Alexander Alexandrovich Fadeyev

Alexander Alexandrovich Fadeyev
	; (1952)
Nome orixinal	(ru) Алекса́ндр Фаде́ев
Biografía
Nacemento	11 de decembro de 1901 (Xuliano) ; Kimry, Rusia (en)
Morte	13 de maio de 1956 (54 anos); Peredelkino, Rusia (en)
Causa da morte	suicidio, ferida por arma de fogo
Lugar de sepultura	cemiterio Novodevichii
Membro do Consello Supremo da Unión Soviética
Datos persoais
Residencia	Q56397230 (1941–1942)
Actividade
Ocupación	escritor, figura pública, correspondente de guerra, xornalista, político, escritor de contos
Período de actividade	1923 - 1956
Partido político	Partido Comunista da Unión Soviética (1918–)
Membro de	USSR Union of Writers (en) ; Comité Central do Partido Comunista da Unión Soviética
Xénero artístico	Prosa, novela, novela curta, conto, sketch story (en) e xornalismo de opinión
Movemento	Realismo socialista
Pseudónimo literario	Булыга
Participou en
5 de outubro de 1952	19º Congresso do Partido Comunista da União Soviética (pt)
10 de marzo de 1939	18th Congress of the All-Union Communist Party (en)
Obra
	Obras destacables (1946) The Young Guard (en) ;
Familia
Cónxuxe	Angelina Iossifowna Stepanowa (1936–); Valeria Gerasimova (–1932)
Fillos	Masha Enzenberger; () Margarita Aliger
Pai	Q21843965
Premios
	Premio Stalin; Lenin Komsomol Prize (en) ; Medalla polo Traballo Valente na Gran Guerra Patria 1941-1945; Orde de Lenin; Orde do Estandarte Vermello; Medalla Conmemorativa do 800º Aniversario de Moscova ;
Descrito pola fonte	Grande Enciclopedia Soviética 1969-1978, (sec:Фадеев Александр Александрович); Concise Literary Encyclopedia (en) , (vol:7, sec:Фадеев), ; Bio-bibliographic Dictionary of 20th-Century Russian Writers (en)

Alexander Alexandrovich Fadeyev, nado o 24 de decembro de 1901 e finado o 13 de maio de 1956, foi un escritor soviético, representante do realismo socialista, e un dos cofundadores da Unión de Escritores Soviéticos e o seu presidente de 1946 a 1954.

Traxectoria

Fadeyev naceu en Kimry, no Oblast de Tver. Desde 1908 a 1912 viviu en Chuguyevka (Krai de Primorsky). Ingresou no movemento guerrilleiro que se enfrontou á intervención xaponesa e ao Exército Branco durante a guerra civil. Influenciado por Lev Tolstoi^[1] en 1927 publicou a novela Razgrom (A desfeita), na que describe á mocidade guerrilleira. En 1929 publicou a primeira parte da novela Poslednii iz udege (O derradeiro dos udege), na que continuaría traballando todo o resto da súa vida (aínda que quedou sen rematar, unha edición contendo o segundo volume publicouse en 1940^[2]). Na obra, Fadeyev, intentou mostrar que "un pobo extremadamente primitivo podía experimentar un salto desde o comunismo tribal cara unha organización colectiva complexa propia do século XX, saltando etapas históricas como a da familia, propiedade privada, escravitude, feudalismo, capitalismo e socialismo; na novela están algunhas das mellores páxinas escritas por Fadeyev."^[3]

En 1945 escribiu a novela, Molodaya gvardiya (baseada en feitos reais ocorridos na segunda guerra mundial) sobre o movemento de resistencia antifascista da Komsomol Garda Moza, organización que loitou contra os nazis na cidade ocupada de Krasnodon (Ucraína). Por esta novela recibiu o Premio Stalin (1946). En 1948 realizouse un filme soviético baseado no libro, malia todo en 1951 apareceu unha nova edición na que Fadeyev corrixía a obra seguindo algunhas críticas que o acusaban de non amosar ben o liderado do Partido Comunista na loita contra a ocupación alemá.

Fadeyev foi un executor fiel no campo literario dos mandados do goberno de Iosif Stalin e nos anos 1940 participou activamente o Zhdanovshchina, unha campaña de crítica e persecución contra escritores e compositores acusados de non seguir a liña do partido. Nos últimos anos da súa vida caeu no alcoholismo, suicidándose na súa dacha de Peredelkino, deixando unha carta denotando actitudes negativas cara aos novos líderes do partido trala morte de Stalin.

Notas

↑ VV.AA. The Houghton Mifflin dictionary of biography: Houghton Mifflin Harcourt, 2003, páxina 512
↑ Роман Фадеева «Последний из удэге» Arquivado 18 de agosto de 2017 en Wayback Machine..
↑ Edward J. Brown, Russian Literature Since the Revolution: Revised and Enlarged Edition (Harvard University Press, 1982: ISBN 0-674-78204-6), p. 138.

Véxase tamén

Ligazóns externas

Sovlit.net: Nota de suicidio de Fadeyev e informe do KGB (en inglés)

[1] VV.AA. The Houghton Mifflin dictionary of biography: Houghton Mifflin Harcourt, 2003, páxina 512

[2] Роман Фадеева «Последний из удэге» Arquivado 18 de agosto de 2017 en Wayback Machine..

[3] Edward J. Brown, Russian Literature Since the Revolution: Revised and Enlarged Edition (Harvard University Press, 1982: ISBN 0-674-78204-6), p. 138.

[1]

[2]

[3]