Mauro Varela Pérez

Mauro Varela Pérez
	;
Biografía
Nacemento	1941 ; Lugo, España
Morte	30 de xaneiro de 2020 (78/79 anos); Lugo, España
Deputado no Congreso dos Deputados
	26 de marzo de 1996 – 30 de setembro de 1997 – Manuel González Fernández → ; Lexislatura: VI lexislatura de España ; Circunscrición electoral: Circunscrición electoral de Lugo ; Electo en: Eleccións Xerais 1996 en España
Deputado no Congreso dos Deputados
	21 de xuño de 1993 – 9 de xaneiro de 1996 ; Lexislatura: V lexislatura de España ; Circunscrición electoral: Circunscrición electoral de Lugo ; Electo en: Eleccións Xerais 1993 en España
Deputado no Congreso dos Deputados
	13 de novembro de 1989 – 13 de abril de 1993 ; Lexislatura: IV lexislatura de España ; Circunscrición electoral: Circunscrición electoral de Lugo ; Electo en: Eleccións Xerais 1989 en España
Datos persoais
País de nacionalidade	España
Actividade
Ocupación	político
Empregador	Caixa Galicia
Partido político	Partido Popular
Lingua	Lingua castelá
Familia
Pai	Mauro Varela Fernández

Mauro Varela Pérez, nado en Lugo en 1941 e finado na mesma cidade o 30 de xaneiro de 2020,^[1] foi un avogado e político galego, que chegou a presidir Caixa Galicia, daquela a primeira entidade bancaria de Galicia.

Traxectoria[editar | editar a fonte]

Foi fillo de Mauro Varela Fernández, avogado represaliado polo franquismo. Fillo e neto tamén de avogado, licenciouse en Dereito e en 1965 empezou a traballar como avogado no seu despacho de Lugo.

Nas eleccións xerais de 1989 foi elixido deputado pola provincia de Lugo polo Partido Popular. Volveu ser elixido deputado por Lugo nas xerais de 1993 e 1996. Renunciou ao escano en 1997, para dar o salto á política galega: no Congreso foi substituído por Manuel González Fernández. Foi elixido parlamentario pola provincia de Lugo nas eleccións autonómicas de 1997.

A súa vinculación política levouno a ser vicepresidente do consello de administración e presidente da Comisión de Control de Caixa Galicia, daquela a maior entidade financeira galega e que tiña representantes das administracións públicas no seu consello de administración. Cando Caixa Galicia se fusionou con Caixanova, foi elixido co-presidente de Novacaixagalicia e posteriormente conselleiro de Novagalicia Banco, cando a bancarización da entidade no marco da crise financeira de 2008. Dimitiu do cargo o 25 de xuño de 2012 logo dunha polémica por unhas declaracións^[2], durante o escándalo das preferentes, produtos financeiros de difícil venda que as entidades bancarias estiveran colocando a pequenos accionistas privados. Varela afirmara que os clientes das entidades bancarias eran conscientes do que mercaban e que estiveran obtendo unha alta rendibilidade.

Foi membro da Academia Galega de Xurisprudencia e Lexislación, e do Círculo das Artes de Lugo. Tamén foi membro do Consello Social da Universidade de Santiago de Compostela.