Boticas

Boticas

Localización
41°41′N 7°40′O
Estado	Portugal
Distritos	Distrito de Vila Real
Contén a división administrativa	Alturas do Barroso e Cerdedo (pt) Ardãos e Bobadela (pt) Beça (pt) Boticas e Granja (pt) Codessoso, Curros e Fiães do Tâmega (pt) Covas do Barroso (pt) Dornelas (pt) Pinho (pt) Sapiãos (pt) Vilar e Viveiro (pt)
Poboación
Poboación	5.750 (2011) (17,86 hab./km²)
Xeografía
Superficie	321,96 km²
Altitude	501 m
Comparte fronteira con	Montalegre Ribeira da Pena Vila Pouca de Aguiar Chaves Cabeceiras de Basto
Datos históricos
Día festivo	festa patronal (6 de novembro)
Santo padrón	Santa María
Identificador descritivo
Código postal	5460
Prefixo telefónico	276
Outro
Irmandado con	Gond-Pontouvre
Páxina web	cm-boticas.pt

Boticas é unha vila portuguesa pertencente ao distrito de Vila Real, na rexión Norte, subrrexión do Alto Trás-os-Montes, e comunidade intermunicipal do Alto Tâmega, que contaba con 1 280 habitantes (censo de 2011).

Xunto co concello Montalegre, forma a comarca das Terras de Barroso.

Xeografía

Casas tradicionais da vila de Boticas.

Boticas. Á esquerda, un espigueiro (hórreo); á dereita, monumento ao Guerreiro Galaico-Lusitano.

Boticas é a sede dun municipio de 321,96 km² de superficie, e 5 750 habitantes (censo de 2011), subdividido en 10 freguesías.

Límites

O municipio está limitado ao oeste e o noroeste polo municipio de Montalegre, ao leste por Chaves, ao sueste por Vila Pouca de Aguiar, ao sur por Ribeira de Pena e ao suroeste por Cabeceiras de Basto.

O concello foi creado en 1836 por desmembramento do de Montalegre.

Poboación

Evolución da poboación 1864-2011
1864	1878	1890	1900	1911	1920	1930	1940	1950	1960	1970	1981	1991	2001	2011
9 388	9 933	10 133	10 982	10 937	10 338	11 154	11 786	13 247	14 481	10 925	8 773	7 936	6 417	5 750

Número de habitantes por idades 1900-2011
	1900	1911	1920	1930	1940	1950	1960	1970	1981	1991	2001	2011
0-14 anos	3 520	3 589	3 354	3 499	4 093	4 472	5 344	3 290	2 220	1 561	821	581
15-24 anos	1 868	1 858	1 864	1 905	2 077	2 395	2 311	1 775	1 507	1 141	819	499
25-64 anos	4 672	4 479	4 369	4 448	4 704	5 420	5 825	4 640	3 710	3 718	3 046	2 843
> 65 anos	553	678	643	819	817	806	1 001	1 220	1 336	1 516	1 731	1 827

Freguesías do concello de Boticas

Freguesías do concello de Boticas.

O concello de Boticas está dividido en 10 freguesías:

• Alturas do Barroso e Cerdedo
• Ardãos e Bobadela
• Beça
• Boticas e Granja
• Codessoso, Curros e Fiães do Tâmega
• Covas do Barroso
• Dornelas
• Pinho
• Sapiãos
• Vilar e Viveiro

Historia

Boticas é unha vila de orixe romana. Os romanos construíron alí a cidade de Batocas, explotando minas e as famosas Termas de Carvalhelhos, das que se di que teñen augas milagrosas.

Economía

O sector primario é o máis importante do concello de Boticas, sendo o que emprega a maioría da poboación.

Outros datos

• As Termas de Carvalhelhos, a 26 km da estación termal de Vidago, e a 32 km de Chaves, cuxas augas, que xorden a elevada temperatura, foron xa explotadas polos romanos.
• Un dos puntos de maior interese a nivel turístico é o "Centro de Artes Nadir Afonso", que alberga unha importante colección de obras deste artista.
• O concello está situado entre montañas cheas de castiñeiros e carballos, as árbores máis características da rexión.
• Na súa gastronomía, propia da rexión barrosá de Boticas, destacan o xamón, a troita recheada de Boticas, os fumeiros (carnes xeralmente de porco, expostas ao fume para a súa conservación), e a vitela barrosá.

Cidades irmandadas

O concello de Boticas está irmandado cos seguintes vilas:

• Outes (19 de xullo de 2008)
• Gond-Pontouvre (2 de maio de 2009)
• Caué (10 de decembro de 2009)

Galería de imaxes

• 
  Escudo de Boticas
• 
  Bandeira de Boticas
• 
  Serra do Barroso, no concello de Boticas
• 
  Paisaxe das Terras de Barroso, Boticas
• 
  Igrexa de Boticas
• 
  Igrexa e cemiterio da freguesía de Beça, Boticas

Véxase tamén

Outros artigos

• Rexión Norte
• Alto Trás-os-Montes
• Distrito de Vila Real
• Alto Tâmega

Ligazóns externas

• Câmara Municipal de Boticas.