Progo, Riós

Na Galipedia, a Wikipedia en galego.
Progo
Concello Riós
Poboación 205 hab. (2009)
Entidades de poboación 4

San Miguel de Progo é unha parroquia do concello ourensán de Riós. Segundo o IGE en 2009 tiña 205 habitantes (112 mulleres e 93 homes), distribuídos en 4 entidades de poboación, o que supón unha diminución en relación ao ano 1999 cando tiña 261 habitantes. Ten catro aldeas: Pousada, Progo, Santa Baia, Vilariño das Touzas.

Xeografía[editar | editar a fonte]

A parroquia está situada sobre unha extensa chaira aproveitada para a gandaría, e dispón de varios soutos de castiñeiros.

Patrimonio[editar | editar a fonte]

A igrexa de San Miguel de Progo é de cantería no exterior, con espadana de dous vanos e adorno de pináculos, seguindo un modelo común entre as igrexas da comarca. Posiblemente foi construída no século XVIII, aínda que se descoñece a data exacta da súa construción. A igrexa posúe un cáliz coa inscrición: Pedro Pérez, veciño de Córdoba, deu este cáliz para San Pedro de Posada, ano de 1745.

Xunto co cruceiro de Riós, o cruceiro de Progo e un dos dous que existen en todo o concello. Ten tres gradas, capitel moldurado e acabado en pedra florenzada.

Lugares e parroquias[editar | editar a fonte]

Lugares de Progo[editar | editar a fonte]

Lugares da parroquia de Progo no concello ourensán de Riós

Pousada | Progo | Santa Baia | Vilariño das Touzas

Parroquias de Riós[editar | editar a fonte]

Galicia | Provincia de Ourense | Parroquias de Riós

Castrelo de Abaixo (Santa María) | Castrelo de Cima (Santa María) | Fumaces e A Trepa (Santa María) | O Navallo (San Vicente) | Progo (San Miguel) | Riós (Santa María) | Rubiós (San Pedro) | Trasestrada (Santo Estevo)


Véxase tamén[editar | editar a fonte]

Outros artigos[editar | editar a fonte]