Lithocarpus
| Lithocarpus | |||||||||||||||
|---|---|---|---|---|---|---|---|---|---|---|---|---|---|---|---|
 Lithocarpus edulis na rexión de Kanto, Xapón | |||||||||||||||
| Clasificación científica | |||||||||||||||
| |||||||||||||||
| Especies | |||||||||||||||
| |||||||||||||||
| Sinonimia | |||||||||||||||
| |||||||||||||||
Lithocarpus é un xénero de plantas pertencente á familia das fagáceas.
A lista de Kew acepta que o xénro conta con 334 especies, aínda que algúns autores atribúenlle só 100, todas elas nativas do suroeste de Asia, coa única excepción de Lithocarpus densiflorus, que é propia do oeste de Norteamérica (Oregón e California).[1]
Na bibliografía internacional estas especies son coñecidas co nome vulgar de carballos de pedra.
Características[editar | editar a fonte]
As especies deste xénero on árbores perennifolias cunha aparencia entre a do carballo e do castiñeiro. O seu tamaño varía moito segundo a especie, Lithocarpus densiflorus alcanza os 24 m de altura ou máis, mentres que Lithocarpus edulis só chega aos 9 m de altura nos espécimes cultivados. As súas follas, coriáceas, poden seren enteiras ou dentadas. A inflorescencia é similar á do castiñeiro, e a semente é unha cápsula semellante a unha landra de carballo, pero coa casca moi dura. O froito de Lithocarpus edulis é comestíbel, pero non o das demais especies. Son plantas de clima frío, que requiren sol ou sombra parcial e un solo ben drenado, neutro ou ácido.[2]
Varias especies cultívanse como planta ornamental para parques e xardíns en zonas temperadas e subtropicais.
Taxonomía[editar | editar a fonte]
Descrición[editar | editar a fonte]
O xénero foi descrito en 1826 polo naturalista e botánico alemán-neerlandés Carl Ludwig Blume e publicado en Bijdragen tot de flora van Nederlandsch Indië 10: 526.[3]
Etimoloxía[editar | editar a fonte]
O nome Lithocarpus está formado polos elementos do latín científico litho- e -carpus, derivados dos nomes do grego antigo λίθος líthos, "pedra", e καπός carpós, "froito", "semente",[4] en alusión á dureza dos seus froitos.
Sinónimos[editar | editar a fonte]
Ademais de polo nome valido actualmente, o xénero coñeceuse tamén polos sinónimos:[5]
- Arcaula Raf., 1838
- Corylopasania (Hickel & A.Camus) Nakai, 1939
- Cyclobalanus (Endl.) Oerst., 1867
- Kuromatea Kudô, 1930
- Limlia Masam. & Tomiya, 1947
- Pasania (Miq.) Oerst., 1867)
- Synaedrys Lindl., 1836
Nota taxonómica[editar | editar a fonte]
Recentes estudos xenéticos do xénero Lithocarpus, suxiren que a especie norteamericana está distanciada das especies asiáticas e pode ser transferida ao seu propio xénero,[6]
Isto foi o que de feito fixeron Manos, Cannon e Oh, en 2008, en que, baseándose en múltiples evidencias, crearon o novo xénero Notholithocarpus, que está máis estreitamente relacionado cos carballos temperados do norte, do xénero Quercus, e non tanto cos carballos de pedra tropicais asiáticos, e que semella que se trata dun exemplo de evolución morfolóxica converxente.[7]
Algunhas especies seleccionadas[editar | editar a fonte]
- Lithocarpus cleistocarpus
- Lithocarpus densiflorus (actualmente reclasificada como Notholithocarpus densiflorus)
- Lithocarpus edulis
- Lithocarpus elegans
- Lithocarpus glaber
- Lithocarpus hancei
Nota: a lista completa pode verse na ligazón externa dos Reais Xardíns Botánicos de Kew.
Notas[editar | editar a fonte]
- ↑ Lithocarpus en The Plant List.
- ↑ Lithocarpus Arquivado 06 de xullo de 2020 en Wayback Machine. en elhogarnatural.com (en castelán).
- ↑ "Lithocarpus". Tropicos.org. Missouri Botanical Garden. Consultado o 6 de xullo de 2020.
- ↑ Lithocarpus no Meriam-Wbebaster Dictionary.
- ↑ "Lithocarpus". Royal Botanic Gardens, Kew: World Checklist of Selected Plant Families. Consultado o 6 de xullo de 2030.
- ↑ Paul S. Manos, Zhe-Kun Zhou & Charles H. Cannon (2001): "Systematics of Fagaceae: Phylogenetic tests ofreproductive trait evolution". Int. J. Plant Sci. 162 (6): 1361–1379.
- ↑ Manos, Paul S.; Cannon, Charles H.; Oh, Sang-Hun (2008): "Phylogenetic relationships and taxonomic status of the paleoendemic Fagaceae of Western North America: recognition of a new genus, Notholithocarpus". Madroño 55 (3): 181–190.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Lithocarpus  |
Bibliografía[editar | editar a fonte]
- Camus, Aimee (1948): "Les chenes. Monographie des genres Quercus et Lithocarpus, Atlas vol. 3". Encyclopedie Economique de Sylviculture. 7: 152–165.
- Kaul, Robert B. (1987): "Reproductive structure of Lithocarpus sensu lato (Fagaceae): cymules and fruits". Journal of the Arnold Arboretum. 68: 73–104.
- Soepadmo, E. (1972): "Fagaceae". Flora Malesiana: Series I - Spermatophytes. 7: 265–403.
Outros artigos[editar | editar a fonte]
Ligazóns externas[editar | editar a fonte]
- Lista completa de todas as especies de Lithocarpus, na World Checklist of Selected Plants Families. Reais Xardíns Botánicos de Kew.
- Lista e descrición de especies de Lithocarpus na China.
| Control de autoridades |
|
|---|
