Brigitte Vasallo
 | |
| Biografía | |
|---|---|
| Nacemento | 1973 Barcelona |
| Datos persoais | |
| País de nacionalidade | Española |
| Actividade | |
| Ocupación | Escritora e activista |
| Pseudónimo literario | Brigitte Vasallo  |
| Lingua | Lingua castelá e lingua catalá |
    | |
Brigitte Vasallo, nada en Barcelona en 1973 é unha escritora, profesora e activista galega, coñecida especialmente pola súa crítica da islamofobia de xénero, a denuncia do purplewashing e o homonacionalismo, así como pola análese e redifición da monogamia en tanto que sistema de organización social.
Traxectoria[editar | editar a fonte]
Filla dunha familia galega migrada a Francia e despois a Cataluña, reivindica a súa identidade xarnega[1] e da diáspora[2]. Viviu boa parte da súa vida adulta en Marrocos, o que lle permitiu adquirir unha perspectiva do pensamento etnocéntrico e colonial hexemónico da sociedade occidental.[3][4]
Colabora habitualmente con diversos medios de comunicación como eldiario.es, Catalunya Ràdio, Diagonal, La Directa ou Pikara Magazine, ademais de impartir numerosas conferencias. Así mesmo, é docente do Màster de Gènere i Comunicació da Universidade Autónoma de Barcelona.[5]. Dende 2022 reside en Chandrexa de Queixa[6].
Obra[editar | editar a fonte]
A obra de Brigitte Vasallo estrutúrase ao redor de dous eixos principais. Por unha banda, analiza a interseccionalidade entre o racismo e a misoxinia, particularmente sobre como afecta as mulleres musulmás.[7] Neste sentido, denuncia o purplewashing e o pinkwashing, ou como se instrumentaliza o feminismo e os dereitos LGBTI para xustificar a xenofobia, deixando de ser fins en si mesmos.[8][9]
Doutra banda, valora outras formas de relacionarse afectivamente, á parte da tradicional monogamia, que superen a fidelidade como un modo de posesión e o amor como un ben limitado.[10][11] Con todo, tamén advirte de como o neoliberalismo pode apropiarse do poliamor desde unha perspectiva individualista que reproduza as estruturas de poder herdadas e que converta en obxectos as persoas e os seus corpos como un produto de consumo máis.[12]
Libros[editar | editar a fonte]
- Pornoburka: desventuras del Raval e otras f(r)icciones contemporáneas (2013).[13][14]
- Pensamiento monógamo, terror poliamoroso. Editorial La Oveja Roja.
Notas[editar | editar a fonte]
- ↑ Aula Oberta. Saber, hacer, comprender. Centre de Cultura Contemporània de Barcelona. 14 de febreiro de 2017.
- ↑ Vassalo, Brigitte (9 de decembro de 2022). "Limiar: Un vir que se sinte volver". Praza Pública.
- ↑ Brigitte Vasallo: "El pensamiento monógamo genera identidades cerradas que operan con violencia". Diagonal. 10 de febreiro de 2016.
- ↑ Brigitte Vasallo: “Pensar que el burka es patriarcal y que las mujeres no tienen manera de redomarlo es una mirada colonial”. AraInfo. Diario Libre d'Aragón. 8 de decembro de 2014.
- ↑ Docents. Arquivado 01 de setembro de 2017 en Wayback Machine. Màster en Gènere i Comunicació. UAB.
- ↑ "Brigitte Vasallo". Praza Pública.
- ↑ Burkas en el ojo ajeno: el feminismo como exclusión. Pikara Magazine. 4 de decembro de 2014.
- ↑ Del pornoburka al purplewashing, los trucos más sucios contra el feminismo. El Confidencial. 3 de abril de 2016.
- ↑ Conchita Wurst y los peligros del homonacionalismo. Diagonal. 21 de maio de 2014.
- ↑ Romper la monogamia como apuesta política. Pikara Magazine. 22 de marzo de 2013.
- ↑ #OccupyLove: por una revolución de los afectos. Diagonal. 5 de febreiro de 2014.
- ↑ El poliamor ‘is the new black’. Pikara Magazine. 22 de outubro de 2014.
- ↑ Vasallo, Brigitte (2013). Pornoburka : desventuras del Raval y otras f(r)icciones contemporáneas. Ediciones Cautivas. ISBN 978-84-616-6174-9.
- ↑ El Raval, sin imposturas. La Marea. 28 de novembro de 2014.
Véxase tamén[editar | editar a fonte]
Ligazóns externas[editar | editar a fonte]
- Entrevista de Ana Requena Aguilar en Eldiario.es (en castelán)
