Anders Sparrman

Na Galipedia, a Wikipedia en galego.
Infotaula de personaAnders Sparrman

Editar o valor em Wikidata
Biografía
Nacemento16 de febreiro de 1748 Editar o valor em Wikidata
Lena Parish, Suecia (en) Traducir Editar o valor em Wikidata
Morte9 de agosto de 1820 Editar o valor em Wikidata (72 anos)
Storkyrkoförsamlingen, Suecia (en) Traducir Editar o valor em Wikidata
Catedrático
Catedrático de universidade
Editar o valor em Wikidata
Datos persoais
País de nacionalidadeSuecia Editar o valor em Wikidata
EducaciónUniversidade de Uppsala Editar o valor em Wikidata
Director de teseCarl von Linné Editar o valor em Wikidata
Actividade
Campo de traballoBotánica, Ornitoloxía e medicina Editar o valor em Wikidata
Lugar de traballo Uppsala Editar o valor em Wikidata
Ocupaciónexplorador , naturalista , explorador cientifíco (pt) Traducir , botánico , ornitólogo , médico , debuxante Editar o valor em Wikidata
Membro de
Influencias
LinguaLingua sueca Editar o valor em Wikidata
Obra
Abreviación dun autor en botánicaSparrm. Editar o valor em Wikidata
Familia
PaiErik Sparrman (en) Traducir Editar o valor em Wikidata
IrmánsAnna Magdalena Sparrman (en) Traducir Editar o valor em Wikidata

Anders Erikson Sparrman, nado o 27 de febreiro de 1748 en Tensta (Condado de Uppsala), e finado o 9 de agosto de 1820 en Estocolmo, foi un naturalista, botánico e abolicionista sueco, un dos dezasete apóstolos de Linneo, que describiu numerosas especies novas para a ciencia.

Traxectoria[editar | editar a fonte]

Anders Sparrman era fillo dun clérigo. Aos nove anos entrou na Universidade de Uppsala, onde comezou os seus estudos de Medicina, e aos catorce converteuse nun dos pupilos máis destacados de Linneo.

En 1765 fixo unha viaxe a China como cirurxián a abordo, regresando dous anos máis tarde despois de realizar a descrición dos animais e plantas que encontrara.

En xaneiro de 1772 viaxou até o Cabo da Boa Esperanza, para ocupar un posto como titor. Cando máis tarde dese mesmo ano James Cook chegou alí ao comezo do seu segundo viaxe, Sparrman uniuse á expedición como naturalista axudante de Johann e Georg Forster. Despois da viaxe volveu á Cidade do Cabo en xullo de 1775, dedicándose a exercer de médico, conseguindo suficiente diñeiro para financiar unha viaxe ao interior do continente.

En 1776 volveu a Suecia, onde se premiara cun doutoramento honorario na súa ausencia. Foi elixido, ademais, como membro da Real Academia das Ciencias de Suecia. En 1780 foi o conservador das coleccións de historia natural de dita Academia, e en 1781 profesor de historia natural e farmacoloxía, e asesor do Collegium Medicum en 1790.

Obras[editar | editar a fonte]

Sparrman publicou numerosos traballos, o máis coñecido deles é o relación das súas viaxes en Suráfrica e con Cook, publicadas en 1789 co título de A voyage to the Cape of Good Hope, towards the Antarctic polar circle, and round the world: But chiefly into the country of the Hottentots and Caffres, from the year 1772 to 1776 (Unha viaxe ao Cabo da Boa Esperanza, cara ao círculo polar antártico, e ao redor do mundo: pero sobre todo cara ao país dos Hotentotes e Cafres, dos anos 1772 a 1776).

Tamén publicou, entre 1786 e 1789 o Catálogo do Museo Carlsonianum, no que describiu moitos dos espécimes que recollera en Suráfrica e no Pacífico Sur, algúns dos cales eran novos para a ciencia.

Así mesmo, publicou en 1806, unha Ornitoloxía de Suecia.

Abreviaturas[editar | editar a fonte]

A abreviatura Sparr. emprégase para recoñecer a Anders Sparrman como autoridade na descrición e clasificación científica en botánica.

A abreviatura Sparrman emprégase para recoñecer a Anders Sparrman como autoridade na descrición e taxonomía en zooloxía.