Bértoa, Carballo

Bértoa
	Igrexa de Santa María de Bértoa.
Concello	Carballo
Provincia	A Coruña
Coordenadas	43°13′33″N 8°40′40″O / 43.2258, -8.6777Coordenadas: 43°13′33″N 8°40′40″O / 43.2258, -8.6777
Poboación	1.559 hab. (2019)
Entidades de poboación	25
	[ editar datos en Wikidata ]

Santa María de Bértoa^[1] é unha parroquia que se localiza no centro do concello de Carballo na comarca de Bergantiños. Segundo o IGE en 2019 tiña 1559 habitantes (779 mulleres e 780 homes), 85 máis ca en 1999. Ten quince entidades de poboación e unha extensión de 12,05 km².

Patrimonio[editar | editar a fonte]

A igrexa de Santa María de Bértoa foi construída no século XX e caracterízase por ser de liñas sinxelas. Moi cerca dela érguese un cruceiro cunha cruz de sección circular e textura leñosa, con base octogonal de catro chanzos. Tamén se atopa o cemiterio, no cal reposan os restos do pintor Francisco Miguel nunha sepultura sen inscrición.

O Polígono industrial de Bértoa ocupa un espazo de 74 hectáreas. Sobresaen neste polígono empresas en sectores como o plástico, o automobilismo, o metal e a maquinaria agrícola. A superficie dispoñible incrementarase en 1.272.489 metros cadrados, ata chegar aos 2.000.000 de metros cadrados pola demanda de terreo. Na rotonda de acceso ao polígono encóntrase O Escalo, unha escultura do artista Xosé Manuel Facal, elaborada case na súa totalidade con restos de metal reciclado.

Sábese da existencia das seguintes mámoas:

Mámoa do Couto.
Mámoa de Queixeiro.
Medoña do Francés. No monte das Restrebeiras, ten vinte e cinco metros de diámetro e metro e medio de altura. Está alterada por unha plantación de piñeiros. Ten cono de violación.
Mámoa de Pedrarrubia. No monte das Restrebeiras.^[2]

Galería de imaxes[editar | editar a fonte]

Artigo principal: Galería de imaxes de Bértoa, Carballo.

Igrexa parroquial.
Cruceiro da igrexa.
Tumba sen nome de Francisco Miguel no cemiterio de Bértoa

Lugares e parroquias[editar | editar a fonte]

Lugares de Bértoa[editar | editar a fonte]

Lugares da parroquia de Bértoa no concello de Carballo (A Coruña)
As Airas \| O Añón \| O Campo \| As Carballeiras \| A Charrúa \| A Cheda \| A Corredoira \| Entrerríos \| O Ferradal \| O Fondal \| Guilfonxe \| Leboreo \| Loenzo de Abaixo \| Loenzo de Arriba \| Mirón \| A Ponte \| Porto da Rama \| Queo de Abaixo \| Queo de Arriba \| A Rega \| Requeixo \| O Río de Antelo \| O Río de Loenzo \| Silvoso \| Vista Alegre