Moncho Gil
| Biografía | |||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 16 de agosto de 1897  Vigo, España | ||||||||||||||||||||||||||||||||||||||||||
| Morte | 18 de xaneiro de 1965 (67 anos) Vigo, España | ||||||||||||||||||||||||||||||||||||||||||
| Datos persoais | |||||||||||||||||||||||||||||||||||||||||||
| País de nacionalidade | España | ||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||
| Período de actividade | - 1927 | ||||||||||||||||||||||||||||||||||||||||||
| Lingua | Lingua castelá | ||||||||||||||||||||||||||||||||||||||||||
| Nacionalidade deportiva | España | ||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||||||||||
| |||||||||||||||||||||||||||||||||||||||||||
| Participou en | |||||||||||||||||||||||||||||||||||||||||||
| 1920 | Xogos Olímpicos de 1920 |
||||||||||||||||||||||||||||||||||||||||||
Ramón Gil Sequeiros, nado en Vigo o 16 de agosto de 1897 e finado na mesma cidade o 18 de xaneiro de 1965, foi un futbolista galego máis coñecido como Moncho Gil, que xogaba na demarcación de dianteiro. Foi medallista olímpico en 1920.
Traxectoria[editar | editar a fonte]
Comezou a xogar no Real Vigo Sporting Club pero comezou a despuntar facendo o servizo militar, cando se organizou o primeiro campionato militar de fútbol de España. Para ese torneo o Rexemento de Infantaría Murcia destacado en Vigo fixo moi bo equipo ao contar con varios xogadores do Vigo Sporting Club e do Real Club Fortuna de Vigo. Tan ben o fixeron que chegaron á final, onde gañaron cun gran papel de Ramón, que marcou os dous goles da vitoria.
Segundo os datos da Real Federación Española de Fútbol, o vínculo de Ramón Gil co fútbol en activo seguiu ata 1927, chegando a militar no Celta de Vigo catro tempadas dende a súa fundación en 1923. Foi internacional coa Selección de fútbol de Galicia e varias ocasións, entre elas o primeiro encontro do combinado galego, disputado o 19 de novembro de 1922 ante a Selección de Castela.
Tamén disputou coa Selección de fútbol de España os Xogos Olímpicos de 1920 realizados en Antuerpen (Bélxica), onde o combinado español obtivo a medalla de prata, disputou dous encontros, ante Holanda e Italia. El e Luis Otero Sánchez son os primeiros galegos en ser medallistas olímpicos.
Vida persoal[editar | editar a fonte]
De familia con posibles, era fillo de Ramón Gil Vidal, cónsul de Haití e comerciante eminente da cidade de Vigo. Casou en 1923 con Aurora Curbera[2].
Notas[editar | editar a fonte]
- ↑ "Vigo rende homenaxe aos seus olímpicos e paralímpicos cun monumento". VigoÉ. 13/10/2016.
- ↑ "Moncho Gil, futbolista vigués olímpico en Amberes en 1920". La Voz de Galicia (en castelán). 14 de abril de 2007. Arquivado dende o orixinal o 11 de xuño de 2015.
Cuartos de final do Campionato Interrexional 1922/23 | ||
|  | |
| Control de autoridades |
|
|---|
- Futbolistas de Vigo
- Medallistas olímpicos de Galicia
- Nados en Vigo
- Nados en 1897
- Finados en 1965
- Dianteiros de fútbol
- Xogadores do Real Vigo Sporting Club
- Xogadores do Celta de Vigo
- Xogadores da selección de fútbol de Galicia
- Xogadores da selección de fútbol de España
- Medallistas olímpicos de prata por España
- Medallistas nos Xogos Olímpicos de 1920
- Medallistas olímpicos en fútbol
- Futbolistas olímpicos de Galicia
- Futbolistas nos Xogos Olímpicos de 1920