Benedykt Dybowski

Benedykt Dybowski
	; Retrato de Benedykt Dybowski
Nome orixinal	Benedykt Tadeusz Dybowski
Biografía
Nacemento	Bенедикт Иванович Дыбовский; 12 de maio de 1833; Adamaryn, uezd de Novogrúdok, Gobernación de Grodno, Imperio ruso (Hoxe en Belarús)
Morte	31 de xaneiro de 1930; Lwów, Segunda República Polaca
Lugar de sepultura	cemiterio de Lychakiv
País de nacionalidade	rusa, austrohúngara e polaca
Formación profesional	Doutor en Medicina
Educación	Universidade de Tartu; Unversidade de Breslavia; Universidade Humboldt de Berlín
Actividade
Campo de traballo	Xeografía
Lugar de traballo	Lviv
Ocupación	naturalista, médico, xeógrafo, zoólogo e esperantista
Empregador	Universidade de Leópolis
Membro de	Academia de Ciencias de Rusia ; Academy of Learning (en) ; Sociedade Científica de Lviv ; Poznań Society of Friends of Learning (en) ; Academia de Ciencias da URSS ; Polish Academy of Learning (en) ; Związek Sybiraków (en)
Interesado en	Zooloxía e medicina
Alumnos	Jan Hirschler
Carreira militar
Conflito	Revolta de Janeiro (pt)
Obra
Abreviatura do autor en zooloxía	Dybowski
Familia
Familia	House of Dybowski (Nałęcz) (en)
Pais	Jan Dybowski e Salomea z Przysieckich Dybowska
Irmáns	Malwina Nargielewicz; Władysław Dybowski
Premios
	Véxase o texto
Descrito pola fonte	Obálky knih, ; Dicionario Enciclopédico Brockhaus e Efron; Polish Biographical Dictionary (en)
	Lista Comendador con Estrela da Orde Polonia Restituta ; ;

Benedykt Tadeusz Dybowski, nado o 12 de maio de 1833 en Adamaryn, uezd de Novogrúdok, Imperio ruso, e finado en Lwów, Segunda República Polaca, (hoxe Lviv, Ucraína), foi un médico e naturalista polaco.

Traxectoria

Benedykt Dybowski naceu en Adamaryn, no uezd de Novogrúdok, Gobernación de Grodno, Imperio ruso (Hoxe en Belarús)

Estudou Medicina na Universidade de Dorpat (actual Tartu, en Estonia), e posteriormente estudou na Universidade de Breslavia, obtendo seu doutoramento na Universidade Humboldt de Berlín.

Participou en varias expedicións para buscar e estudar peixes mariños e crustáceos. Conseguiu un posto de profesor de Zooloxía na Universidade de Varsovia, daquela baixo a administración do Imperio ruso.

Participou no Levantamiento de xaneiro, un levantamento na antiga República das Dúas Nacións (actuais Polonia, Lituania, Belarús, [[Letonia], e partes de Ucraína e de Rusia occidental) contra o Imperio ruso, en 1863-1864, feito polo que foi arrestado, xulgado e condenado a morte, aínda que a sentenza foi reducida a 12 anos en Siberia.

Empezou a estudar a historia natural de Siberia e, en 1866, o gobernador Muráviov eximiu a Dybowski dos traballos forzados (kátorga), restaurou os seus dereitos civís e propúxolle traballar como doutor nun hospital.

Estableceuse no pequeno pobo de Kultuk e comezou un estuio detallado do lago Baikal, con algunha axuda técnica por parte da Sociedade Xeográfica Rusa.

Exerceu como médico para a poboación indíxena de Kamchatka, as illas Aleutianas, as illas do Comandante e a illa de Bering, o que lle supuxo facer catro viaxes ao ano ás áreas poboadas da zona.

Tras volver de Asia, proseguiu o seu traballo de investigación na Universidade de Leópolis en 1883. E presidiu a Sociedade Copérnico de Naturalistas Polacos entre 1886 e 1887.

En 1921 foille concedido un doutoramento honoris causa pola Universidade de Varsovia e, en 1923, outro pola Universidade de Vilna. En 1927 a Academia de Ciencias da Unión Soviética elixiu a Dybowski como membro correspondente.

Dybowski pasou os últimos anos da súa vida en Leópolis. Faleceu aos 97 anos, e foi enterrado no cemiterio leopolitano de Łyczakowski, xunto con outros participantes do Levantamiento de 1863.

A maior parte da súa colección de espécimes zoolóxicos e botánicos encóntrase no Museo Zoolóxico de Leópolis.

O anfípodo Gammaracanthuskytodermogammarus loricatobaicalensis, supostamente procedente do lago Baikal foi nomeado por el,^[1] e foi considerado o nome científico máis longo, aínda que na actualidade, este nome non se considera válido. O que si se considera válido é o nome do salmónido Thymallus grubii var. baicalensis, descrito por el en 1874, e que hoxe está considerado como unha nova especie, Thymallus baicalensis.^[2]^[3]

En febreiro de 2014, o explorador Jacek Pałkiewicz presentou unha placa en memoria de Dybowski en Petropávlovsk-Kamchatski.^[4]

Distincións

Foi membro da Academia de Ciencias de Rusia, e da Academia de Ciencias da Unión Soviética.

Comendador con Estrela da Orde Polonia Restituta.

Abreviatura

A abreviatura Dybowski emprégase para recoñecer a Benedykt Dybowski como autoridade na descrición e taxonomía en zooloxía.

Notas

↑ Dybowski, B. (1926): Bull. internat. Acad. Cracovie, (B): 61.
↑ Thymallus baicalensis Dybowski, 1874 no WoRMS. Consultado o 12 de marzo de 2022.
↑ Thymallus baicalensis Dybowski, 1874 no GBIF. Consultado o 12 de marzo de 2022.
↑ Pałkiewicz odsłania tablicę Dybowskiego na Kamczatce Arquivado 08 de xuño de 2015 en Wayback Machine. en Rzeczpospolita, 6 de febreiro de 2014 (en polaco).

Véxase tamén

Ligazóns externas

Biografía en Museo Zoolóxico. Facultade de Bioloxía da Universidade Nacional Ivan Franko de Lviv (en inglés).
O diario do doutor Benedykt Dybowski desde 1862 até 1878 (en polaco).
Dybowski 1863-2013 Vídeo da TV Polaca.

[1] Dybowski, B. (1926): Bull. internat. Acad. Cracovie, (B): 61.

[W-2] Thymallus baicalensis Dybowski, 1874 no WoRMS. Consultado o 12 de marzo de 2022.

[G-3] Thymallus baicalensis Dybowski, 1874 no GBIF. Consultado o 12 de marzo de 2022.

[4] Pałkiewicz odsłania tablicę Dybowskiego na Kamczatce Arquivado 08 de xuño de 2015 en Wayback Machine. en Rzeczpospolita, 6 de febreiro de 2014 (en polaco).

[1]

[2]

[3]

[4]