Adrian Tchaikovsky

Adrian Tchaikovsky
	;
Biografía
Nacemento	14 de xuño de 1972 (51 anos); Woodhall Spa (Reino Unido)
Datos persoais
País de nacionalidade	Reino Unido
Educación	Universidade de Reading
Actividade
Ocupación	legal executive (en) (–2019), escritor de ciencia ficción , escritor
Período de actividade	2008 -
Lingua	Lingua inglesa
	Premios (2023) Hugo Award for Best Series (en) , premiado polo traballo Children of Time Series (en) ; (2019) BSFA Award for Best Novel (en) , premiado polo traballo Children of Ruin (en) ; (2016) Premio Arthur C. Clarke, premiado polo traballo Children of Time (en) ;
Páxina web	shadowsoftheapt.com

Adrian Czajkowski , nado en Woodhall Spa, Lincolnshire, o 14 de xuño de 1972 - que asina os seus libros coa ortografía Adrian Tchaikovsky - é un escritor británico de fantasía e ciencia ficción. É coñecido pola súa serie de fantasía Shadows of the Apt e pola súa novela de ciencia ficción Heirs of Time, que gañou o premio Arthur C. Clarke en 2016 á mellor novela de ciencia ficción publicada no Reino Unido.^[1]

Traxectoria[editar | editar a fonte]

Estudou zooloxía e psicoloxía na Universidade de Reading, e posteriormente licenciouse en Dereito. Até 2019 traballou como asesor xurídico no Departamento de Disputas comerciais de Leeds. Vive en Leeds coa súa muller e o seu fillo.

O 23 de xaneiro de 2019, Tchaikovsky recibiu un doutoramento honoris causa en artes pola Universidade de Lincoln.

Carreira literaria[editar | editar a fonte]

Despois de quince anos de intentos infrutuosos, conseguiu publicar a súa primeira novela Empire in Black and Gold en 2008.

Nome literario[editar | editar a fonte]

Decidiu publicar co apelido transcrito como Tchaikovsky, xa que a ortografía do seu nome —de orixe polaca— podería ter causado dificultades aos lectores en lingua inglesa, mentres que Tchaikovsky xa era a transcrición habitual e coñecida en inglés do apelido ruso de fonética similar Chaikovskii (como o de Petr Ilich Chaikovskii, en ruso: Пётр Ильич Чайковский, tamén romanizado Čajkovskij). Posteriormente publicáronse co mesmo nome as edicións norteamericana e alemá do libro, así como as súas secuelas. Tchaikovsky expresou o seu desexo de que as edicións polacas das súas novelas fosen impresas co seu apelido orixinal, pero estas tamén usaron "Tchaikovsky".