Cidade Ho Chi Minh

Na Galipedia, a Wikipedia en galego.
(Redirixido desde "Saigón")

Coordenadas: 10°46′10″N 106°40′55″E / 10.76944°N 106.68194°E / 10.76944; 106.68194

Cidade Ho Chi Minh
Thành phố Hồ Chí Minh (en vietnamita)
SaigonCollage.jpg
Vistas da cidade
Situación xeográfica
Cidade Ho Chi Minh en Vietnam
Cidade Ho Chi Minh
Cidade Ho Chi Minh
País Flag of Vietnam.svg Vietnam
'
Xeografía
Altitude 19 msnm
Superficie 2.095 km²
Poboación
Poboación 7 521 138 hab. (2011)
Densidade 3.590 hab/km²
Información
Código postal
Alcalde Nguyễn Thị Quyết Tâm
Páxina web Páxina oficial da Cidade Ho Chi Minh

Cidade Ho Chi Minh (en lingua vietnamita Thành Phố Hồ Chí Minh), a antiga Saigón (Sài Gòn) é unha cidade do sur de Vietnam, a maior do país. Enclavada no norte do delta do Mekong e no oeste da desembocadura do río Saigón, baixo o nome khemer , foi o principal porto de Camboxa antes da anexión da zona polos vietnamitas no século XVII. Baixo o nome de Saigón foi capital do protectorado francés da Cochinchina ata 1954 e logo pasou a ser a capital de Vietnam do Sur despois da independencia ata 1975. Dende entón conservou un aire cosmopolita con forte presenza occidental. Foi e continúa a ser un activo porto e centro comercial, financeiro e cultural. Após a vitoria do norte na guerra de Vietnam, decaeu un chisco a súa puxanza e o seu nome oficial pasou a ser Cidade Ho chi Minh. Conta cunha poboación de 5 750 000 de habitantes (2001).

A cidade atópase a 60 quilómetros do Mar da China Meridional, a 1.760 quilómetros ao sur de Hanoi, a capital do país e a menos de 300 quilómetros ao sueste de Phnom Penh, a capital de Camboxa.

A área metropolitana consiste, ademais da propia Cidade Ho Chi Minh, nas poboacións de Thủ Dầu Một, Di An, Bien Hoa e numerosas poboacións veciñas, o que suma unha poboación total de 9 millóns de persoas, sendo así unha das metrópoles máis grandes do sueste asiático.

Centro da cidade
Casa do concello

Historia[editar | editar a fonte]

Vietnamización da área[editar | editar a fonte]

En 1623 o rei Chettha II permitiu o asentamento na zona de refuxiados vietnamitas fuxidos do conflito no centro do país. Nos anos seguintes as ondadas de inmigrantes proseguiron, producindo unha vietnamización da rexión, que apoiada nun debilitado poder camboiano, forxou a anexión de facto do territorio por Vietnam. Foi nese tempo que comezou a ser chamada Sài Gòn.

1795, Cidadela de Gia Dinh.
1815, o núcleo de Cholon aparece á esquerda.

En 1698, os gobernantes Nguyen de Hue (Vietnam central) enviaron a Nguyen Hu-u Canh para estableceren unha estrutura administrativa no lugar. Ademais constrúe tamén as primeiras infraestruturas (estradas, canles, mercados, terraplén defensivo de 8-9 km arredor da área habitada) que fixeron de Saigón un asentamento xa significativo cun activo porto, polo que é considerado o fundador da cidade.

En 1790 o futuro emperador Gia Long mandou erixir, asesorado por técnicos franceses, unha fortaleza chamada Cidadela de Gia Dinh (polo nome oficial da cidade nesa época), para se protexer das revoltas campesiñas. Nese tempo xorde tamén, 10 km ao suroeste, o asentamento chinés de Cholon (antes en Bien Hoa, ao nordeste, refuxiándose das represalias dos campesiños polo seu apoio ao poder Nguyen). Convértese en activo mercado con peirao sobor do Arroio Chinés, adquirindo o rango de cidade en 1879 [1].

Colonia francesa[editar | editar a fonte]

1867
1920

No 1859 a cidadela foi conquistada por tropas francesas e destruída pouco despois (aínda que substituída por unha máis pequena). Daba comezo a ocupación colonial da Cochinchina (sur de Vietnam). Os franceses adoptan a denominación popular da cidade coa ortografía Saigón e a fan capital da colonia.

Pretendendo convertela no "París de Extremo-Oriente" dispuxeron unha extensión de corte occidental dotándoa dos edificios e servizos propios dunha capital administrativa.

A partir de 1931 (definitivamente en 1956) produciuse a integración de Saigón e Cholon nun só concello.

Capital de Vietnam do Sur[editar | editar a fonte]

No 1949 convértese na capital do Estado de Vietnam, que no 1955 queda reducido a Vietnam do Sur. Na guerra de Vietnam (1959-75) foi a base das forzas estadounidenses que apoiaban ao sur. A vitoria final das forzas do Vietcong (o norte) fixo de Hanoi a capital do país unificado. O crecemento de poboación experimentado nos últimos anos da colonia e os primeiros da independencia a levaron a se converter nunha gran cidade (110.600 en 1931; 1.723.360 en 1954) [2]. Os refuxiados das zonas rurais durante o conflito fixérona inda maior.

Cidade Ho Chi Minh[editar | editar a fonte]

No 1976 recibe a nova denominación oficial, inda que Saigón permaneza como a de uso popular. Ten crecido enormemente nos últimos anos grazas á apertura da economía vietnamita representando, coma historicamente sempre o fixo, a metrópole máis dinámica e cosmopolita do país.

Notas[editar | editar a fonte]

  1. Plan de Cholon en 1893 [1]
  2. Plano de Saigón [2]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Cidade Ho Chi Minh