Ali ibn Abi Talib

Na Galipedia, a Wikipedia en galego.
Saltar ata a navegación Saltar á procura
Ali ibn Abi Talib
Hakob Hovnatanian - Ali ibn Abi Talib.jpg
Nacemento 17 de marzo de 599 e 15 de setembro de 601
  A Meca
Falecemento 28 de febreiro de 661
  Cufa
Soterrado Imam Ali Mosque
Nacionalidade Califado Rashidun
Etnia Árabes, Coraixitas e Iman bint Al Abdullah
Relixión Islam
Ocupación estadista, cadí, alfaqui, muhaddith, mufassir e xuíz
Pai Abu Talib
Nai Fatimah bint Asad
Cónxuxe Fátima, Khawlah bint Ja'far, Umm ul-Banin, Amamah e Asma bint Umays
Fillos Muhsin ibn Ali, Hasan ibn Ali, Husayn ibn Ali, Abbas ibn Ali, Abdalá ibne Ali, Jafar ibn Ali, Muhammad ibn al-Hanafiyyah, Zaynab bint Ali, Umm Kulthum bint Ali, Hilal ibn Ali, Uthman ibn Ali e Ruqayya Mashhad
Irmáns Jumanah bint Abi Talib, Fakhitah bint Abi Talib, Aqeel ibn Abi Talib, Ja'far ibn Abī Tālib e Talib ibn Abi Talib
editar datos en Wikidata ]
Ali ibn Abi Talib

Ali ibn Abi Talib (علي ابن أبي طالب, ʿAlī ibn Abī Ṭālib), coñecido simplemente como Alí, nado na Meca contra o ano 600 e finado en Kufa no 661, era primo e xenro de Mahoma, profeta do islam, como esposo da súa filla Fátima (Fatima bint Muhammad), con quen casou no ano 622. Cuarto califa do islam e o primeiro imán, segundo o xiísmo.

Traxectoria[editar | editar a fonte]

Consonte os xiítas debería ter sido o sucesor de Mahoma, mais foi precedido por tres califas: Abu Bakr (632-634), Umar ibn al-Khattab (634-644) e máis Uthman ibn Affan (644-656).

O pai de Ali, Abu Talib, era un importante membro da poderosa tribo dos Banu Quraysh, aínda que un tanto vinda a menos economicamente, e tío paterno de Mahoma. Este último, que quedou orfo aínda noviño, foi acollido sendo un neno na casa de Abu Talib. Cando Alí tiña seis anos abandonou a casa paterna e púxose sob protección de Mahoma, con quen se foi a vivir.