O detective Conan: O mago do ceo prateado
| O detective Conan: O mago do ceo prateado | |
|---|---|
| Ficha técnica | |
| Título orixinal | 名探偵コナン 銀翼の奇術師 |
| Director | Yasuichiro Yamamoto |
| Guión | Gosho Aoyama Kazunari Kochi |
| Música | Katsuo Ono Rina Aiuchi |
| Estudio | TMS |
| Distribuidora | Arait Multimedia (Galicia) |
| Estrea |  17 de abril de 2004 3 de xaneiro de 2013 (TVG) |
| Duración | 110 minutos |
| Orixe | Xapón |
| Xénero | Animación |
| Filme anterior | O detective Conan: Encrucillada na antiga capital |
O detective Conan: O mago do ceo prateado (名探偵コナン 銀翼の奇術師 Meitantei Konan: Ginyoku no Majishan?, literalmente O mago das ás prateadas) é un filme de animación baseado no anime O detective Conan. No Xapón, a estrea deste filme produciuse nos cinemas o 17 de abril do 2004.
En galego, estreouse na TVG o 3 de xaneiro do 2013.
Argumento[editar | editar a fonte]
Unha famosa actriz recibe unha nota de Caco Kid que ameaza con roubar o seu zafiro, "a pedra da sorte". Esa mesma noite o roubo terá lugar no teatro onde se representará a derradeira función da obra na que participa a actriz.
Conan e os seus amigos pensan que Caco Kid aparecerá durante a representación, pensando que se ha disfrazar de alguén a quen coñecen. Entón, a policía preséntase cun asistente, o detective adolescente Shinichi Kudo. Mais Conan sabe que o Shinichi que está en fronte deles é Caco Kid, xa que el é o verdadeiro Shinichi, pero non pode revelar a súa verdadeira identidade. A oportunidade para capturar o ladrón chegará no momento do final da representación, pero Caco Kid subirá ata a azotea e sairá voando polo ceo.
Despois, Conan e os demais son convidados pola actriz a unha festa na súa casa de campo, polo que terán que viaxar en avión ata Hakodate. Conan pensa que Caco Kid pode estar dentro do avión, disfrazado. É entón cando a actriz cae ao chan despois de comer un bombón de chocolate. Poderá Conan resolver o caso nun lugar tan pequeno e pechado como é un avión?
Dobraxe[editar | editar a fonte]
- Estudio: SODINOR S.A.
- Data: 2012.
- Dirección: Alfonso Valiño e Matías Brea.
- Tradución: María Alonso Seisdedos.
- Elenco da dobraxe:
| Personaxe | Actor de dobraxe |
Actor orixinal |
|---|---|---|
| Conan Edogawa | Teresa Santamaría | Minami Takayama |
| Shinichi Kudo | Gaspar Somoza | Kappei Yamaguchi |
| Ran Mouri | Isabel Vallejo | Wakana Yamazaki |
| Kogoro Mouri | Matías Brea | Akira Kamiya |
| Hiroshi Agasa | Paco Barreiro | Kenichi Ogata |
| Inspector Megure | Alfonso Valiño | Furin Cha |
| Genta Kojima | Antón Rey | Wataru Takagi |
| Mitsuhiko Tsuburaya | Montse Davila | Ikue Otani |
| Ayumi Yoshida | Marián Muíño | Yukiko Iwai |
| Sonoko Suzuki | Nora Abad | Naoko Matsui |
| Inspector Shiratori | César Cambeiro | Kazuhiko Inoue |
| Axente Takagi | Manolo Pombal | Wataru Takagi |
| Ai Haibara | Chelo Díaz | Megumi Hayashibara |
| Caco Kid | Chema Gagino | Kappei Yamaguchi |
| Ginzo Nakamori | Antón Olmos | Unsho Ishizuka |
| Eri Kisaki | Charo Pena | Gara Takashima |
| Juri Maki | Xermana Carballido | Keiko Toda |
| Bunjiro Narasawa | Coté Sansegundo | Katsuji Mori |
| Toru Ban | Alfonso Agra | Hidekatsu Shibata |
| Natsuki Sakai | Ana Lemos | Kyoko Hikami |
| Isao Shinjo | Óscar Fernández | Shinichiro Miki |
| Tenko Tajima | Ana Maciñeiras | Saeko Shimazu |
| Masayo Yaguchi | Beatriz García | Aya Hisakawa |
| Comandante Nakaya | Santiago Cortegoso | Daiki Nakamura |
| Copiloto | Monti Castiñeiras | ? |
| Comandante Shimaoka | Santiago Cortegoso | Masashi Sugawara |
| Uesugi | Xavier Perdiz | Tetsuo Kaneo |
Música[editar | editar a fonte]
A canción empregada na versión orixinal como tema de peche é "Dream x Dream" (Soño por soño), interpretada por Rina Aiuchi.
Os temas da música de fondo foron compostos por Katsuo Ono, e serían utilizados na serie orixinal a partir do ano 2005.
Véxase tamén[editar | editar a fonte]
Ligazóns externas[editar | editar a fonte]
|
||||||||||||||
|
