Bandeira de Nova Caledonia
| Bandeira de Nova Caledonia | |
|---|---|
 | |
| Características | |
| Uso | |
| Proporción | 1:2 |
| Adopción | 17 de xullo de 2010 |
| Cores | Azul Vermello Verde Amarelo Negro |
| Bandeira de Nova Caledonia | |
|---|---|
 | |
| Características | |
| Uso | |
| Proporción | 2:3 |
| Adopción | 24 de setembro de 1853 |
| Cores | Azul Vermello |
A bandeira de Nova Caledonia son oficialmente dúas: a bandeira de Francia e a bandeira local adoptada oficialmente no 2010.
Nova Caledonia, territorio francés dende 1853, utilizou oficialmente a Tricolore nas súas institucións. Porén, a comezos da década de 1980, propúxose unha bandeira local durante a celebración do primeiro congreso da Front de libération nationale kanak et socialiste (FLNKS). Esta bandeira, composta por tres franxas horizontais en azul, vermello e verde xunto a un símbolo tradicional, foi utilizada polos militantes pro-independentistas por máis de vinte anos.
No 2008, o goberno de Nova Caledonia iniciou o debate respecto á adopción dunha bandeira e un himno rexional, segundo o estipulado no Acordo de Numéa. A bandeira kanaka foi adoptada masivamente polo congreso local como bandeira rexional xunto coa bandeira francesa, coa que compartirá oficialidade por dous anos. O 17 de xullo de 2010 adoptouse oficialmente a bandeira kanaka nunha cerimonia en Noumea, á que asistiu o primeiro ministro francés François Fillon.[1][2]
Malia a súa aprobación maioritaria por parte do congreso local, a adopción da bandeira foi controvertida.[1] Algúns neocaledonianos manifestaron os seus desexos dun novo deseño para a bandeira, que incopore elementos tanto franceses como kanakas, como forma de representar a coexistencia de ámbolos dous grupos étnicos.[1]
Bandeira local (Kanaka)
[editar | editar a fonte]Esta bandeira componse de tres franxas horizontais do mesmo tamaño, de cor azul a superior, vermella a central e verde a inferior. Na súa parte central figura un círculo de cor amarela no que aparece representado un tellado dunha vivenda tradicional.
- A cor azul representa o ceo de Nova Caledonia e o océano Pacífico.
- A cor vermella simboliza o sangue derramado na loita pola independencia, a adopción do socialismo e a unidade do pobo kanaka.
- A cor verde simboliza a terra.
- O círculo amarelo simboliza o Sol.
Deseños alternativos
[editar | editar a fonte]-
Bandeira usada nos Xogos do Pacífico Sur 2007 -
Proposta de bandeira en 2008. -
Proposta de bandeira do 2010.
Bandeiras provinciais
[editar | editar a fonte]Nova Caledonia está dividida en tres provincias, cada unha coa súa bandeira propia.
-
Provincia Norte -
Provincia Sur -
Provincia das Illas (Illas Lealdade)
Notas
[editar | editar a fonte]- ↑ 1,0 1,1 1,2 Malkin, Bonnie (20 de xullo de 2010). "New Caledonia adopts second flag in compromise over French rule" (en inglés). The Daily Telegraph. Consultado o 19/02/2011.
- ↑ Jeudy, Bruno (17 de xullo de 2010). "Fillon hisse les drapeaux français et kanak à Nouméa" (en francés). Consultado o 19/02/2011.