Richard Avedon

Richard Avedon
	;
Biografía
Nacemento	15 de maio de 1923 ; Nova York, Estados Unidos de América
Morte	1 de outubro de 2004 (81 anos); San Antonio, Estados Unidos de América
Causa da morte	Hemorraxia cerebral
Datos persoais
País de nacionalidade	Estados Unidos de América
Educación	Universidade de Columbia ; New School for Social Research (pt) ; DeWitt Clinton High School (en) ; PS 6 (en)
Actividade
Lugar de traballo	Nova York
Ocupación	fotógrafo de moda , deseñador , fotógrafo
Período de actividade	1945 - 2004
Membro de	Academia das Artes e das Ciencias dos Estados Unidos
Xénero artístico	Fashion photography (en) , Retrato fotográfico, retrato e arte comercial (pt)
Influencias	Henry Peach Robinson (pt)
Lingua	Lingua inglesa
Representante	Pace Gallery (en)
Familia
Cónxuxe	Doe Avedon (1944–1949); Evelyn Franklin
Fillos	John Avedon (pt) ; ()
	Premios (1994) prix Nadar Gens d'images (en) ; (1991) Prêmio internacional da Fundação Hasselblad (pt) ; (1988) CFDA Lifetime Achievement Award (en) ; Membro da Academia Estadounidense das Artes e as Ciencias; AIGA Medal (en) ;
Páxina web	richardavedon.com
	Lista hemorraxia cerebral ;

Richard Avedon, nado en Nova York o 15 de maio de 1923 e finado en San Antonio, Texas, o 1 de outubro de 2004, foi un fotógrafo estadounidense. O obituario publicado por The New York Times, afirmaba que

as súas fotografías de moda e os seus retratos axudaron a definir, nos Estados Unidos, durante o último medio século, a imaxe de beleza, elegancia e cultura.^[1]

Traxectoria[editar | editar a fonte]

Primeiros anos[editar | editar a fonte]

Avedon naceu na cidade de Nova York nunha familia xudía. Era o único fillo de Jacob Israel Avedon, un inmigrante nado en Rusia que tiña unha tenda de roupa na Quinta Avenida,^[2] A súa nai, Anna, pertencía a unha familia propietaria dunha empresa de manufactura téxtil.^[1] Acudiu ao colexio DeWitt Clinton no Bronx, onde colaborou no xornal escolar The Magpie co escritor James Baldwin desde 1937 a 1940.^[3] Despois de asistir durante un tempo á Univesidade de Columbia, comezou a súa carreira como fotógrafo traballando para a mariña mercante en 1942, tomando fotografías identificativas dos membros das tripulacións. Estas fotografías realizounas cunha cámara Rolleiflex que lle dera o seu pai como agasallo de despedida. De 1944 a 1950, estudou con Alexey Brodovitch no seu laboratorio na New School for Social Research.^[1]

Carreira profesional[editar | editar a fonte]

Os seus retratos, aparentemente sinxelos mais profundamente psicolóxicos, de persoeiros célebres e de descoñecidos posando fronte a un inmaculado fondo branco, amosan un fotógrafo coidadoso capaz de plasmar no papel fotográfico trazos inesperados dos rostros de personaxes tan destacados como Truman Capote, Henry Miller, Humphrey Bogart ou Marilyn Monroe, entre moitos outros. O seu método era sinxelo mais efectivo, a derrota anímica do contrario fotografado a través de longas e cansas sesións de ata catro horas. Así nu, o retratado e indefenso era capaz de mostrar a súa personalidade máis sincera.

En 1979 comezou o que se converteu nun dos seus traballos máis importantes. Por encargo do Museo Amon Carter, de Fort Worth, Texas, Avedon dedicou cinco anos a percorrer o oeste dos Estados Unidos para documentar as persoas que nunca escribirían a historia do seu país. Nesta obra, titulada In the american west, mostra granxeiros, mineiros, vagabundos, prostitutas, amas de casa, presos, vaqueiros de rodeo ou empregados de pequenas oficinas en fotografías de gran formato tomadas coa luz de día, ao ar libre e, coma sempre, perante un fondo branco.^[4] Neles non hai nada do soño americano ou da terra prometida. Son retratos de individuos que foron observados e elevados artisticamente pola cámara de Avedon mediante unha composición sobria, logrando así unha considerable forza expresiva.

