Rainer Werner Fassbinder

Na Galipedia, a Wikipedia en galego.
Rainer Werner Fassbinder
Rainer Werner Fassbinder.jpg
Nacemento 31 de maio de 1945
Bad Wörishofen, Baviera
Falecemento 10 de xuño de 1982
Múnic, Baviera
Nacionalidade Alemaña Alemaña
Profesión Director
Cónxuxe(s) Ingrid Caven (1970–72)
Ficha na IMDb

Rainer Werner Fassbinder, nado en Bad Wörishofen (Baviera) o 31 de maio de 1945 e finado en Múnic o 10 de xuño de 1982 foi un director de cinema e guionista alemán, un dos principais representantes do novo cinema alemán.

Traxectoria[editar | editar a fonte]

Nado nunha familia burguesa, os seus pais separáronse en 1951, quedando coa súa nai. Porén, a tuberculose da súa nai mantívoos separados longas tempadas, sendo coidado por amigos. Fassbinder cada vez volvíase máis independente e incontrolable, pasando moito tempo nas rúas e escapándose da escola. Co diñeiro que lle daba a súa nai ía ao cine case cada día, e en ocasións, tres ou catro veces no mesmo día. Con quince anos marchou a Colonia a vivir co seu pai, co que discutía habitualmente. Aló estudou na escola nocturna e facía pequenos traballos. Tamén comezou a escribir obras, poemas e contos.

En 1963 mudouse a Múnic, tomando clases de interpretación. En 1965 escribiu e dirixiu unha curtametraxe, Der Stadtstreicher, financiado polo seu amante, o aspirante a actor Christoph Roser. Dous anos despois uniuse a unha compañía teatral, na que actuaba e dirixía.

A partir de 1969 concentrouse na súa carreira cinematográfica, pero volveu intermitentemente ao teatro ao longo da súa vida. Durante os quince anos que durou a súa carreira no cinema dirixiu máis de corenta filmes e telefilmes. Ademais tamén foi compositor, director de produción, director de fotografía, produtor e montador, recibindo premios en múltiples festivais.

Nos anos nos que rodaba o seu último filme, Querelle (1982), Fassbinder abusaba do alcohol e das drogas. A tarde do nove de xuño de 1982, entou no seu cuarto a traballar nun futuro filme, Rosa L, baseado na vida de Rosa Luxemburg. Á unha da madrugada falou por teléfono co seu amigo e axudante Harry Baer. Cando a parella de Fassbinder, a montadora Juliane Lorenz, chegou á casa, entrou no cuarto (sen permiso) e atopouno morto na cama. A causa da morte foi un dose letal de cocaína e barbitúricos.[1]

Filmografía[editar | editar a fonte]

Ano Filme
1969 Liebe ist kälter als der Tod
1969 Katzelmacher
1970 Götter der Pest
1970 Warum läuft Herr R. Amok?
1970 Der amerikanische Soldat
1971 Whity
1971 Warnung vor einer heiligen Nutte
1972 Händler der vier Jahreszeiten
1972 Die bitteren Tränen der Petra von Kant
1974 Angst essen Seele auf
1974 Effi Briest
1975 Faustrecht der Freiheit
1975 Mutter Küsters Fahrt zum Himmel
1976 Satansbraten
1976 Chinesisches Roulette
1978 Despair
1978 In einem Jahr mit 13 Monden
1979 Die Ehe der Maria Braun
1979 Die dritte Generation
1981 Lili Marleen
1981 Lola
1982 Die Sehnsucht der Veronika Voss
1982 Querelle

Notas[editar | editar a fonte]

  1. "O du verhasst-geliebtes Gift", Der Spiegel, 21 June 1982

Véxase tamén[editar | editar a fonte]

Commons
Commons ten máis contidos multimedia na categoría: Rainer Werner Fassbinder Modificar a ligazón no Wikidata

Ligazóns externas[editar | editar a fonte]