As normas da casa da sidra

As normas da casa da sidra
Título     The Cider House Rules (en)
Instancia de filme
Características  Caracterizado por filme baseado nunha novela  Cor en cor  Xénero artístico cinema romántico cinema dramático  Formato de distribución vídeo baixo demanda  Baseado en The Cider House Rules (en)  Inspirado na obra de John Irving  Tema principal aborto incesto  Ambientado en Maine  Lingua orixinal lingua inglesa
Implicados  Produtor/a Richard N. Gladstein (pt) Bob Weinstein Harvey Weinstein  Director/a Lasse Hallström  Compositor/a Rachel Portman  Guionista John Irving  Director/a fotografía Oliver Stapleton (en)  Editor/a de cine Lisa Zeno Churgin  Elenco Tobey Maguire Evan Parke J. K. Simmons Paz de la Huerta (pt) Kate Nelligan Erik Per Sullivan Annie Corley (pt) Skye McCole Bartusiak John Irving Kevin Chapman Heavy D (pt) Jane Alexander Charlize Theron Michael Caine Kathy Baker Paul Rudd Erykah Badu Delroy Lindo Kieran Culkin K. Todd Freeman  Compañía produtora Miramax Walt Disney Studios Motion Pictures  Distribuidor/a Netflix UIP-Dunafilm
Datas  Data de publicación 10 de marzo de 2000 (Italia) 16 de marzo de 2000 (Alemaña) 7 de setembro de 1999 1999
Historia  Premios e distincións Óscar ó mellor actor secundario (26 de marzo de 2000) Óscar ó mellor guión adaptado (26 de marzo de 2000)  Nomeamentos Óscar ó mellor filme (15 de febreiro de 2000) Óscar ó mellor guión adaptado (15 de febreiro de 2000) Óscar ó mellor deseño de produción (15 de febreiro de 2000) Óscar á mellor montaxe (15 de febreiro de 2000) Óscar ó mellor actor secundario (15 de febreiro de 2000) Óscar ó mellor director (15 de febreiro de 2000) Óscar á mellor banda sonora (15 de febreiro de 2000)
Cifras e dimensións  Formato imaxe    2.35:1  Custo    24.000.000 $  Recadación    88.500.000 $  Duración    126 min
Localización  Lugar de rodaxe Maine  País de orixe Estados Unidos
Fontes e ligazóns VIAF 316752052 ISAN 0000-0001-0D75-0000-5-0000-0000-M Freebase /m/083shs  Páxina WEB miramax.com…  Puntuación da crítica 72% Rotten Tomatoes (11 de xaneiro de 2026) 75/100 Metacritic (11 de xaneiro de 2026) 6.6/10 Rotten Tomatoes (6 de outubro de 2021)
Wikidata

As normas da casa da sidra (en inglés: The Cider House Rules) é un filme estadounidense de 1999 dirixido polo sueco Lasse Hallström. Estreaouse no Festival Internacional de Cinema de Venecia, gañou o Globo de Ouro ao mellor guión, e tamén conseguiu sete candidaturas aos Óscars.

Baséase na novela de John Irving, The Cider House Rules, e o propio Irving escribiu o guión. Outros directores emprenderon o proxecto de realizar a adaptación, como Ang Lee ou Michael Winterbottom, pero abandonárono debido a discrepancias co autor da novela.

Sinopse

Homer Wells (Tobey Maguire) é un orfo que vive no estado de Maine durante a década de 1930. Medrou no orfanato de St. Cloud's baixo a tutela do Dr. Wilbur Larch (Michael Caine), que nunca deixou de preocuparse polos cativos que ten a cargo no hospicio. Mais cando Homer se fai un home, e se dá conta das posibilidades que lle brinda a vida, empeza a dubidar e a cuestionar os métodos e a lóxica que o doutor lle ensinou. O Dr. Larch realiza abortos secretamente, e ilegalmente, e adestra a Homer para que sigas os seus pasos.

Homer decide deixar o orfanato con Candy Kendall (Charlize Theron) e o namorado dela, Wally Worthington (Paul Rudd). Logo, cando Wally vai loitar na segunda guerra mundial, Homer e Candy estreitan amizades. Máis tarde, o avión de Wally é abatido, deixándoo paralizado da cintura para baixo. Cando el volta para a casa, Candy decide que ela debe coidar del e non ficar con Homer.

O Sr. Rose (Delroy Lindo) e os seus compañeiros son traballadores migrantes que están empregados temporalmente na plantación de mazairas da familia Worthington. O Sr. Rose empreñou á súa propia filla (Erykah Badu), e Homer, que desaproba o aborto, percibe que neste caso en particular el debe realizarllo a ela. Máis tarde, cando o Sr. Rose tenta abusar de novo da súa filla, ela acoitelarao. O desexo del, moribundo, é que os outros traballadores lle digan á policía que a súa morte foi por suicidio.

Despois da morte accidental do Dr. Larch, Homer decide retornar ao orfanato e exercer o exercicio de novo director. No final do filme, descóbrese que o doutor falsificara o rexistro médico de Homer para evitar que se fora para a guerra.

Personaxes

• Tobey Maguire como Homer Wells
• Michael Caine como Dr. Wilbur Larch
• Charlize Theron como Candy Kendall
• Paul Rudd como Tenente Wally Worthington
• Delroy Lindo como Arthur Rose
• Erykah Badu como Rose Rose
• Heavy D como Peaches
• K. Todd Freeman como Muddy
• Kieran Culkin como Buster
• Jane Alexander como enfermeira Edna
• Kathy Baker como enfermeira Angela
• Kate Nelligan como Olive Worthington
• Paz de la Huerta como Mary Agnes
• J. K. Simmons como Ray Kendall
• Evan Parke como Jack
• Jimmy Flynn como Vernon
• Erik Per Sullivan como Fuzzy Stone
• Skye McCole Bartusiak como Hazel

Galardóns

Óscar 1999

Categoría	Persoa	Resultado
Óscar ó mellor filme		Candidata
Oscar ao mellor director	Lasse Hallström	Candidato
Oscar ao mellor actor secundario	Michael Caine	Gañador
Oscar ao mellor guión adaptado	John Irving	Gañador
Óscar á mellor banda sonora	Rachel Portman	Candidata
Óscar á mellor dirección artística	David Gropman Beth Rubino	Candidatos
Óscar á mellor montaxe	Lisa Zeno Churgin	Candidata

Globos de Ouro

Ano	Categoría	Resultado
Globo de Ouro ao mellor actor secundario	Michael Caine	Candidato
Globo de Ouro ao mellor guión	John Irving	Candidato