para cuñar moedas, en tanto que a sucursal de Bruxelas se converteu na Casa da Moeda Real de Bélxica.[3]

As moedas producidas nesta factoría eran logo distribuídas polo Banco Nacional de Bélxica.

Na súa condición de empresa estatal, a ceca belga dependeu da Administración do Tesouro (Administration de la Trésorerie), baixo a autoridade do Ministerio das Finanzas.

Os seus eidos de actividade foron:

  • A cuñaxe das moedas belgas en circulación e as de colección.
  • A cuñaxe de moedas por encarga doutros países.
  • A cuñaxe de medallas e fichas de diversos tipos.

O edificio que albergou a Monnaie royale de Belgique está en Bruxelas, entre a estación Central e a estación do Norte, preto da Torre das finanzas (Tour des Finances).

O 23 de outobro de 2017, a Casa Real de Moeda de Bélxica realizou as súas derradeiras cuñaxes, xa que a partir desa data o Goberno belga decidiu encomendar a produción das súas moedas a unha compañía privada.[4][5]

O 16 de maio de 2018, a prensa belga anunciou a emisión dunha moeda de 2,5 euros en latón coa imaxe do equipo nacional de fútbol do país, non cuñada por unha sociedade privada, senón pola Real Casa da Moeda dos Países Baixos, que será a encargada de realizar todas as cuñaxes conmemorativas de Bélxica.[3][6]

Galería de imaxes[editar | editar a fonte]

Notas[editar | editar a fonte]

  1. "Monnaie Royale de Belgique". No sitio web da institución.
  2. "Royal Belgian Mint - Belgium". En Mints of the World.
  3. 3,0 3,1 "L’entrée de la Belgique à la Monnaie Royale des Pays Bas". La Maison de la Monnaie Belge. 24 de febreiro de 2018.
  4. "Belgian Mint closed (completed)". Euro-Coins.News. 20 de xuño de 2017.
  5. Starck, J. "Royal Mint of Belgium announces closure". En Coin World. 21 de agosto de 2017.
  6. "Belgische munten voortaan in Nederland gemaakt". En Bruzz.be. 22 de xaneiro de 2018.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]