Razo, Carballo

Razo
Vista de Razo
Concello	Carballo
Provincia	A Coruña
Coordenadas	43°17′07″N 8°43′09″O
Poboación	801 hab. (2019)
Entidades de poboación	10
[ editar datos en Wikidata ]

San Martiño de Razo é unha parroquia que se localiza no norte do concello coruñés de Carballo na comarca de Bergantiños, o cal ocupa un pequeno val á beira do mar. Segundo o IGE en 2019 tiña 801 habitantes (395 mulleres e 406 homes), distribuídos en 10 entidades de poboación, o que supón unha diminución en relación ao ano 1999 cando tiña 887 habitantes.

Lugares de interese

Nesta parroquia, situada a 9 km da vila de Carballo, destaca a praia de Razo, un areal de 1300 metros de lonxitude e de area fina, moi coñecido e visitado por turistas. Esta praia destaca polas actividades relacionadas co surf, debido a que ao ser unha praia de mar aberto, ten boas ondas para a súa práctica. Ademais, está practicamente unida coa praia lindeira, a praia de Baldaio, conformando ambas as dúas un espazo natural de enorme interese.

Tamén merecen ser visitados a capela e o pequeno porto pesqueiro situados no lugar de Santa Mariña ou a igrexa parroquial de San Martiño, situada no lugar de Nétoma.

Razo ten ademais outros lugares de grande interese a poucos quilómetros, como poden ser as localidades de Malpica e Caión, ademais da xa mencionada praia de Baldaio ou a Pedra do Sal.

Galería de imaxes

• 
• 
• 

  Merganso.

• 

  Vista panorámica da praia e porto de Razo.

• 

  Regueiro na praia de Razo

• 

  Vista cara o mar, véndose as Illas Sisargas ó fondo

Véxase tamén

Bibliografía

• De Caión a Razo. Andando por Bergantiños. Instituto de Estudos Bergantiñáns. 2007. 
• Parroquias costeiras de Carballo: Rebordelos, Noicela, Vilela, Lema e Razo. Andando por Bergantiños. Instituto de Estudos Bergantiñáns. 2006. 

Outros artigos

• Lugares de Carballo

Ligazóns externas

• Razo na web do concello de Carballo