Blizzard Entertainment

Blizzard Entertainment
Tipo	desenvolvedora de videoxogos e distribuidora de videoxogos
Epónimo	xistra
Forma xurídica	sociedade por accións
Personalidades
Propietario/a	Activision Blizzard
Fundador/a	Mike Morhaime
Director/a	Mike Ybarra 3 de agosto de 2021 - 25 de xaneiro de 2024 Jen Oneal (en) 3 de agosto de 2021 - 2 de novembro de 2021 J. Allen Brack (en) - 3 de agosto de 2021
Número de empregados 13000 (31 de decembro de 2022) 4700 (2012)
Actividade
Industria	industria dos videoxogos
Produtos software videoxogo
Entidades
Matriz	Activision Blizzard
Ten en propiendade Blizzard North
Entidades subsidiarias Vicarious Visions (pt) Proletariat (pt)
Data
Fundación	8 de febreiro de 1991
Acontecementos
	Blizzard Entertainment 2012 data breach (en)
Localización
33°39′30″N 117°46′04″O
Estado	Estados Unidos de América
Estado federado	California
Condado	Condado de Orange
Cidade	Irvine
País	Estados Unidos de América
Sede	Irvine
Premios
(2012)  BigBrotherAwards
Nomeamentos (20 de novembro de 2014)  The Game Award ao desenvolvedor do ano
Contacto
Páxina WEB	blizzard.com…
Redes
[ Wikidata ]

Logo de Blizzard Entertainment.

Blizzard Entertainment é unha empresa dedicada á creación de videoxogos radicada en Irvine (California). Tamén administra un servizo gratuíto de xogo a través de Internet chamado Battle.net.

Traxectoria

Sede de Blizzard Entertainment en California.

En 2004 a compañía nai Vivendi Universal Games, a distribuidora de Blizzard Entertainment, despediu a 348 empregados en Norte América. En decembro de 2007 Vivendi Universal fusionouse con Activision, outra empresa de videoxogos, de xeito que apareceu a nova compañía, Activision Blizzard.

Blizzard Entertainment tivo varios propietarios dende a súa creación. En 1991, baixo o nome de Silicon & Synapse, tiña como propietario e fundador a Allen Adham. Máis tarde, en 1994, Silicon & Synapse foi mercada pola distribuidora Davidson & Associates, que despois cambiou o nome da empresa a Blizzard Entertainment Inc. Máis tarde, en 1996, Davidson foi adquirida por CUC, que á súa vez se fusionou con HFS Corporation en 1997 para formar Cendant Software.

Por problemas de fraude, Blizzard foi vendida a Havas en 1998 e finalmente a Vivendi. Ante as pretensións de Vivendi de poñer á venda Blizzard, Erich Schaefer, Max Schaefer, David Brevik e Bill Roper, pesos pesados dentro de Blizzard, remitiron unha carta a Vivendi pedindo explicacións sobre o futuro da empresa, coa ameaza de abandonala. Ante o silencio de Vivendi finalmente deixaron a empresa en xullo de 2003.

En 2007 Vivendi adquiriu Activision e en 2008 creou a filial "Activision-Blizzard"

Bill Roper, actual responsable de Flagship Studios, era o vicepresidente de Blizzard, e o pai da saga Diablo. Ademais prestou a súa voz na narración da versión inglesa da saga Warcraft, realizando ademais a locución dos footman das tres versións existentes.

Actividade

Desde o lanzamento de Warcraft: Orcs & Humans en 1994 os xogos que comercializaron tiveron un grande éxito debido ó seu acabado, ó seu soporte técnico, a súa adaptación a Mac OS X e as súas innovacións conceptuais. De acordo coa súa política de calidade, Blizzard Entertainment cancelou unha das súas creacións: a aventura gráfica baseada no mundo de Warcraft, Warcraft Adventures: Lord of the Clans. Igualmente en 2006 foi detido o proxecto Starcraft: Ghost que levaba varios anos en desenvolvemento. Blizzard argumentou que estaba sendo desenvolvido para as consolas (PlayStation 2, GameCube e Xbox), e ante a chegada da nova xeración de plataformas (PlayStation 3 e Xbox 360) o xogo quedara algo desfasado. Finalmente anunciaron que Ghost sería posposto para posteriores datas. Tamén en 2006 anunciouse o desenvolvemento da expansión de World of Warcraft, World of Warcraft: The Burning Crusade.

En 2007 Blizzard fixo público o desenvolvemento de StarCraft II. Ademais está traballando na nova expansión do World of Warcraft, World of Warcraft: Wrath of the Lich King.

O 28 de xuño de 2008, durante a Worldwide Invitational en París, Blizzard anunciou a terceira entrega da serie Diablo.

Títulos

• The Lost Vikings (1992). Videoxogo de plataformas
• Rock N' Roll Racing (1993). Videoxogo de carreiras
• Blackthorne (tamén chamado Blackhawk) (1994). Videoxogo de plataformas
• The Death and Return of Superman (1994). Beat 'em up de scroll horizontal
• Warcraft: Orcs & Humans (1994). Videoxogo de estratexia en tempo real.
• Justice League Task Force (1995). Videoxogo de loita un contra un.
• The Lost Vikings II (1995). Videoxogo de plataformas.
• Warcraft II: Tides of Darkness (1995). Videoxogo de estratexia en tempo real.
• Warcraft II: Beyond the Dark Portal (1996). Expansión.
• Diablo (1996). Videoxogo de rol.
• Diablo: Hellfire (1998). Expansión
• StarCraft (1998). Videoxogo de estrategia en tempo real de ciencia ficción.
• StarCraft: Brood War (1998). Expansión.
• Warcraft II: Battle.net Edition (1999). Relanzamento.
• Diablo II (2000). Videoxogo de rol.
• Diablo II: Lord of Destruction (2001). Expansión.
• Warcraft III: Reign of Chaos (2002). Videoxogo de estrategia en tempo real.
• Warcraft III: The Frozen Throne (2003). Expansión.
• World of Warcraft (2004). Videoxogo de rol multixogador masivo.
• World of Warcraft: The Burning Crusade (2007). Expansión.
• World of Warcraft: Wrath of the Lich King (2008). Expansión

Véxase tamén

Ligazóns externas

• Páxina oficial de Blizzard (en inglés)