Marco finlandés

Na Galipedia, a Wikipedia en galego.
Marco finlandés †
Suomen markk en finlandés
FIN-10m-anv.jpg
Código: FIM
Ámbito: Finlandia Finlandia
Símbolo: mk
Fracción: 100 penniä
Moedas: 1, 5, 10, 20, 50 penniä 1, 5, 10 marcos
Billetes: 10, 20, 50, 100, 500, 1.000 marcos
Emisor: Banco de Finlandia
Taxa de troco:
fixa
1 EUR = 5,94573 FIM
Oficial até o 28-02-2002

O marco finlandés (en finés: markka) foi a moeda de curso legal en Finlandia. Coexistiu co euro desde 1999 a 2002, ano en que saíu definitivamente de circulación. Un marco finlandés dividíase en 100 peniques (penniä). O código ISO 4217 para esta unidade monetaria é FIM e a súa abreviatura era mk.

Historia[editar | editar a fonte]

O marco foi emitido por primeira vez en 1860 polo Banco de Finlandia, substituíndo ao rublo ruso cunha taxa de cambio de 1:1. En 1865 o marco desligouse do rublo e uniu o seu valor á prata. Trala independencia de Finlandia en 1917 a divisa foi apoiada polo valor do ouro. O patrón de ouro abandonouse en 1940 e o marco sufriu unha severa inflación durante os anos da II Guerra Mundial. En 1963 fíxose unha desvalorización creando un novo marco, equivalente a 100 antigos marcos.

Finlandia uniuse aos Acordos de Bretton Woods en 1948. O valor do marco ligouse ao dólar cunha taxa de cambio de 320 FIM = 1 USD, que sufriu cambios en 1963 e 1967. Trala finalización dos Acordos de Bretton Woods en 1971, xurdiron novas divisas ás que tomar como referencia. Ocasionalmente a moeda desvalorizábase, até nun 60% entre 1975 e 1990, permitindo achegarse máis ao dólar estadounidense que ao emerxente marco alemán. A industria papeleira, que utilizaba nas súas transaccións o dólar estadounidense, foi culpada destas desvalorizacións para incrementar as súas exportacións. Varias políticas de control económico elimináronse e gradualmente o mercado se liberalizou durante os anos 80 e 90.

En 1991 o marco fixouse ao ECU, pero tivo que desligarse aos dous meses cunha desvalorización do 12%. En 1992 Finlandia entrou nunha gran recesión causada por varios factores, o principal deles a gran débeda interior producida polo boom económico. Outro factor foi o colapso da Unión Soviética, xa que con esta mantíñanse varios acordos económicos que desapareceron. Como resultado abandonáronse as antigas taxas de cambio e o marco saíu á boia. O seu valor diminuíu inmediatamente un 13% e os prezos converxeron aos niveis alemáns. Tamén algúns emprendedores que tomaron prestado diñeiro en divisa estranxeira víronse de súpeto cunha débeda insustentable.

En 1996 o marco finlandés uniuse ao mecanismo europeo de tipos de cambio e en 1999 ao euro para ser substituído por este fisicamente en 2002. Especulouse moito si Finlandia adoptaría o euro debido ás flutuacións do mercado e da chamada burbulla tecnolóxica que influíron no valor do marco.

Moedas[editar | editar a fonte]

As primeiras moedas que se acuñaron foron denominacións de 1, 5 e 10 penniä de cobre, 25 e 50 penniä de prata, e 1 e 2 marcos de prata, e 10 e 20 marcos de ouro. Tras a I Guerra Mundial substituíronse os metais nobres por moedas de 25 e 50 penniä e 1 marco de cuproníquel en 1921, seguidas de 5, 10 e 20 marcos de bronce-aluminio entre 1928 e 1931. Durante a II Guerra Mundial o cobre substituíu ao cuproníquel nas denominacións de 25 e 50 penniä e 1 marco, seguidas por unhas acuñacións de ferro de 10, 25 e 50 penniä e 1 marco. Durante este período tamén se emitiron moedas de 5 e 10 penniä con buraco.

En 1948 tódalas moedas inferiores a 1 marco deixaron de acuñarse. En 1952 introduciuse unha nova serie con moedas máis pequenas de ferro en denominacións de 1 e 5 marcos, seguidas das de 10, 20 e 50 marcos de bronce-aluminio dende 1956, e denominacións de 100 e 200 marcos de prata. Esta serie mantívose até a introdución dun novo marco en 1963.

