Cabo de Boa Esperanza

Na Galipedia, a Wikipedia en galego.
(Redirixido desde "Cabo da Boa Esperanza")
Mapa do cabo de Boa Esperanza, 1888

O cabo de Boa Esperanza localízase en Suráfrica, preto da Cidade do Cabo, tradicionalmente, e incorrectamente, considerábase o punto de unión entre o océano Atlántico e o océano Índico (tecnicamente esa división está no cabo Agullas). Aínda hoxe a navegación polo cabo é perigosa, de súpeto o mar ponse bravío, con ondas de ata vinte e cinco metros.

Historia[editar | editar a fonte]

O primeiro en circunnavegar o cabo de Boa Esperanza foi o navegante portugués Bartolomeu Dias en 1487 que lle deu o nome de cabo das Tormentas. Foi Xoán II de Portugal o que lle deu o seu actual nome ao abrir Vasco de Gama (1497) a ruta cara a Oriente, na busca do comercio das especias
O holandés Jan van Riebeeck estabeleceu un centro de fornecemento para a Compañía das Indias Orientais preto do cabo o 6 de abril de 1652 e que daría orixe a Cidade do Cabo.