María Adánez

Na Galipedia, a Wikipedia en galego.
María Adánez
María Adánez - Seminci 2011.jpg
Nacemento María Angustias Adánez Almenara
12 de marzo de 1976 (38 anos)
Madrid
Profesión Actriz
Ficha na IMDb

María Angustias Adánez Almenara, coñecida como María Adánez, nada en Madrid o 12 de marzo de 1976, é unha actriz española.

Traxectoria[editar | editar a fonte]

María Adánez é filla da maquilladora Paca Almenara e fillastra do tamén actor Santiago Ramos (co que ten traballado en varias ocasións). Deuse a coñecer mediante a serie de televisión Farmacia de guardia de Antonio Mercero en 1992 e máis tarde cun papel de maior protagonismo en Pepa y Pepe, en cuxa filmación forxou vínculos co equipo, desde o realizador Manuel Iborra ós seus principais compañeiros de reparto: Verónica Forqué, Silvia Abascal e Tito Valverde.

Ese vínculos reforzaríanse posteriormente coa posta en marcha de dous proxectos cinematográficos: El tiempo de la felicidad (1997), onde Verónica Forqué volvía interpretar á nai dos personaxes de María e de Silvia Abascal como fixera en Pepa y Pepe, e La dama boba (2005), badeada na obra de Lope de Vega. Entre as súas incursións no cine destacan tamén outras coma La ley de la frontera (1995), de Adolfo Aristarain; Cha-cha-chá (1998), de Antonio del Real; Entre las piernas (1999), de Manuel Gómez Pereira ou Tiovivo c. 1950 (2004),de José Luis Garci. Tamén traballou ás ordes do galego Antón Reixa na adaptación da novela de Manuel Rivas O lapis do carpinteiro.

Paralelamente sedenvolveu unha sólida carreira teatral. A representación máis coñecida na que interviu foi El príncipe y la corista, xunto a Emilio Gutiérrez Caba (co que xa coincidira en Javier ya no vive sólo), obra pola que recibiu o Premio Ercilla como actriz revelación de teatro e foi nominada pola Unión de actores ó Premio á mellor actriz. Outras obras teatrais nas interviu son La tienda de la esquina de Lander Iglesias, Los bosques de Nyx de Miguel Bosé eCasa de muñecas de Nino Quevedo. A súa última intervención no teatro foi da man de Miguel Narros co clásico de Oscar Wilde, Salomé, proxecto que a levou a deixar Aquí no hay quien viva.

Tamén participou noutras series de televisión con papeis fixos como Los vecinos de al lado, Menudo es mi padre, Ellas son así, Javier ya no vive sólo e a exitosa Aquí no hay quien viva, onde interpretaba á pija, papel que de novo lle deu grande popularidade e recoñecemento.

Filmografía[editar | editar a fonte]

Series de televisión[editar | editar a fonte]

Papeis fixos[editar | editar a fonte]

Papeis episódicos[editar | editar a fonte]

Obras de teatro[editar | editar a fonte]

Premios[editar | editar a fonte]

Unión de Actores[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]