Mozilla Firefox

Mozilla Firefox
Mozilla Firefox 2.0 en GNOME, Ubuntu
Desenvolvedor:	Mozilla Foundation
Última versión:	6.0 (16 de agosto de 2011)
Sistema operativo:	Windows/GNU/Linux/Mac OS X/Solaris/BSD
Xénero:	Navegador web
Licenza:	MPL/GPL/LGPL
En galego:	Si
Sitio web:	www.mozilla-europe.org

Captura de Mozilla Firefox 1.5.0.7 en galego na versión para Mandriva Linux 2006.

Mozilla Firefox (orixinariamente coñecido como Phoenix e brevemente como Mozilla Firebird) é un navegador web desenvolvido pola Mozilla Foundation, axudado por centos de voluntarios como software libre e multiplataforma.

A versión 1.0 foi publicada o 9 de novembro de 2004, e ata o 12 de febreiro de 2007, Firefox acadou os 300 millóns de descargas, converténdose nunha das aplicacións de código libre máis usadas polos usuarios particulares. A última versión estable é a 6.0, que saíu o 16 de agosto de 2011.

Mozilla Firefox pretende ser un navegador pequeno, rápido, intuitivo, estable e seguro. Baseado no compoñente de navegación da suite Mozilla, o Firefox converteuse no produto principal da Mozilla Foundation.

Porcentaxe do uso de Firefox.

O código fonte de Firefox está dispoñíbel baixo os termos MPL/GPL/LGPL.

De acordo con Net Applications, o 14,56% dos navegadores do mundo eran Firefox en agosto do 2007, cun 14,05% usando a versión 1.5 ou superior.

Lemas de Firefox

• Redescubre a web
• Navega á última
• Seguro, rápido e gratuíto

Véxase tamén

Outros artigos

• Mozilla
• Mozilla Thunderbird
• Mozilla Foundation

Ligazóns externas

• Páxina oficial (en inglés)
• Páxina web oficial (en galego)
• Tradución ó galego no Proxecto Trasno.