Betty Friedan

Betty Friedan
	; (1960)
Biografía
Nacemento	4 de febreiro de 1921 ; Peoria, Estados Unidos de América
Morte	4 de febreiro de 2006 (85 anos); Washington, D.C., Estados Unidos de América
Causa da morte	Morte natural (Insuficiencia cardíaca )
Datos persoais
Residencia	Georgetown Retirement Home (en)
País de nacionalidade	Estados Unidos de América
Educación	Smith College ; Esalen Institute (pt) ; Universidade de California en Berkeley ; Peoria High School (en)
Actividade
Ocupación	xornalista , socióloga , activista polos dereitos das mulleres , escritora , psicóloga
Membro de	Phi Beta Kappa
Movemento	Pró-escolha (pt) e feminismo
Lingua	Lingua inglesa
Obra
	Obras destacables The Fountain of Age (en) ; (1963) A Mística Feminina (pt) ; (1981) The Second Stage (en) ;
	Premios (1993) National Women's Hall of Fame; (1975) Humanist of the Year (en) ;

Betty Friedan, nada co nome de Betty Naomi Goldstein en Peoria (Illinois) o 4 de febreiro de 1921 e finada en Washington DC o 4 de febreiro de 2006, foi unha escritora estadounidense, coñecida por ser a autora de The Feminine Mystique, obra de referencia do movemento feminista e unha destacada activista na loita pola igualdade de xéneros.

Traxectoria[editar | editar a fonte]

Nada nunha familia de orixe xudía, viviu en Nova York e, máis tarde, trasladouse a Santa Mónica (California). Licenciouse summa cum laude no Smith College, en 1942. Estudou psicoloxía na Universidade de California, Berkeley, e traballou como redactora para Federated Press (1943-1946) e para a EU News (1946-1952), ambos os dous relacionadas co mundo sindical. En Nova York, coñeceu Carl Friedan, produtor e executivo dunha axencia de publicidade co que casou en 1947. O matrimonio tivo tres fillos e en 1969 divorciáronse.^[1]

The Feminine Mystique[editar | editar a fonte]

En 1952, cando estaba esperando o seu segundo fillo, Betty foi despedida do seu posto de traballo. Dedicouse a partir de entón a coidar da familia, mentres facía algúns traballos como xornalista freelance. Grazas a un encargo do Smith College, fixo un cuestionario ás súas antigas compañeiras de estudo e descubriu que compartía coa maioría das mulleres a insatisfacción pola vida que levaba. Fixo un artigo sobre o tema que ningún medio quixo publicar e, a continuación, decidiu facer un libro. Fixo máis enquisas, consultou especialistas e demorou cinco anos en escribir o libro. The Feminine Mystique foi publicado en 1963. Analizaba o papel das mulleres de clase media convertidas en amas de casa sen recursos propios. Defendía que a mística feminina é unha forma de enganar as mulleres e que as mulleres deben buscar os seus propios obxectivos, independentemente dos maridos e fillos, sen se sentir culpábeis. O libro foi galardoado co premio Pulitzer no ano 1964 e tornouse nun best-séller e un referente para o movemento feminista.^[2]^[3]

Activismo[editar | editar a fonte]

En 1966 fundou a National Organization for Women (NOW), unha organización onde se integraron diversos colectivos feministas. En 1969 fundou a National Association for the Repeal of Abortion Laws, máis tarde coñecida como Naral Pro-Choice America. Tamén participou na creación do National Women Political Caucus (NWPC), en 1971. O seu activismo foi criticado polas súas reticencias para darlles apoio as reivindicacións das minorías raciais e das lesbianas, que non foi incluído no movemento feminista ata 1978.^[2]

Últimos traballos[editar | editar a fonte]

Betty Friedan colaborou con numerosos artigos en diversos medios de comunicación. En 1981, escribiu The second stage, un traballo no que defende unha maior colaboración entre homes e mulleres, o que comportou críticas por parte de sectores feministas. Outros libros destacados desta autora son: The fountain of age e Life so far. Morreu, en Washington DC, o 4 de febreiro de 2006, o día en que cumpría 85 anos.

Algunhas das súas obras foron censuradas no Estado Español durante o franquismo.^[4]

Obra[editar | editar a fonte]

The Feminine Mystique (1963).
It Changed My Life: Writings on the Women's Movement (1976).
The Second Stage (2000).
The Fountain of Age (1993).
Beyond Gender (1997).
Life So Far (2000).

Notas[editar | editar a fonte]

↑ Guerra, María José (2006). Nobel, ed. 20 pensadoras del siglo XX. Oviedo. pp. 171–189. (en castelán)
↑ ^2,0 ^2,1 Kaplan, Marion. Jewish Women's Archive, ed. "Betty Friedan". Consultado o 1 de marzo de 2018. (en inglés)
↑ Biografías y Vidas. La enciclopedia biográfica en línea (ed.). "Betty Friedan". Consultado o 1 de marzo de 2018. (en castelán)
↑ Godayol, Pilar (2017). Comares, ed. Tres escritoras censuradas: Simone de Beauvoir, Betty Friedan y Mary McCarthy (en Castelán). Granada. ISBN 978-84-9045-489-3.

Véxase tamén[editar | editar a fonte]

Feminidade

Ligazóns externas[editar | editar a fonte]

Web de homenaxe a Betty Friedan na Universidade de Bradley Arquivado 29 de decembro de 2018 en Wayback Machine..
Obituarios, o New York Times, o 5 de febreiro de 2006.

[Libro_pensadoras-1] Guerra, María José (2006). Nobel, ed. 20 pensadoras del siglo XX. Oviedo. pp. 171–189. (en castelán)

[jwa.org-2] 2,0 ^2,1 Kaplan, Marion. Jewish Women's Archive, ed. "Betty Friedan". Consultado o 1 de marzo de 2018. (en inglés)

[3] Biografías y Vidas. La enciclopedia biográfica en línea (ed.). "Betty Friedan". Consultado o 1 de marzo de 2018. (en castelán)

[4] Godayol, Pilar (2017). Comares, ed. Tres escritoras censuradas: Simone de Beauvoir, Betty Friedan y Mary McCarthy (en Castelán). Granada. ISBN 978-84-9045-489-3.

[1]

[2]

[3]

[4]