Apocarotenoides
Un apocarotenoide é un composto químico que difire dun carotenoide na perda dun fragmento nun dos extremos da súa cadea carbonada. Os apocarotenoides orixínanse da oxidación dos carotenoides[1] realizada por unha familia de encimas dioxixenases chamados CCD (do inglés Carotenoid Cleavage Dioxigenase, 'dioxixenase para o corte dos carotenoides')[2],[3]. Igual que os carotenoides, algúns deles son pigmentos (a bixina é ademais utilizada como colorante alimentario) ou compostos aromáticos como a beta-ionona. Os retinoides (como a vitamina A) poden considerase unha clase de apocarotenoides, pero ás veces se clasifican como un grupo especial. Outros apocarotenoides poden igualmente ter un efecto biolóxico nos mamíferos[4].
Os apocarotenoides xogan tamén un papel importante nas plantas[5] como moléculas sinalizadoras que regulan o desenvolvemento da planta e a súa sinalización na resposta ao estrés (por exemplo: as fitohormonas como o ácido abscísico e as estrigolactonas). Algúns destes apocarotenoides que participan na sinalización nas plantas están aínda por descubrir.[6]
Notas[editar | editar a fonte]
- ↑ La production sous serre, tomo 1. La gestion du climat (2ª ed.) (en francés). Lavoisier. 2010-12-06. ISBN 978-2-7430-1768-2. Consultado o 26 de novembro de 2015.
- ↑ Auldridge ME, McCarty DR, Klee HJ (2006). "Plant carotenoid cleavage oxygenases and their apocarotenoid products". Current Opinion in Plant Biology (en inglés) (9): 315–321.
- ↑ Harrison PJ, Bugg TDH (2014). "Enzymology of the carotenoid cleavage dioxygenases: Reaction mechanisms, inhibition and biochemical roles". Archives of Biochemistry and Biophysics (en inglés) (544): 105–111.
- ↑ Harrison, Quadro (2018). "Apocarotenoids: emerging roles in mammals". Annu Rev Nutr (en inglés) 38 (9): 153–172.
- ↑ LERAY, Claude (2010-05-10). Les lipides dans le monde vivant (en francés). Lavoisier. ISBN 978-2-7430-1819-1. Consultado o 26 de novembro de 2015.
- ↑ Hou X,Rivers J, León P, McQuinn RP, Pogson BJ (2016). "Synthesis and Function of Apocarotenoid Signals in Plants". Trends in Plant Science (en inglés) 21 (9): 792–803.