As series do novo marco compúñanse ao principio de seis denominacións: 1 penniä de aluminio, 5 penniä de cobre e máis tarde de aluminio, 10 penniä de bronce-aluminio e despois de aluminio, 20 e 50 penniä de bronce-aluminio e 1 marco de prata e máis tarde de cuproníquel. Desde 1972 introduciuse unha nova moeda de 5 marcos de bronce-aluminio.

As moedas en circulación antes da substitución polo euro eran as seguintes:

Imaxe Denominación Metal Diámetro
(mm.)
Peso
(gr.)
Canto Anverso Reverso
Anel Centro
10 Penniä Cu+Ni 16,30 1,80 Liso Convallaria - SUOMI · FINLAND - ano de acuñación 10 PENNIÄ · PENNI - Panal
50 Penniä Cu+Ni 19,70 3,30 Liso Oso pardo - SUOMI · FINLAND - año de acuñación 50 PENNIÄ · PENNI - Musgo capilar
1 Marco Cu+Ni+Zn 22,25 4,90 Liso Escudo de Finlandia - SUOMI · FINLAND - ano de acuñación 1 MARKKA · MARK
5 Marcos Cu+Ni+Zn 24,50 5,50 Liso
SUOMI
FINLAND
Foca do lago Saimaa - SUOMI · FINLAND - ano de acuñación 5 MARKKA · MARK - Cabaliño do demos e nenúfares
10 Marcos Cu+Ni Cu+Ni+Zn 27,25 8,00 Liso Pita do monte - SUOMI · FINLAND - ano de acuñación 10 MARKKA · MARK - Xerbo

Billetes[editar | editar a fonte]

Os billetes en circulación até 2002 eran os das denominacións que a continuación se describen:

Imaxe do anverso Imaxe do reverso Denominación Cor predominante Anverso Reverso
FIN-10m-anv.jpg FIN-10m-rev.jpg 10 Marcos Azul 10 - KYMMENEN MARKKAA - TIO MARK - Paavo Nurmi - SUOMEN PANKKI 10 - Kymmenen markkaa - Tio mark - Estadio Olímpico de Helsinqui - SUOMEN PANKKI - FINLANDS BANK - Escudo de Finlandia
FIN-20m-anv.jpg FIN-20m-rev.jpg 20 Marcos Verde/Azul 20 - KAKSIKYMMENTÄ MARKKAA - TJUGO MARK - Väinö Linna - SUOMEN PANKKI 20 - Kaksikymmentä markkaa - Tjugo mark - Ponte de Tammerkoski - SUOMEN PANKKI - FINLANDS BANK - Escudo de Finlandia
FIN-50m-anv.jpg FIN-50m-rev.jpg 50 Marcos Marrón 50 - VIISIKYMMENTÄ MARKKAA - FEMTIO MARK - Alvar Aalto - SUOMEN PANKKI 50 - Viisikymmentä markkaa - Femtio mark - Finlandia Hall - SUOMEN PANKKI - FINLANDS BANK - Escudo de Finlandia
FIN-100m-anv.jpg FIN-100m-rev.jpg 100 Marcos Verde 100 - SATA MARKKAA - HUNDRA MARK - Jean Sibelius - SUOMEN PANKKI 100 - Sata markkaa - Hundra mark - Cisnes - SUOMEN PANKKI - FINLANDS BANK - Escudo de Finlandia
FIN-500m-anv.jpg FIN-500m-rev.jpg 500 Marcos Rojo 500 - VIISISATAA MARKKAA - FEMHUNDRA MARK - Elias Lönnrot - SUOMEN PANKKI 500 - Viisisataa markkaa - Femhundra mark - Camiño nun bosque - SUOMEN PANKKI - FINLANDS BANK - Escudo de Finlandia
FIN-1000m-anv.jpg FIN-1000m-rev.jpg 1.000 Marcos Violeta 1000 - TUHAT MARKKAA - TUSEN MARK - Mikael Agricola - SUOMEN PANKKI 1000 - Tuhat markkaa - Tusen mark - Castelo de Turku - SUOMEN PANKKI - FINLANDS BANK - Escudo de Finlandia

Véxase tamén[editar | editar a fonte]

Ligazóns externas[editar | editar a fonte]