A Veiga do Seixo, Castrelo de Cima, Riós

A Veiga do Seixo
	; Vista da aldea.
Parroquia	Castrelo de Cima
Concello	Riós
Coordenadas	41°58′01″N 7°11′20″O / 41.967074004805, -7.1888956676769
Poboación	31 hab. (2023)
	[ editar datos en Wikidata ]

Para outras páxinas con títulos homónimos véxase: A Veiga do Seixo.

A Veiga do Seixo é un lugar da parroquia de Castrelo de Cima, do concello ourensán de Riós, na comarca de Verín.^[1] Segundo o IGE,^[2] en 2023 tiña 31 habitantes (17 homes e 14 mulleres).

Nela celebrábase antigamente un Entroido tradicional, cunha máscara chamada vellarrón. Limita directamente con Portugal a través dunha ponte que atravesa o río Mente, onde existe unha zona recreativa de baño. O lugar foi utilizado tradicionalmente para o comercio ilegal e o contrabando.^{[Cómpre referencia]}

Xeografía física

A parroquia e o conxunto do concello do Riós posúe un marcado clima mediterráneo de montaña e nel se encontran algunhas especies de flora: aciñeira (Quercus ilex ssp. rotundifolia), terebinto (Pistacia terebinthus), arce de Montpelier (Acer monspessulanum) e fauna: abelleiro (Merops apiaster), andoriña daurica (Hirundo daurica), gaio azul (Coracias garrulus), osga común (Tarentola mauritanica) ^{[Cómpre referencia]}, especialmente raras en Galicia.

O río Mente ó seu paso pola Veiga do Seixo actúa como fronteira natural entre España e Portugal.

Demografía

A evolución demográfica da aldea da Veiga do Seixo está marcada polo brusco descenso da poboación que se produciu nas década dos anos 1950, 1960 e 1970, similar á que se produciu neste período na maior parte das aldeas de España, cunha emigración masiva cara ás medianas e grandes cidades, principalmente cara a Cataluña, Madrid, o País Vasco, e en menor medida cara a outros destinos no estranxeiro como Suíza.

Folclore

As festas parroquiais celébranse en torno ós días 26 e 27 de xullo en honor de Santa Ana, patroa da parroquia.

Na aldea existía un entroido tradicional con máscaras e traxes típicos, os vellarróns^[3], aínda que desapareceron hai décadas. Estes traxes de entroido levan unha carauta de cartón duro, onde resalta un afiado nariz con bigote e barba feitos de la de ovella de cor moura, espesas cellas, unha branca dentadura e unhas grandes orellas de papel. O traxe consta dunha camisa de algodón con lazos de once cores e uns calzóns con frecos coloreados. Os complementos son pano branco, faixa, botas, pololos e un pau. Este traxe tamén se utilizaba na veciña aldea de Castrelo de Cima, se ben en Castrelo se utilizaban tiras de tela e na Veiga tiras de papel.

Lugares e parroquias

Lugares de Castrelo de Cima

Lugares da parroquia de Castrelo de Cima no concello ourensán de Riós
Castrelo de Cima \| Covelas \| As Lapedas \| O Mourisco \| San Paio \| A Veiga do Seixo

Parroquias de Riós

Galicia \| Provincia de Ourense \| Parroquias de Riós
Castrelo de Abaixo (Santa María) \| Castrelo de Cima (Santa María) \| Fumaces e A Trepa (Santa María) \| O Navallo (San Vicente) \| Progo (San Miguel) \| Riós (Santa María) \| Rubiós (San Pedro) \| Trasestrada (Santo Estevo)

Notas

↑ Nomenclátor de Galicia. Busca directa (ed.). "Lugares da parroquia de Castrelo de Cima, Riós". Consultado o 18 de maio de 2023.
↑ "Instituto Galego de Estatística, consulta do nomenclátor". Xunta de Galicia.
↑ Rodríguez Cruz, X. (13 de febreiro de 2020). "Nos dominios do Vellarón". O Sil.

Véxase tamén

Outros artigos

Lugares de Riós

[1] Nomenclátor de Galicia. Busca directa (ed.). "Lugares da parroquia de Castrelo de Cima, Riós". Consultado o 18 de maio de 2023.

[2] "Instituto Galego de Estatística, consulta do nomenclátor". Xunta de Galicia.

[3] Rodríguez Cruz, X. (13 de febreiro de 2020). "Nos dominios do Vellarón". O Sil.

[1]

[2]

[3]