Trasestrada, Riós

Na Galipedia, a Wikipedia en galego.
Trasestrada
Concello Riós
Poboación 315 hab. (2010)
Entidades de poboación 10

Santo Estevo de Trasestrada é unha parroquia do concello de Riós. Segundo o INE en 2010 tiña 315 habitantes (166 homes e 149 homes), distribuídos en 10 entidades de poboación, o que supón unha diminución en relación ao ano 2000 cando tiña 394 habitantes.

Xeografía[editar | editar a fonte]

Trasestrada sitúase no fondo dun val fluvial formado polo río Lamas e os seus afluentes (principalmente o río da Veiguiña).

As aldeas dependentes da parroquia de Trasestrada son Cortegada, Domiz (ou Domez), A Igrexa, San Pedro de Trasverea, Sarreaus e O Souto.

Topónimo[editar | editar a fonte]

O nome de Trasestrada parece facer referencia á proximidade do Camiño Real entre Castela e as Rías Baixas. Tamén se especula que poida gardar relación coa vía romana que pasaba por este territorio.

Economía[editar | editar a fonte]

As actividades económicas principais son o cultivo da pataca, do millo, antigamente do trigo e da cebada, os castiñeiros e as touzas. Tamén se practica a gandeiría, especialmente a bovina (en tempos houbo unha extensa gandeiría lanar). O cultivo do liño, frecuente aínda a principios do século XX, está desaparecido.

Patrimonio[editar | editar a fonte]

A igrexa de Santo Estevo de Trasestrada posúe un gran retablo barroco, realizado, segundo consta nunha inscrición do ano 1746, sendo abade o licenciado Luis Cobelas. Destacan as tallas de anxos e motivos vexetais, ademais das imaxes de Santo Estevo e Santa Tareixa, á que tiñan gran devoción os membros da casa nobre de Alba, da que dependía a igrexa.

Segundo Pérez Costanti, o escultor Alonso Martínez realizou en 1602 un retablo para esta parroquia, e unha imaxe da Virxe, hoxe desaparecidos. No museo do bispado de Ourense pódese admirar unha imaxe da Virxe con neno Xesús procedente desta parroquia. Proba da riqueza que recibiu é a abundante ourivaría, na que destaca a cruz procesional, feita no ano 1807 polo prateiro Ortiz.

Lugares e parroquias[editar | editar a fonte]

Lugares de Trasestrada[editar | editar a fonte]

Lugares da parroquia de Trasestrada no concello ourensán de Riós

Cortegada | Domiz | A Eirexa | Mirós | Pedrosa | San Pedro de Trasverea | Sarreaus | O Souto | Valfarto | A Veiguiña

Parroquias de Riós[editar | editar a fonte]

Galicia | Provincia de Ourense | Parroquias de Riós

Castrelo de Abaixo (Santa María) | Castrelo de Cima (Santa María) | Fumaces e A Trepa (Santa María) | O Navallo (San Vicente) | Progo (San Miguel) | Riós (Santa María) | Rubiós (San Pedro) | Trasestrada (Santo Estevo)


Véxase tamén[editar | editar a fonte]

Outros artigos[editar | editar a fonte]