Pobos papúas

Pobos papúas
Pobos papúas
	Sing-sing, reunión de diferentes tribos na provincia de Enga.
Poboación
	Poboación total:; c
	Rexións principais:
Papúa Nova Guinea	-
Indonesia	2 693 630 (censo de 2010)
Timor Leste	-
Aspectos culturais
Lingua	Linguas papúas; Linguas trans-neoguineanas; Lingua indonesia
Relixión	Cristianismo, islam e animismo
Grupos; relacionados	Aborixes australianos e melanesios e insulares do estreito de Torres

Os papúas^[2] son un conxunto de pobos indíxenas da illa de Nova Guinea e as illas veciñas, que falan as diferentes linguas papúas. Diferéncianse lingüística e etnicamente dos austronesios, que son falantes dunha familia lingüística introducida en Nova Guinea hai trescentos anos.

Linguas papúas[editar | editar a fonte]

Artigo principal: Linguas papúas.

O gran número de grupos étnicos distinguibles na illa de Nova Guinea e os arquipélagos adxacentes reflíctese na gran diversidade lingüística desta rexión xeográfica. Dende comezos do século XX, antropólogos e lingüistas traballaron para documentar as linguas papúas, clasificalas e reconstruír a súa historia pasada. O traballo conxunto de antropólogos e lingüistas permitiu aclarar a etnoxénese dos pobos de Nova Guinea e os arquipélagos achegados.

Xenética[editar | editar a fonte]

Nun estudo de 2005 sobre variacións do xene ASPM, Mekel-Bobrov et al. descubriron que os pobos papúas teñen a taxa máis alta do haplogrupo D do recentemente evolucionado ASPM, co 59,4% de ocorrencia do alelo de 6 000 anos de antigüidade.^[3] Malia que non se coñece exactamente cal é a vantaxe selectiva que proporciona este xene, o alelo do haplogrupo D crese que foi seleccionado positivamente en poboacións para conferir algunha vantaxe substancial que fixo que a súa frecuencia medrase axiña.

Os principais haplogrupos do cromosoma Y dos pobos papúas son o haplogrupo K2b1 (Y-DNA) e o haplogrupo C1b2a.^[4]