Manuel Muñiz
| Biografía | |
|---|---|
| Nacemento | (es) José Manuel Muñiz Tubío  1930 Boiro, España |
| Morte | 28 de xullo de 2011 (80/81 anos) |
| Datos persoais | |
| País de nacionalidade | España |
| Actividade | |
| Ocupación | compositor , músico |
| Lingua | Lingua castelá |
José Manuel Muñiz Tubío, nado en Boiro en 1929 ou 1930[1][2] e finado o 28 de xullo de 2011 en Santiago de Compostela, foi un músico e compositor galego.
Traxectoria[editar | editar a fonte]
Como intérprete, Muñiz tocaba o trombón de varas, o violín e a trompeta, mais a súa sona chegoulle da man da composición e da dirección de orquestras de música popular e lixeira.
En 1951, fíxose cargo do traballo de director da orquestra de música lixeira Compostela, que naquela altura xa levaba máis de tres décadas de existencia. Foi primeiro o seu director durante cincuenta anos, e despois tamén o seu propietario, ata o 2001, cando se retirou definitivamente. Durante eses anos, ademais do seu traballo á fronte da Orquesta Compostela compuxo pezas para Ana Kiro, Pili Pampín, Sabela (da que ademais foi descubridor) ou Miguel Torres. Entre os varios centos de cancións compostas por el,[3][4] estivo Galicia, terra meiga (1973) ou o himno do club de fútbol SD Compostela, que chegou a xogar na primeira división española.
Ademais, Manuel Muñiz foi profesor da Banda Municipal de Santiago.
Honras[editar | editar a fonte]
- Medalla de Galicia[5]
- Medalla de ouro da Real Banda de Gaitas
- Fillo predilecto de Boiro.[5]
Notas[editar | editar a fonte]
- ↑ Cancio, Miguel. "A la memoria de Manuel Muñiz". El Correo gallego. Arquivado dende o orixinal o 16 de maio de 2018. Consultado o 15 de maio de 2018.
- ↑ https://www.rememori.com. "Esquela online de José Manuel Muñiz Tubío fallecido en Santiago de Compostela #DEP". www.rememori.com (en castelán). Consultado o 2018-05-15.
- ↑ Redacción (2016-12-09). "Boiro recordó al músico Manuel Muñiz". La Voz de Galicia (en castelán). Consultado o 2018-05-15.
- ↑ Redacción (2011-07-30). "Fallece José Manuel Muñiz, director de la Orquesta Compostela". La Voz de Galicia (en castelán). Consultado o 2018-05-15.
- ↑ 5,0 5,1 Jamardo, José Manuel (8 de decembro de 2016). "Un reconocimiento más que merecido". lavozdegalicia.es (en castelán). Consultado o 20 de marzo de 2024.