Xoán Montes

Na Galipedia, a wikipedia en galego.

Xoán Montes Capón (Lugo, 13 de abril de 1840 - 24 de xuño 1899) foi un compositor galego, famoso especialmente por ser o autor da versión musical do poema "Negra Sombra" de Rosalía de Castro.

Ingresa con dez anos no ``Seminario Conciliar++ de Lugo, onde estuda Latinidade e Humanidade, Filosofía e Teoloxía.

Crea o coro de seminaristas, onde destacarán especialmente as súas habilidades musicais. Remata os seus estudos no 1863 e renuncia á vida espiritual para dedicarse enteiramente á música. Reorganiza a banda municipal e é o seu director ata 1890. Crea o Orfeón Lucense, posteriormente chamado Orfeón Galego, co que acada gran éxito.

Foi un músico eminentemente autodidacta, xa desde a adolescencia. Entre as súas obras, cómpre destacar dúas: "Alborada Gallega", famosa obra para banda de música interpretada cada ano centos de veces polas bandas de todo o país, e a famosísima "Negra sombra" rosaliana, versión musical estreada no ano 1892 na Habana (primeiro premio).