Ao rematar o proxecto, Avedon percorrera un total de 189 poboacións de 17 estados; fotografara 752 persoas utilizando arredor de 17 000 placas de película.^[4]^[5] Desta colección, escolleu 123 retratos que conformaron a serie In the american west 1979 – 1984.

Ademais do gran formato empregado para as aús fotografías de moda e retratos, desenvolveu unha obra en paralelo utilizando o paso universal que reflicte as súas vivencias máis persoais, como viaxes ou lembranzas familiares.

Algo moi fondo subxace ao longo de toda a obra de Avedon, e non obstante non sempre se acertou a concretar nos traballos realizados arredor da súa figura. É unha preocupación sincera, mais ás veces elegantemente obsesiva. O tempo, a vellez e as súas tensións resultan ser o motivo fundamental na súa obra. Vemos na súa arte como falta directamente do paso do tempo e da súa influencia no ser humano, e, como non, do camiño cara á morte. Son eses retratos descontextualizados que aparecen ante a cámara sen maquillaxe, fatigados ou tristes, tal e como se atopaban nese momento, os que claramente denotan dita inquietude. O final do seu libro Portraits (1976), por exemplo, culmina de forma tremenda mais maxistralmente tratada cunha serie de sete fotografías do seu pai envellecendo gradualmente ata que parece que se integrou na luz que o rodea.

O 25 de setembro de 2004 Avedon sufriu unha hemorraxia cerebral en San Antonio, Texas, mentres se atopaba nunha sesión fotográfica para un proxecto encargado pola revista The New Yorker que se titulaba "On Democracy", e se enfocaba no proceso electoral de 2004 nos Estados Unidos; tratábase de retratos de candidatos e delegados das convencións nacionais, entre outros involucrados no asunto.^[1] Faleceu nesa mesma cidade o 1 de outubro por mor de complicacións médicas.

Notas[editar | editar a fonte]

↑ ^1,0 ^1,1 ^1,2 ^1,3 Grundberg "Richard Avedon, the Eye of Fashion, Dies at 81. The New York Times, 1 de outubro de 2004
↑ Paula Chin (23 de maio de 1994), At 71, Assailed by Critics, the Prickly Photographer Says Frankly, 'I Don't Give a Damn How I'm Taken.' People.
↑ Staff. "Richard Avedon", The Daily Telegraph, 2 de outubro de 2004. Consultado o 14 de setembro de 2009. "He also edited the school magazine at DeWitt Clinton High, on which the black American writer James Baldwin was literary editor."
↑ ^4,0 ^4,1 Pénichon, Sylvie (2008). "The Making of the American West". The American Institute for Conservation of Historic & Artistic Works. 3 47: 175.
↑ Dubiel, Richard (1989). "Existential Approach to Art and Value". National Art Education Association. 3 42: 19. JSTOR 3193139.

Véxase tamén[editar | editar a fonte]

Ligazóns externas[editar | editar a fonte]

Richard Avedon ca 1948.
Páxina oficial
Richard Avedon en Biography.com
Richard Avedon: Portrait Series of Jacob Israel Avedon na colección do Museo Xudeu (Nova York)

[nytimes.com-1] 1,0 ^1,1 ^1,2 ^1,3 Grundberg "Richard Avedon, the Eye of Fashion, Dies at 81. The New York Times, 1 de outubro de 2004

[2] Paula Chin (23 de maio de 1994), At 71, Assailed by Critics, the Prickly Photographer Says Frankly, 'I Don't Give a Damn How I'm Taken.' People.

[3] Staff. "Richard Avedon", The Daily Telegraph, 2 de outubro de 2004. Consultado o 14 de setembro de 2009. "He also edited the school magazine at DeWitt Clinton High, on which the black American writer James Baldwin was literary editor."

[The_Making-4] 4,0 ^4,1 Pénichon, Sylvie (2008). "The Making of the American West". The American Institute for Conservation of Historic & Artistic Works. 3 47: 175.

[Sartre-5] Dubiel, Richard (1989). "Existential Approach to Art and Value". National Art Education Association. 3 42: 19. JSTOR 3193139.

[1]

[2]

[3]

[4]

[5]