Antonio Peinado García
Mella | |||
---|---|---|---|
Información persoal | |||
Nome | Antonio Peinado García | ||
Nacemento | c. 1894 | ||
Lugar de nacemento | A Coruña | ||
Falecemento | 27 de novembro de 1959 | ||
Lugar de falecemento | A Coruña | ||
Posición | Dianteiro | ||
Carreira sénior | |||
Anos | Equipos | Aprs | (Gls) |
1914 | Deportivo da Coruña | ||
1914–1918 | Deportivo Auténtico | ||
1918–1927 | Deportivo da Coruña | ||
1927–1928 | Olímpico FC | ||
Partidos e goles só en liga doméstica. [ editar datos en Wikidata ] | |||
Antonio Peinado García, máis coñecido como Mella, nado na Coruña c. 1894 e finado na mesma cidade o 27 de novembro de 1959, foi un futbolista, boxeador, bombeiro e sindicalista galego.
Traxectoria[editar | editar a fonte]
Debutou na dianteira do Deportivo da Coruña o 30 de agosto de 1914, no primeiro dos dous partidos que os futbolistas do club xogaron contra o Real Club Coruña sen permiso da directiva e que provocaron a posterior escisión chamada Deportivo Auténtico.[1] Militou na escisión durante os seus catro anos de existencia, disputando o Campionato de Galicia, e volveu ao Deportivo trala reunificación de 1918. Xogou no Deportivo nove anos máis, proclamándose campión galego na tempada 1926/27, aínda que os últimos anos pasounos como suplente. En abril de 1926 xogou un partido de cuartos de final da Copa do Rei, contra o Real Unión no estadio de Amute en Hondarribia. En 1927 pasou ao Olímpico FC (antigo Racing Orillamar), co que disputou a Serie B do Campionato de Galicia.
Posteriormente foi boxeador, derrotando entre outros a Eladio Cabaco ou Vázquez, e gañando o título de campión galego do peso wélter.[2][3][4]
Bombeiro de profesión e de ideoloxía socialista, foi delegado da Federación Local de UXT e membro da Federación de Colectividades Socialistas.[5][6] Coa chegada do franquismo foi xulgado na Coruña por rebelión e condenado a doce anos de prisión.[7] Faleceu na Coruña o 27 de novembro de 1959, aos 65 anos, [4]
Palmarés[editar | editar a fonte]
Deportivo da Coruña
- Campionato de Galicia (1): 1926/27.
Notas[editar | editar a fonte]
- ↑ "De sport". La Voz de Galicia (en castelán). 30 de agosto de 1914. p. 3.
- ↑ "Una sesión de boxeo". La Voz de Galicia (en castelán). 26 de maio de 1929. p. 2.
- ↑ "Los matchs de boxeo del domingo". La Voz de Galicia (en castelán). 9 de setembro de 1930. p. 5.
- ↑ 4,0 4,1 "Falleció Mella, antiguo jugador del Deportivo". La Voz de Galicia (en castelán). 28 de novembro de 1959. p. 5.
- ↑ "Los dependientes municipales". La Voz de Galicia (en castelán). 18 de abril de 1933. p. 5.
- ↑ "Vida social y obrera". El Ideal Gallego (en castelán) (4089). 14 de outubro de 1933. p. 8. Consultado o 12 de novembro de 2021.
- ↑ "Antonio Peinado García "Mella"". Nomes e Voces. Consultado o 12 de novembro de 2021.
Véxase tamén[editar | editar a fonte]
Ligazóns externas[editar | editar a fonte]
- Datos do futbolista en BDFutbol (en castelán).
- Datos do boxeador en boxrec.com (en inglés).