Carlos Pereira Martínez

Na Galipedia, a Wikipedia en galego.
Saltar ata a navegación Saltar á procura
Carlos Pereira Martínez
Carlos Pereira Martínez Culleredo 2012 2.JPG
en Culleredo presentando un libro en 2012.
Nacemento24 de marzo de 1959
 Montevideo
NacionalidadeEspaña
Ocupaciónhistoriador
editar datos en Wikidata ]

Carlos Pereira Martínez, nado en Montevideo o 24 de marzo de 1959, é un historiador, escritor e artista plástico galego.

Traxectoria[editar | editar a fonte]

Reside na actualidade na Coruña. Licenciado en Xeografía e Historia, especialidade Historia, pola Universidade Nacional de Educación a Distancia, realizou os Cursos de doutoramento en Historia Medieval no Departamento de Historia Medieval, Moderna e Ciencias e Técnicas Historiográficas da UNED. Traballa na súa tese de doutoramento sobre A Orde do Temple nos reinos de Galicia e León. Profesionalmente é Historiador do Concello de Culleredo.

É membro numerario da Sociedad Española de Estudios Medievales, da Asociación de Escritores en Lingua Galega, ex vicepresidente da Asociación Cultural Estudios Históricos de Galicia, do Padroado e do Consello Rector da Fundación Instituto de Estudios Políticos e Sociais, da Asociación de Xenealoxía, Heráldica e Nobiliaria de Galicia, do Ateneo Republicano de Galicia, do Consello de Redacción da revista Dez-Eme, da Fundación 10 de Marzo de Comisións Obreiras e do Comité científico da revista Anuario Brigantino do Concello de Betanzos. Tamén formou parte do colectivo poético Os habitantes do lago, e foi un dos fundadores do grupo de teatro Maiolongo de Culleredo en 1976.

Colabora coa Asociación de Artistas Plásticos de Galicia (ARGA), e ten participado, en exposicións artísticas individuais ou colectivas en toda Galicia.

Obras[editar | editar a fonte]

Ensaio[editar | editar a fonte]

  • Sésamo e Sueiro. Dende a Prehistoria á Idade Media, 1997.
  • Fábrica de Armas de A Coruña. Seis décadas de historia, 1998, edición do autor.
  • Historia das parroquias de Sésamo e Sueiro, 1998, Asociacións de Veciños de Sésamo-Sueiro, 1997.
  • Anxo Senra Fernández. Vida e obra, 1999, Toxosoutos.
  • Os templarios. Artigos e ensaios, 2000, Toxosoutos. Versión en castelán na mesma editora en 2002.[1]
  • A Cultura en Culleredo na IIª República: o 'Ateneo de la Villa de Rutis', 2001, Ateneu Libertario Ricardo Mella.
  • Asociacionismo e movemento obreiro en Oleiros (1900-1936), 2002, Trifolium.
  • A Galicia heterodoxa, 2010, Espiral Maior.

Poesía[editar | editar a fonte]

Edicións[editar | editar a fonte]

  • Miradoiro da Ría. Artigos en El Metropolitano e El Entorno Metropolitano, 2001, edición do autor.

Obras colectivas[editar | editar a fonte]

Premios[editar | editar a fonte]

  • Premio Luís Tilve de Investigación e Divulgación Histórica no 2011, por Xaime Quintanilla Martínez. Vida e obra dun socialista e galeguista ao servizo da República, con Ana Romero Masiá.
  • Primeiro premio da XXXVII edición do Certame Literario do Concello de Vilalba no 2011, por Río Alzheimer.

Notas[editar | editar a fonte]

  1. "Los templarios". bibliotraducion.uvigo.es. Consultado o 2019-11-09. 

Véxase tamén[editar | editar a fonte]

Ligazóns externas[editar | editar a fonte]