Ai Haibara
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2015.) |
| Ai Haibara | |
|---|---|
| Tipo | personaxe humano de ficción e Detective Conan character (en)   |
| Obra | |
Presente na obra
| |
| Creador/a | Gosho Aoyama |
| Interpretado por | Megumi Hayashibara, Andrea Kathrin Loewig, Brina Palencia (pt) , Federica Valenti, Michelle Giudice (pt) , Yan Meng Meng (en) , Wei Jing Qi (en) , Pansy Tsang (pt) , Hsu Yun Yun (en) , Judy Cheung (en) , Faten Ido (en) , Woo Jeong-shin (en) , Roser Aldabó Arnau (en) e Marta Aparicio (en) |
| Biografía | |
| Sexo | muller |
| Cor do pelo | cabelo castaño |
| Cor dos ollos | azul |
| Actividade | |
| Inimigo/a | Organización dos Homes de Negro |
| Educado en | Teitan Elementary School (en) |
| Ocupación | investigador |
Membro de
| |
| Familia | |
| Nai | Elena Miyano (en) |
| Pai | Atsushi Miyano (en) |
| Irmá/n | Akemi Miyano (en) |
| [ Wikidata ] | |
Shiho Miyano (宮野志保 Miyano Shiho?) é un personaxe ficticio da serie O detective Conan, creado por Gosho Aoyama.
Vida de Ai
[editar | editar a fonte]Shiho Miyano (o seu nome orixinal) é filla do científico tolo Atsushi Miyano e da arisca Elena Miyano, e a irmá máis nova de Akemi Miyano. Asistiu á escola no estranxeiro, tendo unha infancia non demasiado feliz. Cedo, comezou a abraiar os seus pais no campo científico. Dado que seus pais realizaban experimentos para a Organización dos Homes de Negro, unha organización criminal, e vistas as súas dotes acabou ingresando tamén.
Xunto a eles crea velenos e fármacos. Non obstante, a Organización mátaos facendo crer a Shiho que fora un fatal accidente. Deste xeito, Shiho continúa soa os seus traballos de científica. Sen os seus pais seguiu seguiu o labor de desenvolvemento dunha misteriosa droga alcumada APTX-4869. Nun principio o fármaco tiña a función de rexenerar as células do corpo, pero a Organización obrigouna a trocalo todo polo seu escuro propósito: matar. Nun experimento con ratos, Shiho comprobou que un dos animais minguou ata un tamaño de cría. Finalmente, cando a Organización probou unha dose con Shinichi Kudo, o adolescente minguou no canto de morrer, e comezou a loitar contra a Organización en segredo, dado que o deu por morto.
Máis tarde, a Organización liquidou a Akemi, a única familia que tiña Shiho. Por causa diso, ela retirouse e negouse a seguir traballando, polo que a Organización ceibouna. Nun intento de suicidarse, Shiho probou o seu fármaco pero no canto diso, acadou un tamaño de cativa. Así, recorreu a Shinichi, xa que sabía que o fármaco non rematara coa súa vida.
O asisado detective convértese nunha criatura de cueiros cando hai fútbol polo medio.
O profesor Agasa atopouna tirada diante da casa dos Kudo e contoulle a Conan o que pasara. Ai Haibara, o seu novo nome como nena, prometeu acompañar a Conan indo á escola e vivindo unha vida normal para non ser descuberta. Xunto co profesor, ten como obxectivo atopar un antídoto que anule o efecto da apoptose que induce a droga dos Homes de Negro. Para iso, Ai e o profesor Agasa necesitan ter coñecemento da composición exacta do veleno. Parece ser que un tipo concreto de augardente chinesa bebida cando se está a chocar unha gripe anula temporalmente os efectos da droga. Por desgraza, que unha vez utilizado este método para recuperar o verdadeiro corpo do suxeito durante uns minutos, nunca máis volverá ser efectivo nesa mesma persoa. Ai, sospeitando que esa augardente puidera ter un factor clave para a creación dun antídoto, investiga sobre o asunto chegando a crear un antídoto provisional moi perigoso e que debe ser tomado só en caso de urxente necesidade, pois pode conducir á persoa que o tome á morte.
Aínda que ás veces a rapariga poida parecer algo fría, ten un corazón moi fráxil e segue conservando a tristura pola morte da súa irmá.
